Morgunblaðið - 10.06.2021, Blaðsíða 54

Ásgeir Ingvarsson
ai@mbl.is
Greinilegt er að landsmenn þyrstir í
að komast á gott ball og eftir-
minnilega sumarhátíð. Sést það með-
al annars á því hve fljótt varð uppselt
á tónlistarveisluna Bræðsluna á
Borgarfirði eystra: „Tveimur dögum
eftir að miðasala hófst var allt upp-
selt en áður hefur tekið allt upp und-
ir mánuð fyrir miðana að klárast,“
segir Magni Ásgeirsson tónlistar-
maður með meiru en hann heldur
utan um skipulag viðburðarins í fé-
lagi við bróður sinn Heiðar. „Ég finn
það líka sem flytjandi að síminn er
farinn að láta mjög ófriðlega og mik-
ið tónleikahald fram undan,“ bætir
Magni við.
Efnt var til fyrstu Bræðslunnar
árið 2005 og hefur viðburðurinn ver-
ið haldinn hér um bil árlega síðan þá.
Vegna smitvarna þurfti að fella há-
tíðina niður í fyrra en allt útlit er fyr-
ir að Bræðslan verði með hefð-
bundnu sniði í ár. Bræðslan er eins
dags tónlistarhátíð sem í ár fer fram
laugardaginn 24. júlí, en fjörið byrjar
mun fyrr og mikið líf í Borgarfirði
eystra dagana á undan og eftir.
„Á miðvikudeginum fyrir Bræðslu
er hefð fyrir því að heimamenn haldi
skemmtikvöld. Í um það bil tíu ár
hefur fimmtudagurinn verið helg-
aður óskalagakvöldi í félagsheimilinu
Fjarðarborg og mjög góð mæting á
þann viðburð,“ segir Magni. „Einnig
er tónleikadagskrá í Fjarðarborg á
föstudeginum og raunar haldnir
tvennir tónleikar til að reyna að
koma til móts við sem flesta.“
Bræðslan fer svo fram á laug-
ardag, sem fyrr segir, í gamalli
skemmu sem breytt hefur verið í
tónlistarhús. Hefst dagskráin klukk-
an 19 og lýkur í kringum miðnætti.
Einvalalið tónlistarmanna treður
upp á Bræðslunni. Bríet mætir á
svæðið, sem og Mugison, Aldís Fjóla
og Sigrún Stella. „Þá ætla Stuðmenn
líka að spila fyrir okkur, en þegar ég
bjó hér í bænum sem lítill drengur
hefði ég aldrei búist við því að Stuð-
menn myndu troða upp á Borgarfirði
eystri,“ segir Magni og líkir því að fá
í Stuðmenn í heimsókn við það að
landa hvítum hval.
Gestir tjalda í görðunum
Bræðslan hefur á sér öðruvísi
brag en aðrar hátíðir sumarsins og
þykir mörgum eitthvað innilegra og
persónulegra við þennan viðburð.
Magni gantast með að það hafi meðal
annars vakað fyrir þeim bræðrum að
gera Bræðsluna að veruleika svo
þeir hefðu afsökun til að verja nokkr-
um vikum í heimabyggðinni á hverju
sumri. „Það er eitt af sérkennum
Bræðslunnar að viðburðurinn er
mikið drifinn áfram af núverandi og
brottfluttum Borgfirðingum, vinum
þeirra og vandamönnum. Fyrir vikið
er andrúmsloftið dagana í kringum
Bræðsluna fjölskylduvænt og rólegt,
og allir garðar umbreytast í tjald-
svæði fyrir velkomna gesti heim-
ilisfólks.“
Magni bendir á að það sé líka gam-
an að sækja Borgfirðinga heim þeg-
ar engin tónlistarhátíð er í gangi.
Þannig megi t.d. finna rétt hjá bæn-
um gönguleiðina Víknaslóðir sem er
mikil útivistarparadís og búið að
stika þar langar og fallegar göngu-
leiðir. „Þá held ég að hvergi á land-
inu sé betri aðstaða til að skoða
lunda og nágrenni Borgarfjarðar
sannkölluð perla fyrir fjallahjólafólk
og kajakræðara,“ segir Magni. „Ný-
lega var opnað á Borgarfirði eystra
lúxushótel með heilsulind og heita
potta í fjöruborðinu – nokkuð sem ég
hefði ekki heldur látið mig dreyma
um þegar ég var lítill gutti – og svo
má ekki gleyma að allt sumarið er
tónlistardagskrá í félagsheimilinu.“
Rokkstjörnur dreymir
um að vera á traktor
Það segir mikið um töfra svæð-
isins að Magni unir sér hvergi betur.
Hefur hann þó komið víða við og
ferðaðist t.d. um Bandaríkin með
heimsfrægri hljómsveit. Hann segir
að með aldrinum hafi það runnið bet-
ur upp fyrir honum hvers konar for-
réttindi það voru að alast upp á þess-
um slóðum, og hvernig ungan dreng
vanhagaði aldrei um neitt fjarri
skarkala heimsins. „Það er gaman að
troða upp á stórtónleikum úti í heimi
en eftir nokkra mánuði af því leitar
hugurinn eitthvað annað, og hvarflar
að manni að það væri miklu
skemmtilegra að vera á bak við stýr-
ið á dráttarvél í Borgarfjarðar-
hreppi.“
Bræðslan vaknar aftur til lífsins
Ljósmyndir/iTorfa
Hörkustuð Hápunktur dagskrárinnar fer fram í gamalli skemmu sem breytt hefur verið í tónleikasal.
« Það verður líf
og fjör á Borgar-
firði eystra og
m.a. von á Stuð-
mönnum á svæðið
EGILSSTAÐIR Í MÚLAÞINGI54
MORGUNBLAÐIÐ FIMMTUDAGUR 10. JÚNÍ 2021