Fréttablaðið - 23.10.2021, Blaðsíða 70

Flúðasveppir eru eina
sveppabú landsins og rækta
um 600 tonn af úrvals
sveppum árlega landsmönn-
um til mikillar gleði.
sjofn@frettabladid.is
Ragnheiður Georgsdóttir er mark-
aðsstjóri Flúðasveppa og Flúðajörfa
og lætur sér ekki bara nægja að
stýra markaðsmálunum þar heldur
er hún rekstrar- og viðburðastjóri
hjá hinum geysivinsæla veitinga-
stað Farmers Bistro þar sem afurðir
frá stöðinni eru nýttar í fjölbreytta
sælkerarétti.
Ragnheiður kláraði stúdentspróf
frá Menntaskólanum á Laugarvatni
árið 2006 og flutti svo til Danmerk-
ur og bjó þar í ellefu ár. Í Danmörku
tók hún BA-gráðu í fyrirtækjasam-
skiptum og ensku og tveggja ára
viðbótarnám í viðburðastjórnun
og þjónustuhagfræði. „Ég vann
alltaf með skólanum sem aðstoðar-
veitingastjóri á listasafni í Aarhus
þannig að ég hef alltaf verið með
puttana í veitingabransanum.
Núna vinn ég sem markaðsstjóri
Flúðasveppa og Flúðajörfa ásamt
að vera rekstrar- og viðburðastjóri
Farmers Bistro. Ég á þriggja ára
yndislega dóttur sem heitir Kirsten
og búum við tvær saman hérna á
Flúðum og elskum það,“ segir Ragn-
heiður.
Æðislegt að alast upp
í þessu umhverfi
Hvernig var að alast upp á Flúðum í
svepparæktinni?
Innblásturinn er svolítið sveitó
Ragnheiður
Georgsdóttir
lætur sér ekki
nægja að stýra
markaðsmálum
hjá Flúða-
sveppum heldur
er hún líka
rekstrar- og við-
burðastjóri hjá
Farmers Bistro.
Lambabagginn nýtur mikla vinsælda. MYNDIR/AÐSENDAR
Portobello-sveppaborgarinn er flottur á diskinum.
„Ég ólst ekki þannig upp í
svepparæktinni, ég ólst upp í
gróðurhúsunum á Flúðajörfa,
sem er ein stærsta garðyrkju-
stöð Íslands. Flúðasveppir voru
auðvitað þarna þegar ég var að
alast upp. Ég hef unnið frá því ég
man eftir mér. Þannig að öll þessi
vitneskja um ræktunina kom strax
á unga aldri.“
Pabbi keypti Flúðasveppi 2006
og þá byrjaði ég að fræðast aðeins
meira um þá ræktun.“
Leið þér nokkurn tímann eins og
þú byggir í Strumpalandi?
„Ég veit ekki alveg með það, en
ég hef verið að leika mér svolítið
með strumpa þegar ég hef verið
að taka á móti yngri hópum, sem
hefur vakið mikla ánægju en við
erum samt hálfgerðir strumpar
hérna,“ segir Ragnheiður og skellir
upp úr.
Gott starfsfólk lykilatriði í
blómlegum rekstri
Hver er galdurinn á bak við að hafa
verið með þennan blómlega rekstur
öll þess ár?
„Svepparæktun er mikil
nákvæmisræktun, þannig að það
skiptir miklu máli að vera með
gott starfsfólk, sem við erum svo
ótrúlega heppin að hafa. Svo er
auðvitað hráefnið sem skiptir líka
gríðarlegu máli. Við erum með um
300 hektara af landi, þar sem við
erum að rækta strandreyr og bygg
sem er undirstaðan í svepparækt.
Okkur hefur tekist vel í þeirri
ræktun og það skiptir mjög miklu
máli að við vitum hvernig hráefnið
er.“
Ræktið þið meira en sveppi?
„Já, eins og ég hef nefnt, þá
eigum við líka Flúðajörfa. Þar
erum við að rækta pink tómata
og paprikur í gróðurhúsum og
spergilkál, rauðkál og gulrætur
úti. Við erum að nota öll þessi
hráefni sem við ræktum á veitinga-
staðnum Farmers Bistro.“
Farmers Bistro draumur pabba
Segðu okkur aðeins frá hvernig það
kom til að þið opnuðuð Farmers
Bistro?
„Að opna veitingastað var
alltaf draumur hjá pabba, og hug-
myndin kom svo árið 2015. Ég var
í Danmörku á þeim tíma. Pabbi
sagði mér frá þessu og spurði
hvort ég væri ekki til í að vera með
honum í þessu verkefni. Þetta var
auðvitað tilvalið fyrir mig og mína
menntun þannig að þetta var
svo sem ekki erfið ákvörðun. Ég
f lutti heim 2017 og við opnuðum
veitingastaðinn það sumar,“ segir
Ragnheiður.
„Innblásturinn er svolítið sveitó
en samt stílhreinn. Þannig að
staðurinn er mjög rústik-hannaður
með hlýleika. Við erum sem sagt
að framreiða mat fyrst og fremst úr
því sem við erum að rækta og svo
úr nærumhverfinu. Það er þetta
slow-food konsept.“
Sælkerahlaðborðið vinsælast
Aðspurð segir Ragnheiður að þau
eigi öll heiðurinn af uppskrift-
unum. „Við vinnum öll saman að
því að koma með hugmyndir og
útfærslur, við erum svo heppin að
vera með frábært starfsfólk sem
fer með okkur í þankahríð fyrir
matargerðina.
Sælkerahlaðborðið okkar er
langvinsælast, þar er sveppasúpan
okkar í aðalhlutverki, nýbökuð
brauð og alls konar gúmmelaði úr
okkar hráefnum.“
Ertu til í að svipta hulunni af
einum rétti sem boðið var upp á
í þættinum Matur og heimili á
dögunum?
„Smjörsteiktu sveppirnir á hlað-
borðinu hafa notið gríðarlegra
vinsælda þannig að ég vil endilega
deila þeirri uppskrift með þjóð-
inni.“
Smjörsteiktir sveppir að
Farmers Bistro stíl
250 g af sveppum (helst litlum)
50 g af smjöri
1 msk. olía
2 tsk. salt
1 msk. timian
Setjið smjör og olíu á pönnu og
bræðið. Bætið sveppunum við.
Látið malla í 10 mínútur áður
en kryddinu er bætt við. Steikið í
5 til 7 mínútur eða þangað til þeir
ná gylltum lit. Berið fram með því
sem hugurinn girnist og njótið. n
LAGARLÍF 2021
Ráðstefna um eldi og ræktun

Grand Hótel Reykjavík, 28. - 29. október
Skráning fer fram á www.lagarlif.is
Fimmtudagurinn 28. október
10:00
13:00
13:00
15:00
15:00
16:30
Gullteigur - Þróun byggða í tengslum við strandbúnað
Gullteigur - Menntun Starfsfólks í skeldi
Setur - Helstu hindranir á vegi þörungaræktunar
Gullteigur Staðleysur og áhrif þeirra á umræður um laxeldi
Setur - Skeldýrarækt
Móttaka við barinn
Föstudagurinn 29. október
9:00
9:00
11:00
11:00
13:20
13:20
15:00
Gullteigur - Öryggismál starfsfólks í skeldi
Hvammur - Landeldi á Íslandi
Gullteigur - Framboð af vöru og þjónustu (sjóeldi)
Hvammur - Framboð af vöru og þjónustu (landeldi)
Gullteigur - Leysveitingar til sjókvíaeldis
Hvammur - Reynslusögur úr skeldi
Ráðstefnuslit
6 kynningarblað A L LT 23. október 2021 LAUGARDAGUR