Morgunblaðið - 15.07.2021, Qupperneq 6

6 FRÉTTIR
Innlent
MORGUNBLAÐIÐ FIMMTUDAGUR 15. JÚLÍ 2021
Traust
Fagmennska
Árangur
YFIR 30 ÁRA
REYNSLA
Bæjarlind 4 / 201 Kópavogur / www.FASTLIND.is
ELÍAS
HARALDSSON
Löggiltur fasteignasali
S: 777 5454
elias@fastlind.is
Sigtryggur Sigtryggsson
sisi@mbl.is
Skipulagsfulltrúi Reykjavíkur hefur
svarað jákvætt fyrirspurn eigenda
Pfaff-hússins, Grensávegi 13, um
það hvort heimilað verði að hækka
húsið.
Það er í dag þrjár hæðir. Versl-
unin Pfaff er á jarðhæðinni en önnur
starfsemi á efri hæðum, tann-
læknastofur og fasteignasala. Pfaff
hf. var stofnað 1929 og er enn í eigu
sömu fjölskyldunnar og enn rekið á
sömu kennitölunni, eins og fram
kemur á heimasíðu verslunarinnar.
Margrét Kristmannsdóttir sendi
fyrirspurnina til borgarinnar í júní
sl. fyrir hönd Pfaff hf.
Í umsögn verkefnisstjóra skipu-
lagsfulltrúa kemur fram að í að-
alskipulagi Reykjavíkur 2010-2030
sé lóðin á skilgreindu þróunarsvæði
Þ51 Skeifan-Mörkin en það er einnig
skilgreint sem Miðsvæði (M3a og b).
Gert er ráð fyrir verslun og þjón-
ustu, skrifstofum og íbúðum.
Áhersla sé lögð á 4-6 hæða samfellda
byggð, heildstæðar götumyndir og
borgarmiðað gatnakerfi.
Í gildi er deiliskipulag fyrir Skeif-
una, samþykkt 6.11. 2001, ásamt síð-
ari breytingum. Í deiliskipulaginu
segir: „Svæðið var upphaflega
skipulagt sem iðnaðarsvæði en sam-
kvæmt aðalskipulagi Reykjavíkur
1996-2016 er allur reiturinn nú skil-
greindur sem athafnasvæði.“
Þar sem húsið stendur á horni og
er áberandi kennileiti í byggðinni
þykir fara ágætlega á því að hækka
húsið eitthvað, mögulega að hluta
og/eða sem inndregna hæð, segir
verkefnastjórinn.
Samvinna um framhaldið
Hann tekur jákvætt í fyrir-
spurnina og bendir á að ef valið verð-
ur að vinna áfram með hugmyndina
þurfi að gera það í samvinnu við
verkefnisstjóra hjá skipulagsfulltrúa
og í sátt við aðra eigendur.
Í fyrirspurninni segir að eigendur
húseignarinnar að Grensásvegi 13
hafi áður sent inn fyrirspurn um
hvort leyfi fengist til að byggja hæð/
hæðir ofan á húsið. „Áður hefur okk-
ur borist neikvæð svör en þar sem
deiluskipulag á svæðinu er í mikilli
gerjun og sífelldar breytingar á
svæðinu viljum við endurnýja fyr-
irspurn okkar,“ segir þar.
Morgunblaðið/sisi
Pfaff-húsið Landsþekkt verslun er á jarðhæð hornlóðar við Grensásveg.
Leyfa hækkun
á Pfaff-húsinu
DAGMÁL
Stefán E. Stefánsson
ses@mbl.is
Ekki standa líkur til þess að tekjur
ríkissjóðs af fiskveiðiauðlindinni muni
aukast, nái tillögur Viðreisnar um
svokallaða samningaleið fram að
ganga. Þetta segir Daði Már Krist-
ófersson, varaformaður flokksins og
prófessor í auðlindahagfræði við Há-
skóla Íslands. Bendir hann á að veiði-
gjöld sem nú eru lögð á útgerðina
nemi um þriðjungi af hagnaði þeirra
og að kerfisbreytingar þær sem hann
telji nauðsynlegt að ráðast í muni
skila svipuðum tekjum til lengri tíma
litið.
Skattar valda skaða
„Auðvitað gæti einhver sagt að
verulegur partur [arðsins] væri skil-
inn eftir hjá útgerðinni. En tilfellið er
að það er mjög mikilvægt að útgerð
sé ábatasöm atvinnugrein. […] allir
skattar valda einhverskonar skaða og
umfangið af þeim skaða er háð um-
fangi skattlagningarinnar og það er
mjög mikilvægt að við séum örugg-
lega réttum megin þar. Ég vil benda
á að sambærileg skattlagning auð-
lindagreina í nágrannalöndunum er
iðulega ekki meiri en þetta með
beinni skattlagningu.“
Daði Már er gestur í Dagmálum
ásamt Ragnari Árnasyni, fyrrverandi
prófessor í auðlindahagfræði við HÍ.
Spurður út í hvað knýi á um breytt
fyrirkomulag í kringum úthlutun
fiskveiðiheimilda, fyrst slíku kerfi sé
ekki ætlað að skila meiri tekjum í rík-
issjóðs, segir Daði Már að innköllun
núverandi veiðiheimilda yfir langt
tímabil, þar sem hægt væri að bjóða
þær upp í kjölfarið, sé líklegri til þess
að tryggja sátt um sjávarútveginn.
Þá sé heppilegra að semja við útgerð-
ina til langs tíma og tryggja með því
fyrirsjáanleika sem ekki fáist í núver-
andi kerfi þar sem talsvert sé hringl-
að með aðferðafræði við útreikning
auðlindagjaldsins.
Uppstokkun ekki heillavænleg
Ragnar benti á að hugmyndir Daða
Más væru hógværari en margar þær
sem haldið er á lofti um umbyltingu
fiskveiðistjórnunarkerfisins á Íslandi.
Sérstaklega fagnaði hann því að Daði
boðaði ekki frekari gjaldtöku á at-
vinnugreinina þótt hann væri ósam-
mála þeirri fullyrðingu að nauðsyn-
legt væri að stokka kerfið upp. Sagði
hann nær að stjórnmálamenn út-
skýrðu fyrir fólki eðli kerfisins og
tryggðu stöðugleika greinarinnar
með því að hrófla ekki við því í meg-
inatriðum. Benti hann auk þess á að
samkeppni hefði aukist mjög á helstu
og verðmætustu mörkuðum íslenskra
sjávarútvegsfyrirtækja. Því drægi
skattlagning í hvaða formi sem hún
er úr getu greinarinnar til þess að
viðhalda stöðu sinni á fyrrnefndum
mörkuðum. Skattlagning grein-
arinnar drægi því úr möguleikum
þjóðarbúsins til þess að gera sér sem
mestan mat úr auðlindinni.
Nýverið birtu Samtök fyrirtækja í
sjávarútvegi skýrslu sem Ragnar
Árnason vann fyrir þau og var eins-
konar „uppfærsla“ á ríflega 10 ára
gamalli skýrslu Daða Más sem unnin
var fyrir tilhlutan starfshóps um
mögulega endurskoðun á fiskveiði-
stjórnunarkerfinu íslenska. Þar
kemst Ragnar að þeirri niðurstöðu,
líkt og Daði Már, að innköllun afla-
heimilda fæli í sér eignaupptöku.
Spurður út í það hvort það gæti
ekki bakað ríkisvaldinu tjón að inn-
kalla heimildirnar, segir Daði Már að
margt bendi til að svo sé ekki í pott-
inn búið.
„Skattheimta felur einnig í sér
eignaupptöku […] það er réttur rík-
isins að koma þannig fram við með-
borgarana,“ segir Daði Már og bend-
ir einnig á að útgerðarfyrirtækin hafi
setið undir því á umliðnum áratugum
að aflaheimildir hafi verið „nagaðar“
af þeim og til ráðstöfunar í öðrum
kerfum, ekki síst smábátakerfinu.
„Það er ekki þannig að kerfið hafi
varið þessi réttindi neitt sérstaklega
vel.“
Spurður út í hvort þá hafi skapast
hefð fyrir inngripum í formi eigna-
upptöku svarar hann:
„Það er greinilega mögulegt.“
Nýtt kerfi skili ekki meiri tekjum
- Varaformaður Viðreisnar segir nýtt fiskveiðistjórnunarkerfi ekki munu skila meiri tekjum í ríkis-
sjóð - Samkeppnisumhverfi sjávarútvegs sífellt harðvítugra, m.a. vegna vaxtar fiskeldis erlendis
Málefni dagsins Daði Már og Ragnar hafa báðir rannsakað og skrifað mikið um íslenska fiskveiðistjórnunarkerfið.