Morgunblaðið - 09.07.2021, Blaðsíða 8

8 FRÉTTIR
Innlent
MORGUNBLAÐIÐ FÖSTUDAGUR 9. JÚLÍ 2021
. up.is
Úrval útiljósa
Týr Viðskiptablaðsins skrifar
þessa vikuna pistil undir fyr-
irsögninni „Hroki Fjölmiðla-
nefndar“ sem hefst á þessum orð-
um: „Á meðan flest einkafyrirtæki
þurfa að horfa
í hverja krónu
í kjölfar
heimsfarald-
urs hefur Fjöl-
miðlanefnd,
sem ætti með
réttu að heita Fjölmiðlaeftirlit rík-
isins, ráðið til sín tvo nýja starfs-
menn á árinu sem bera titilinn
verkefnastjóri og sérfræðingur.
Eflaust eru þetta mætustu menn,
en það kom Tý á óvart þegar ann-
ar þeirra hóf að framleiða hlað-
varpsþátt í nafni ríkisstofnunar-
innar.
- - -
Það felst ekki gífurlegur kostn-
aður í því að hefja framleiðslu
á hlaðvarpi en það þarf samt að
kaupa til þess sérstakan búnað.
Þess utan þarf starfsmann sem
undirbýr þáttinn. Hann gerir ekki
mikið annað á meðan, en vonandi
eru hinir fjórir starfsmenn fjöl-
miðlaeftirlitsins að vakta miðlana
á meðan. Hlaðvarp fjölmiðlaeft-
irlitsins var síðan birt á erlendu
efnisveitunum Spotify og You-
Tube, sem lúta ekki eftirliti þess.“
- - -
Fjölmiðlanefnd er dæmi um
óþarfa ríkisstofnun sem sett
var á laggirnar í aðlögunarferlinu
að Evrópusambandinu, sem Sam-
fylkingin og VG drógu þjóðina út í,
og er leyft að blása út þó að það
ferli hafi stöðvast. Fjölgunin nú er
athyglisverð, en kemur svo sem
ekki á óvart enda rík tilhneiging
til fjölgunar innan opinberra stofn-
ana.
- - -
Og það er auðvitað umhugs-
unarvert að þetta gerist á
sama tíma og fjölmiðlarnir sem
nefndin hefur eftirlit með hafa
þurft að fækka starfsfólki.
Fjölmiðlaeftirlit
á villigötum
STAKSTEINAR
Dagana 9. til 13. ágúst verða í fyrsta
sinn haldnar sumarnámsbúðirnar
Stelpur diffra, en þær eru hugsaðar
fyrir áhugasamar stelpur og kynseg-
in krakka sem lokið hafa fyrsta ári í
framhaldsskóla. Í búðunum verður
farið yfir ýmiss konar stærðfræði
umfram það sem kennt er í skólum
og samhliða lögð áhersla á jafnrétt-
isfræðslu og sjálfstyrkingu. Náms-
búðirnar eru haldnar í samstarfi við
Verkfræði- og náttúruvísindasvið
Háskóla Íslands.
Markmiðið með búðunum er að
búa til öruggt rými þar sem kafað er
ofan í fræðandi efni. Með verkefninu
er vonast til að leiðrétta kynjahalla í
stærðfræði- og raungreinum sem
birtist oft fyrst á unglingsárunum.
Búðunum er einnig ætlað að styrkja
sjálfstraust stelpna. „Þessar búðir
eru fyrir stelpur á framhaldsskóla-
aldri og eru til þess að reyna að
vinna á kynjahallanum sem myndast
í stærðfræði á hærra stigi, sem byrj-
ar oft í framhaldsskóla,“ segir
Nanna Kristjánsdóttir, fram-
kvæmdastýra námskeiðsins. „Við
viljum gera öruggt rými fyrir stelp-
ur til þess að koma og læra fagið
sem þær hafa áhuga á og kynnast
hver annarri.“ Spurð hvernig hug-
myndin að sumarnámsbúðunum
kom til segir Nanna að hún hafi sjálf
skoðað slíkar búðir erlendis er hún
var í menntaskóla, en það hafi aldrei
verið svona í boði hér á landi. „Sjálf
hef ég tekið þátt í keppnum þar sem
ég lendi ofarlega í sætum og hef þá
oft verið eina stelpan. Ég átti engar
vinkonur sem höfðu áhuga á stærð-
fræði en ég tók áfanga í Mennta-
skólanum við Hamrahlíð þar sem ég
skoðaði hvernig væri hægt að gera
slíkar sumarbúðir hér á landi fyrir
stelpur.“ rebekka@mbl.is
Vilja leiðrétta
kynjahallann
- Halda sumarnámsbúðir í diffrun
Morgunblaðið/Sigurður Bogi
Nám Sumarbúðirnar eru haldnar í
samstarfi við Háskóla Íslands.
N1 hefur hafið sölu lausasölulyfja í
Staðarskála í Hrútafirði. Segir í
fréttatilkynningu frá N1 að óhætt sé
að segja að fyrstu viðbrögð við-
skiptavina hafi verið með eindæm-
um góð, en hingað til hafa vegfar-
endur um hringveginn þurft að
ferðast um langan veg til þess að
kaupa sér slík lyf.
„Við erum auðvitað mjög ánægð
með að geta boðið viðskiptavinum
okkar, íbúum í Hrútafirði og nær-
sveitum, upp á þessar mikilvægu
vörur, en til þessa hafa lausasölulyf
verið ófáanleg nema á Hvamms-
tanga, sem er í 34 kílómetra fjar-
lægð, eða í Borgarnesi í 90 kílómetra
fjarlægð,“ segir Jón Viðar Stef-
ánsson, forstöðumaður versl-
unarsviðs N1, í tilkynningunni.
Hann segir að þegar mest sé komi
allt að 7.000 manns í Staðarskála á
dag. Það sé því frábært og algjör-
lega nauðsynlegt að geta boðið upp á
lausasölulyf, en þar á meðal eru lyf á
borð við Panodil, Paratabs, Íbúfen
og Lóritín.
Salan á lausasölulyfjunum hófst í
byrjun júlí, en í tilkynningunni segir
að viðbrögðin sýni að hún hafi verið
þörf viðbót við vöruúrvalið í Staðar-
skála, en hann hefur verið rekinn í
rúma hálfa öld. Þar er nú einnig boð-
ið upp á átta rafhleðslustöðvar, og er
þá hægt að hlaða þar 8 rafbíla, auk 8
Tesla-bifreiða.
Lausasölulyf til sölu í Staðarskála
- Vegfarendur hafa tekið vel í nýjungina - Þörf viðbót við vöruúrvalið
Morgunblaðið/Jón Sigurðsson
Staðarskáli Lausasölulyfin hafa
reynst þörf viðbót á Staðarskála.
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/