Morgunblaðið - 09.07.2021, Blaðsíða 10

10 FRÉTTIR
Innlent
MORGUNBLAÐIÐ FÖSTUDAGUR 9. JÚLÍ 2021
Ýmsar gerðir af heyrnar-
tækjum í mismunandi
litum og stærðum.
Allar helstu rekstrarvörur og
aukahlutir fyrir heyrnartæki fást
í vefverslun heyrn.is
HEYRNARÞJÓNUSTA
2007
HLÍÐASMÁRI 19, 2. HÆÐ • 201 KÓPAVOGI • SÍMI 534 9600
HEYRN@HEYRN.IS • HEYRN.IS
Heyrðu
umskiptin,
fáðu heyrnartæki
til reynslu
„Hátíðin féll niður í fyrra svo maður
vissi ekki alveg hvort fólk kæmi aft-
ur en það er alveg ágætis aðsókn.
Það eru alltaf fastagestir á hátíðinni
og þeir eru að skila sér hópum sam-
an. Það var frábært veður hérna á
Siglufirði á miðvikudag, hlýtt og
gott,“ segir Gunnsteinn Ólafsson,
listrænn stjórnandi Þjóðlagahátíð-
arinnar, sem nú er haldin í 21. sinn.
Gunnsteinn segir aðsóknina hafa
verið góða. „Það voru um fimmtíu
manns í gær, en þetta er bara eins
og vaninn er hjá okkur að það er
minnsta aðsóknin fyrsta kvöldið, svo
fjölgar alltaf fólkinu sem kemur í
bæinn og svo nær þetta hámarki um
helgina, þá erum við iðulega með
200-300 manns á tónleikum. Það er
mjög margt fólk á tjaldsvæðunum
og fullt af fólki komið í bæinn þannig
að mér líst mjög vel á þetta, ég held
að hátíðin sé aftur komin á fullt.“
Í kvöld mun Ragnheiður Gröndal
halda tónleika, en auk hennar koma
fram hljómsveitirnar Tríó Amasía,
sem flytur evrópska kaffihúsatónlist
frá millistríðsárunum, og Skugga-
myndir frá Býsans, sem mun leika
balkantónlist fyrir dansi.
Hátíðin mun svo ná hápunkti sín-
um á morgun, en þá verða nokkrir
tónleikar yfir daginn og uppskeru-
hátíð um kvöldið þar sem listamenn
hátíðarinnar koma fram saman á
einum tónleikum. Sinfóníuhljóm-
sveit unga fólksins rekur svo smiðs-
höggið á sunnudaginn, og frum-
flytur nýtt verk eftir Halldór
Eldjárn.
„Þetta er fjölskylduvæn hátíð, við
erum með námskeið fyrir unglinga
og börn, og börn fá ókeypis á tón-
leika hjá okkur. Það er því óhætt að
taka börnin með, við viljum opna
þennan heim þessarar tónlistar jafnt
ungum sem öldnum,“ segir Gunn-
steinn. rebekka@mbl.is
Hátíðin komin
aftur á fullt
Ljósmynd/Gunnsteinn Ólafsson
Þjóðlög Ilmars Pumpurs kynnti
lettnesk hljóðfæri á fimmtudag.
Þóra Birna Ingvarsdóttir
thorab@mbl.is
Jón Atli Benediktsson, rektor við
Háskóla Íslands, segir að háskólinn
sé byrjaður að ræða við forsvars-
menn Keldna um framtíðaráform
starfseminnar. Í ljósi þess að
Keldnalandið hefur verið fært félag-
inu Betri samgöngur ohf. til að fjár-
magna borgarlínuna er tilrauna-
stöðin þar í mikilli óvissu. Keldur
eru því ekki í aðstöðu til að bæta við
húsakost sinn eins og áætlað var,
enda myndi tilraunastöðin sjálf
þurfa að kosta niðurrif eða brott-
flutning slíks húsnæðis þegar borg-
in krefðist.
Jón Atli segir að málið verði tekið
upp við ráðuneytið að sumarleyfi
loknu. „Tengslin við Keldur eru
talsvert mikil. Háskólinn skipar
stjórnina og forstöðumaður er með
prófessorstöðu við læknadeild og
það er sérstakur samningur milli
Háskólans og tilraunastöðvarinnar
sem var endurnýjaður í fyrra,“ segir
Jón en bendir á að um Keldur gildi
sérstök lög og tilraunastöðin sé með
sína eigin forsvarsmenn, því hafi há-
skólinn ekki beitt sér í málinu með
beinum hætti til þessa.
Starfsemin á Keldum er mjög
mikilvæg að mati Jóns Atla, bæði
fyrir háskólann og fyrir íslenskt
samfélag. Þar er rannsóknarstarf,
kennsla og ýmis önnur verkefni á
vegum Háskóla Íslands.
Sigurbjörg Þorsteinsdóttir,
ónæmisfræðingur á Keldum, hefur
haft orð á að háskólinn hneigist að
því að vilja fá allt í Vatnsmýrina.
Jón Atli telur það þó ekki endilega
henta í þessu tilfelli. Á Keldum sé til
að mynda dýrahald sem flæki málið
en einhver hluti starfseminnar gæti
rúmast vel í Vatnsmýrinni.
Áhugi á að leita lausna
Árni M. Mathiesen, stjórnarfor-
maður Betri samgangna ohf., segir
stöðuna ekki vera þess eðlis að hún
eigi að koma fólki í uppnám. Jóni
Atla þótti viðmót Árna sýna áhuga
forsvarsmanna félagsins á að leita
lausna, sem væri jákvætt.
Þegar félagið Betri samgöngur
ohf. var stofnað fylgdu athugasemd-
ir með frumvarpinu varðandi til-
raunastöðina að Keldum. Þar segir
„til skoðunar kemur að þau réttindi
og skyldur sem tengjast landinu að
Keldum færist til félagsins“. Einnig
er tekið fram að í samningi við fé-
lagið þurfi að taka afstöðu til ann-
arra skilyrða við afhendingu lands-
ins, framtíðarstaðsetningu tilrauna-
stöðvarinnar og annarra grunn-
forsendna og markmiða sem gilda
um uppbyggingu á landinu.
Af þessu má draga þá ályktun að
gert sé ráð fyrir tilvist tilrauna-
stöðvarinnar, frekari ákvarðanir
ligja þó ekki fyrir. Menntamála-
ráðuneytið segir að fram undan sé
greining á því hvort hagkvæmara sé
að núverandi byggingar og starf-
semi verði áfram í Keldnalandi eða
hvort betra bæri að flytja starfsem-
ina.
Samtalið staðið yfir frá 2019
Í svörum ráðuneytisins við fyrir-
spurn Morgunblaðsins segir að við-
ræður um þessa greiningu muni
eiga sér stað milli mennta- og
menningarmálaráðuneytis og fjár-
málaráðuneytis, en fjármálaráðu-
neytið fer með fyrirsvar eigna rík-
isins þó tilraunastöðin sem slík
heyri undir menntamálaráðuneytið.
Ekki hefur verið tekin nein
ákvörðun um flutning starfseminnar
en áætlað er að skipa starfshóp um
þá vinnu. Ráðuneytið segir að for-
stöðumaður Keldna sé upplýstur
um þetta en samtalið um framtíð
Keldna hafi staðið yfir frá því um
mitt árið 2019. „Bæði ráðuneytin
hafa átt í miklum samskiptum við
forstöðumann, með fundarhöldum
og símleiðis. Þá fór mennta- og
menningarmálaráðherra í sérstaka
heimsókn á svæðið í mars á þessu
ári, þar sem þetta mál var sérstak-
lega rætt,“ segir í svörum frá
menntamálaráðuneytinu.
Áætlað að skipa starfshóp um
framtíð tilraunastöðvarinnar
- Háskólinn mun ræða við ráðuneytið í haust - Gert ráð fyrir tilvist Keldna
Morgunblaðið/Eggert
Keldur Tilraunastofan í meinafræðum við Háskóla Íslands hefur áhuga á að stækka við sig en getur það ekki vegna óvissu.
Það vakti athygli vegfarenda á
Sæbraut í Reykjavík er lögreglan
veitti svörtum jeppa eftirför síð-
degis í gær. Sögðu sjónvottar að
lagðar hefðu verið naglamottur til
að stöðva för jeppans og að dekk
hafi sprungið á honum.
Fram kemur í tilkynningu frá
Lögregluni á höfuðborgarsvæðinu
að „hætta skapaðist á fimmta tím-
anum í dag [gær] þegar ökumaður
sinnti ekki stöðvunarmerkjum lög-
reglu á miðborgarsvæðinu og
reyndi að komast undan. Við tók
eftirför en maðurinn ók um mið-
borgina, vestur í bæ og aftur í
miðborgina uns hann nam staðar á
Sæbrautinni, nálægt Sólfarinu,
þegar dekk sprakk á bifreið hans.
Lögreglan var með mikinn við-
búnað vegna málsins, en ökumað-
urinn, karlmaður um tvítugt, ók
m.a. yfir leyfðum hámarkshraða
og gegn einstefnu og setti bæði
sjálfan sig og aðra vegfarendur í
mikla hættu með þessu framferði.
Ökumaðurinn var handtekinn á
vettvangi og fluttur á lög-
reglustöð.“
Lögreglan kveðst ekki veita
frekari upplýsingar um málið að
svo stöddu.
Lögreglan
veitti jeppa
eftirför
- Mikill viðbúnaður
vegna málsins
Gripinn Fjöldi lögreglumanna tók
þátt í aðgerðum síðdegis í gær.