Morgunblaðið - 08.07.2021, Qupperneq 12

12 FRÉTTIR
Innlent
MORGUNBLAÐIÐ FIMMTUDAGUR 8. JÚLÍ 2021
Tilboðsfrestur er 6. ágúst 2021
Sótt er um lóð á Mínum síðum á hafnarfjordur.is. Búið er að marka lágmarksverð í lóðina
sem er kr. 98.000.670. Tilboð undir lágmarksverði teljast ógild. Tilboð í lóð ásamt öllum
fylgigögnum þurfa að berast fyrir kl. 13 föstudaginn 6. ágúst. Sama dag á sama tíma verða
tilboðin opnuð í bæjarráðssal í Ráðhúsi Hafnarfjarðar.
Nánari upplýsingar á:
hafnarfjordur.is
H
ja
lla
b
ra
u
t
4
9
Einstök lóð fyrir tíu sérbýli á jaðri útivistarsvæðis viðVíðistaðatún
Hafnarfjarðarbæ auglýsir eftir tilboðum í lóð á rótgrónum og fjölskylduvænum stað í norðurbæ Hafnarfjarðar. Á lóðinni er
heimilt að byggja þrjú einbýlishús á einni hæð og tvö tveggja hæða raðhús, annað með þremur íbúðum og hitt með fjórum.
Samtals tíu sérbýli í skjólsælli og aðlaðandi vistgötu. Stutt er í alla verslun, þjónustu og menningu. Staðsetningin er einstök, við
norðvestur jaðarVíðistaðatúns sem er vinsælt svæði með fjölbreyttum möguleikum til útivistar.
Rósa Margrét Tryggvadóttir
rosa@mbl.is
Gríðarlegur vöxtur hefur verið hjá
útivistarversluninni Fjallakofanum í
gegnum tíðina en í dag opnar versl-
unin í nýju 1.700 fermetra húsnæði í
Hallarmúla 2. Halldór Hreinsson,
framkvæmdastjóri fyrirtækisins,
opnaði verslunina ásamt fjölskyldu
sinni fyrir 17 árum í 17 fermetra
húsnæði á annarri hæð í Bæj-
arhrauni 14 í Hafnarfirði en versl-
unin hefur heldur betur sótt í sig
veðrið á þessum árum.
Halda sig við gullnu regluna
„Þótt maður sé búinn að vera
lengi í þessum bransa er alltaf jafn
gaman þegar maður er að byggja
nýtt hús eða flytja í ný heimkynni
þannig að það að flytja eitt stykki
Fjallakofa og inn í svona merkilegt
hús sem Hallarmúlinn er, það vekur
bara kátínu og gleði og ekkert ann-
að,“ segir Halldór í samtali við
Morgunblaðið. Hann segir að lykill-
inn að velgengni fyrirtækisins sé
meðal annars sá að fókusinn hafi
alltaf verið á viðskiptavininn. „Þetta
er alveg eins og í boltanum. Við er-
um að keppa við gríðarlegan fjölda
af öðrum stórum og sterkum fyr-
irtækjum en við erum með svo
sterkan fókus á okkar spil og hvaða
leikkerfi við erum að nota. Við erum
ekki mikið að horfa á hina,“ segir
Halldór. „Við höfum alltaf náð ár-
angri með því að halda okkur við
þessa gullnu reglu að horfa vel og
„fókusera“ fram á veginn. Vera ekk-
ert endilega að kíkja hinum megin á
næstu akgrein, á næstu fyrirtæki.“
Covid og eldgosið hjálpuðu til
Halldór staðfestir að sprenging
hafi orðið í útivist á Covid-tímum
sem hafi meðal annars orðið til þess
að ákveðið var að stækka húsnæði
verslunarinnar.
„Það er búið að vera svona í
Covid- ástandinu. Þá þurfti fólk svo-
lítið að hlúa að andlegri heilsu og
það er ekkert betra til þess en að
fara út fyrir hússins dyr og rölta um
náttúruna. Þá þarf fólk að klæða sig
og fyrst og fremst að skóa sig sæmi-
lega,“ segir Halldór sem bendir á að
skósalan á Scarpa-skóm og öðrum
vinsælum útivistarvörum hafi nán-
ast tvöfaldast á síðasta ári.
„Svo kemur gosið ofan á þetta og
svo koma ferðamennirnir aftur. Við
vorum bara nauðbeygð til að stækka
og anna veltuaukningunni og fjölg-
uninni sem er að koma á hverjum
degi,“ segir hann og bætir við að
gríðarleg aukning hafi einnig verið á
sölu á netinu undanfarið.
Eins og ítalska landsliðið
„[Netverslun] er í veldisvexti
þannig að það er ekki bara gangandi
traffíkin heldur líka nettraffíkin sem
er enn þá meiri,“ segir Halldór.
Halldór segir stemninguna hjá
fyrirtækinu minna á stemninguna í
ítalska landsliðinu.
„Okkur líður eins og ítalska lands-
liðinu. Við erum bara á leiðinni í úr-
slitin. Við erum eins og krakkar sem
eru í dótabúð en eru að stækka hana
alveg um helming,“ segir hann og
bætir við að spennan sé gríðarleg.
Nýja verslunin í Hallarmúla tekur
nú við sem flaggskip fyrirtækisins
en áfram verður einnig verslun á
Laugavegi 11 og í Kringlunni 7 þó að
sú síðarnefnda verði með aðeins
breyttu sniði sem verður tilkynnt
síðar.
Halldór segir að mun rýmra verði
um fatnað, aðrar útivistarvörur og
auðvitað viðskiptavini verslunar-
innar í nýja húsnæðinu auk þess sem
enn betur verður hægt að þjónusta
þá.
„Við erum alltaf að reyna að bæta
þjónustuna eins og hægt er. Við
horfum alltaf á viðskiptavininn sem
okkar vinnuveitanda,“ segir Halldór.
Úr 17 fermetrum í 1.700 á 17 árum
- Gullna reglan að einblína á viðskiptavininn frekar en samkeppnina og horfa fram á við
- Halldór: „Okkur líður eins og ítalska landsliðinu. Við erum bara á leiðinni í úrslitin“
Morgunblaðið/Unnur Karen
Nýtt Góður andi er í nýju húsnæði Fjallakofans í Hallarmúla 2 að sögn framkvæmdastjórans Halldórs Hreinssonar.
Spenna Starfsmenn Fjallakofans
eru spenntir fyrir nýjum tímum í
1.700 m² húsnæði í Hallarmúla.