Morgunblaðið - 10.06.2021, Síða 4

0,04%
0,06%
0,07%
0,01%
Tilkynningar vegna gruns um aukaverkanir
Grunur um alvarlegar aukaverkanir sem% af bólusettum við Covid-19
0,08%
0,06%
0,04%
0,02%
0%
Pfizer Moderna AstraZeneca JanssenHeimild: Lyfjastofnun/Covid.is
Fjöldi bólusettra einstaklinga
Fullbólusettir 70.873 9.805 8.802 16.110
Bólusetning hafin 32.645 8.696 51.224 –
Samtals 103.518 18.501 60.026 16.110
Tilkynningar til Lyfjastofnunar vegna gruns um aukaverkanir
Fjöldi % Fjöldi % Fjöldi % Fjöldi %
Ekki alvarlegar 517 0,50% 264 1,43% 537 0,89% 92 0,57%
Alvarlegar 45 0,04% 12 0,06% 42 0,07% 1 0,01%
Samtals 562 0,54% 276 1,49% 579 0,96% 93 0,58%
Tegund
bóluefnis
Hólmfríður María Ragnhildardóttir
hmr@mbl.is
Löng röð myndaðist framan við
Laugardalshöll í Reykjavík í gær-
morgun þegar bólusett var með síð-
ari skammtinum af AstraZeneca.
Þúsundir Íslendinga mættu í gær í
Laugardalinn í von um að fá bólu-
setningu en ekki höfðu allir fengið
formlegt boð um að mæta. Upp úr
hádegi náði biðröðin frá Laugardals-
höll og upp á Suðurlandsbraut. Að
sögn Ragnheiðar Óskar Erlends-
dóttur, framkvæmdastjóra hjúkrun-
ar á Heilsugæslu höfuðborgarsvæð-
isins, heyrir það til undantekninga
að örtröð verði á bólusetningar-
dögum en rekja megi þetta til þess
að mikill fjöldi fólks hafi mætt mjög
tímanlega í bólusetninguna.
„Fyrstu eru boðaðir í bólusetn-
ingu klukkan 20 mínútur yfir níu á
morgnana en klukkan 20 mínútur í
níu, 40 mínútum fyrr, voru svo marg-
ir mættir að biðröðin var komin upp
á horn,“ segir Ragnheiður. „Þegar
dagarnir byrja með svona rosalegri
röð getur verið erfitt að vinda ofan af
því og geta þá biðraðirnar verið allan
daginn.“
Fyrr í gær sendi Heilsugæslan á
höfuðborgarsvæðinu út tilkynningu
þar sem greint var frá því að fólk
sem hefði fengið fyrri sprautuna af
AstraZeneca en ekki fengið formlegt
boð gæti komið í seinni sprautu eftir
klukkan tvö. Margir nýttu sér þann
möguleika og mættu sumir hverjir
fyrir tilsettan tíma. Biðröðin lengd-
ist því enn meira og fólk sem hafði
fengið formlega boðun varð að bíða
lengur fyrir vikið. Ragnheiður segir
að starfsfólk hafi gengið meðfram
röðinni og beðið fólk, sem ekki hafði
fengið formlegt boð, að koma aftur
eftir klukkan tvö. Um klukkan þrjú
fóru raðirnar að þynnast og fór svo,
að boða þurfti fleiri í bólusetningu til
að klára skammta dagsins.
Bólusett með Janssen
Alls er gert ráð fyrir að um 30 þús-
und manns fái bólusetningu í
Reykjavík í vikunni. Í dag verður
bólusett með Janssen-bóluefni, sem
kom til landsins síðdegis í gær. Hafa
karlar fæddir 1984, 1997, 1985, 1976,
2000 og konur fæddar 2000, 1981,
1980, 1986 og 1977 verið boðuð í
bólusetninguna í dag.
Á heimasíðunni covid.is kemur
fram að 198.155 einstaklingar hafa
fengið að minnsta kosti einn skammt
af bóluefni og þar af eru 105.590 full-
bólusettir. Á vef Lyfjastofnunar
kemur fram að í gær höfðu borist
1.529 tilkynningar vegna gruns um
aukaverkun í kjölfar bólusetning-
ar. Af þeim eru 100 flokkaðar sem al-
varlegar og þar af voru um 23 andlát
eftir bólusetningu. Lyfjastofnun
segir að enn sem komið er bendi ekk-
ert til orsakasamhengis milli til-
kynntra andláta og bólusetninga en
rannsókn stendur yfir á fimm til-
kynningum um andlát og fimm um
myndun blóðtappa.
Örtröðin í Laugardal tímabundin
- Löng röð myndaðist í gær við Laugardalshöll þegar margir biðu eftir seinni skammti af AstraZeneca
- Um 200 þúsund hafa fengið að minnsta kosti einn skammt af bóluefni - Bólusett með Janssen í dag
Morgunblaðið/Kristinn Magnússon
Röð Löng biðröð myndaðist eftir bólusetningu í Laugardalshöll í gær.
4 FRÉTTIRInnlent
MORGUNBLAÐIÐ FIMMTUDAGUR 10. JÚNÍ 2021
WWW.UU.IS | HLÍÐASMÁRI 19, 201 KÓP. | 585 40000 | INFO@UU.IS
GÖNGUFERÐ UM
05. - 15. OKTÓBER
11 daga gönguferð á ítölsku eyjunni Sikiley og Aeolian eyjunum
Lipari, Stromboli, Vulcano og Salina. Þetta er ævintýraleg ferð með
íslenskri fararstjórn og beinu flugi til Sikileyjar.
Í þessari ferð er lögð áhersla á að njóta dagsins, umhverfisins og
kynnast ekta sikileyskri menningu. Vel valdar gistingar og frábært
úrval af dagsferðum innifaldar í pakkanum.
SIKILEY & AEOLIAN EYJARNAR
Fararstjórar ferðarinnar eru
Helgi Geirharðsson og
Kristín “Dinna” Helga Gunnarsdóttir
„Þetta er alveg dagsatt,“ sagði Ari
Leifsson, kylfingur úr GKG og félagi
í Oddfellowreglunni, í léttu spjalli við
Morgunblaðið er hann lýsti óvæntu
atviki á golfvellinum í Grindavík,
Húsatóftavelli. Ari fór þar hring
ásamt nokkrum stúkubræðrum sín-
um sl. þriðjudag og eftir annað högg
á 13. braut fannst kúlan á óvenju-
legum stað, vægast sagt. Hafði leit
að kúlunni þá staðið yfir í smástund.
Það skyldi þó ekki vera?
„Þetta var ágætis högg hjá mér
úti á brautinni og okkur fannst kúlan
lenda á góðum stað. Síðan komum
við að þar sem við töldum lending-
arstaðinn vera. Sáum þá ekki kúluna
við fyrstu sýn og fórum að leita.
Hvergi fannst kúlan og okkur fannst
þetta skrítið. Þarna er nokkuð opið
svæði og lítið um karga eða torfærur
kringum brautina. Við tókum eftir
æðarkollu sem lá á hreiðri sínu við
smá hól á miðri brautinni. Héldum
áfram að leita, alveg grunlausir, en
síðan segi ég við félaga minn, Gísla
Geir, svona í rælni, hvort það skyldi
nú vera að kúlan væri í hreiðrinu.
Gísli ákvað að stjaka varlega við
kollunni og viti menn, þar lá kúlan
ásamt þremur eggjum,“ segir Ari.
Eggin voru óbrotin og þeir félagar
eru með þá kenningu að æðarkollan
hljóti að hafa fært kúluna með ein-
hverjum hætti í hreiðrið. Mögulega
hefði kúlan lent þar skammt frá.
Hefði hún rúllað rakleiðis í hreiðrið
væri hætt við að eggin hefðu brotn-
að.
Kúlan verður höfð til sýnis
Ari tók kúluna upp, stillti sér upp í
næsta högg og tók eitt víti, eins og
golfreglur segja til um. Ákvað þó að
skipta um kúlu því hann ætlar að
halda sérstaklega upp á þessa.
„Þetta er sannarlega saga til
næsta bæjar,“ segir Ari sem man
ekki eftir að hafa lent í öðru eins á
golfvellinum. Hann segist ekki ætla
að nota þessa kúlu meira, jafnvel að
setja hana í lítið glerbox og hafa til
sýnis í stofunni heima. bjb@mbl.is
Ljósmyndir/Ari Leifsson
Hreiðrið Æðarkollan lá á þremur eggjum sínum og golfkúlunni hans Ara.
Þeir félagar telja að hún hafi fært kúluna í hreiðrið, enda öll eggin óbrotin.
Golfkúla fannst í æðar-
hreiðri á Húsatóftavelli
- Kúlan lá í hreiðrinu ásamt þremur óbrotnum eggjum
Golf Ari Leifsson, annar frá vinstri, ásamt félögum sínum úr Oddfellow,
sem léku saman á golfvellinum í Grindavík sl. þriðjudag.
Landsréttur staðfesti á þriðju-
daginn farbannsúrskurð yfir er-
lendum ríkisborgara, sem ákærð-
ur hefur verið fyrir aðild sína að
Rauðagerðismálinu svonefnda.
Maðurinn hafði áfrýjað far-
banninu meðal annars á þeim
grunni að tengsl hans við Ísland
væru sterkari en við heimaland
sitt, og að hann hefði ekkert
þangað að sækja, en í úrskurð-
inum kemur fram að maðurinn
hafi verið búsettur hér á landi
undanfarin sjö ár, og að hann búi
hér ásamt fjölskyldu sinni.
Landsréttur féllst hins vegar á
það með ákæruvaldinu að fram
væri kominn rökstuddur grunur
um að maðurinn hefði gerst sek-
ur um háttsemi sem fangelsisrefs-
ing er lögð við.
Þá taldi Landsréttur einnig að
tengsl varnaraðila við landið
væru það takmörkuð að ætla
mætti að hann myndi reyna að
komast úr landi til að koma sér
undan málsókn eða fullnustu
refsingar ef hann sætti ekki far-
banni meðan málið væri fyrir
héraðsdómi.
Var úrskurður héraðsdóms, um
að maðurinn sætti farbanni til 1.
október næstkomandi, því stað-
festur.
Farbannsúrskurður staðfestur í Landsrétti