Morgunblaðið - 09.07.2021, Blaðsíða 17

MINNINGAR 17
MORGUNBLAÐIÐ FÖSTUDAGUR 9. JÚLÍ 2021
✝
Garðar Ingvar
Sigurgeirsson
fæddist 15. nóv-
ember 1938. Hann
lést 26. júní 2021.
Hann var sonur
hjónanna Sigur-
geirs Bjarna Hall-
dórssonar, fæddur
2. mars 1908, lést
31. mars 1972 og
Sveinsínu Bjargar
Guðmundsdóttir,
fædd 17. maí 1908, lést 11. sept.
1983.
Garðar Ingvar var kvæntur
Ingibjörgu Birnu Jónsdóttur,
fædd 8. apríl 1943, dóttur
hjónanna Jóns Salomons Jóns-
börn þeirra eru 11 samtals.
2. Guðbergur Þór, fæddur 3.
mars 1961. Maki: Inácio Pacas
da Silva Filho.
Börn Guðbergs eru frá fyrra
hjónabandi Björn Ingvar, Birna
Dögg, Alexandra Mjöll og Ró-
bert Máni. Barnabörn hans eru
6 samtals.
3. Svanhildur Ósk, fædd 24.
júlí 1966. Maki: Guðmundur
Annas Kristjánsson. Börn þeirra
eru Gerður, Elísabet og Kristín.
Barnabörn þeirra eru 5 samtals.
4. Ingibjörg Jóna, fædd 9.
apríl 1969.
Barnabörn Garðars eru 11
talsins og langafabörnin 18.
Útför Garðars fer fram frá
Víðistaðakirkju 9. júlí 2021 kl.
13.
Streymt verður frá útför:
https://fb.me/e/2zVYYwaCy
Virkan hlekk á streymi má
finna á:
https://www.mbl.is/andlat
sonar, fæddur 24.
feb. 1913, lést 19.
júlí 2010 og Jar-
þrúðar Guðmunds-
dóttur, fædd 24. ág.
1913, lést 16. júlí
1990.
Garðar og Birna
giftu sig 23. apríl
1961.
Börn Garðars og
Birnu eru:
1. Geir Viðar,
fæddur 4. janúar 1960, maki:
Stefanía Jensdóttir.
Börn þeirra eru: Fjölnir Már,
Perla Sif og Garðar Ingvar. Geir
Viðar átti eina dóttur frá fyrra
sambandi, Drífu Pálín. Barna-
Ó ástin hlý
á himni ekkert ský
Minning þín mitt hjarta klæðir
sem ljós minn huga græðir
Þó hendur mínar fái þig ekki snert
þá snertir hugur minn og hjarta þig
hverja stund
til eilífðarnóns
(Andrea Margeirsdóttir)
Hvíldu í friði elsku vinur.
Ástkær eiginkona,
Birna.
Elsku pabbi! Allar minningar
mínar um þig eru bjartar og
fagrar. Þú varst hetjan mín. Þið
mamma óluð okkur upp í ást og
kærleika til fjölskyldu og sam-
félags og fyrir það verð ég þér
ævinlega þakklátur.
Þið mamma unnuð svo vel
saman að öllum verkefnum lífsins
og á ég margar hlýjar minningar
um samheldni ykkar. Minning af
mömmu að baka fallegu terturn-
ar sínar og þú að hjálpa til með
því að fletja út marsípanið og
keyra terturnar á áfangastað er
ein slík minning sem er mér kær.
Þannig varst þú pabbi. Alltaf að
hjálpa til. Ég man þegar ég var
að byggja húsið mitt að þú mætt-
ir á hverjum degi eftir vinnu til
að hjálpa og gefa góð ráð. Þegar
við systkinin vorum krakkar að
keppa á skíðum þá fórst þú
kvöldið fyrir keppni að skoða
brautina og stóðst svo við erf-
iðasta hliðið og hvattir okkur til
dáða. Ég man hvernig þið
mamma vöktuð heilu sólarhring-
ana til að hjálpa mér með allar
veislurnar.
Ég lenti í alvarlegu slysi og lá
á gjörgæslu í 14 daga. „Þetta er
sonur minn og ég vík ekki frá
honum,“ sagðir þú og varst hjá
mér allan sólarhringinn meðan á
þeirri dvöl stóð, skrifaðir skila-
boð á miða og grést gleðitárum
þegar við gátum aftur talast við.
Hafðu fyrir það hjartans þökk
pabbi minn.
Þú varst bæði listhneigður og
mikill íþróttamaður. Söngröddin
þín bar hreinan og mjúkan tón.
Þú varst flinkur að skera út í við,
varst margverðlaunaður skíða-
kappi og svo flottur dansari að
allar skvísurnar vildu dansa við
hann Garðar. Pabbi minn var
kosinn rokkkóngur Vestfjarða
árið 1958. Mér þykir svo enda-
laust vænt um þá nafnbót því ég
erfði þá ástríðu þína og lagði fyr-
ir mig dans og síðar hún Alex-
andra, barnabarnið þitt. Takk
fyrir þetta elsku pabbi.
Þú greindist með parkinsons-
sjúkdóminn fyrir 16 árum. Smám
saman fjaraði heilsan út. Þú
reyndir eins og þú gast að leyna
sjúkdóminum fyrir fólki, þú vildir
ekki láta vorkenna þér eða þurfa
að biðja um hjálp. Þú varst sá
sem var vanur að hjálpa. Undir
það síðasta þurftir þú aðstoð við
allar athafnir daglegs lífs og það
átti ekki við þig elsku pabbi
minn. Þú misstir samt aldrei
húmorinn og mættir alvöru lífs-
ins með gleðina að vopni fram á
hinstu stundu.
Þú varst henni mömmu alltaf
svo góður. Varst alltaf að passa
að henni liði vel. Í okkar hinsta
samtali baðst þú mig að passa
hana mömmu þegar þú færir og
það mun ég gera elsku pabbi. Ef
það væru fleiri eins og þú í heim-
inum pabbi minn þá yrði veröldin
betri. Ég var ekki tilbúinn að
missa þig pabbi minn og mun
heiðra minningu þína þar til við
hittumst á ný.
Nóttina sem þú kvaddir flaug
inn til mín þröstur. Ég fangaði
hann og kyssti og sleppti honum
svo lausum til að fljúga um him-
inhvolfið. Það er ég viss um að
þarna varst þú að verki elsku
pabbi og hefðir gert alveg það
sama og ég.
Elsku pabbi, takk fyrir allt
sem þú kenndir mér um lífið.
Takk fyrir hjálpsemina, hugul-
semina, fórnfýsina og gleðina.
Við Pacas, börnin og barnabörn-
in munum búa að þessum kær-
leik um ókomna tíð.
Góða ferð í Sumarlandið elsku
besti engillinn minn. Þinn sonur,
Guðbergur (Beggi).
Þetta hafa verið skrítnir dag-
ar eftir að við fengum þær fréttir
aðfaranótt 26. júní að pabbi væri
dáinn. Það voru erfiðir tímar og
upp koma margar minningar að
ylja sér við. Ég varð þess aðnjót-
andi að fá að starfa með pabba
vestur á Ísafirði þar sem við
bjuggum. Það var mér mikil
reynsla sem á eftir að fylgja mér
eftir að þú ert farinn. Endalaus
söknuður. Þú kenndir mér svo
margt og ég vinn ennþá eftir
þinni hugsjón. Þú varst og ert
mín fyrirmynd. Eftir að ég fór í
sjálfstæðan rekstur varst þú allt-
af sá sem studdi mig með ráðum
og dáð. Það verður skrítið að þú
komir ekki til mín í vinnuna og
ég get ekki hringt í þig og leitað
ráða en ég mun alltaf hlýja mér
við minningarnar. Alltaf varst þú
tilbúinn að leika við barnabörnin.
Alltaf stutt í grínið hjá þér. Þú
varst svo mikið gæðablóð og
skiptir aldrei skapi, alltaf glaður.
Ein saga er til sem lýsir þér vel
frá því að við unnum saman. Ég
óharðnaður unglingur. Maður
mætti oft of seint í vinnu og þú
sem verkstjóri minn varst ekki
sáttur með drenginn. Tókst á
móti mér og spurðir hvort mér
fyndist þetta í lagi og svaraði ég
að mér fyndist það. Tjáði hann
mér að ég væri rekinn og fór ég
heim með það. Þegar ég kem inn
heima hringir síminn og rödd
pabba er á línunni og hann spyr
hvað ég sé að gera heima. Þú
rakst mig, segi ég. Það var áðan,
sagði hann. Komdu strax í vinn-
una. Þarna var pabba rétt lýst,
ekkert að erfa hlutina. Ég veit að
þú fylgist með okkur úr sumar-
landinu og tekur vel á móti okk-
ur þegar við komum. Hafðu
þakkir fyrir allt, elsku pabbi.
Hvíldu í friði. Elska þig. Þinn
sonur,
Geir Viðar.
Hjarta mitt grætur endalaust
og á erfitt með að hætta. Það er
erfitt til þess að hugsa að þú
verðir ekki alltaf hérna hjá okkur
og að ég fái ekki að hitta þig aft-
ur.
Elsku besti pabbi minn, nú er
þín ganga hafin í sumarlandið
góða. Þar færðu hvíldina góðu og
þarft ekki lengur að finna til.
Ég vil þakka þér fyrir að hafa
fengið að fylgja þér í gegnum líf-
ið, sem hefur verið mér og minni
fjölskyldu mikil gæfa. Ég á eftir
að sakna þín mikið, elsku pabbi
minn. Sakna þess að geta ekki
knúsað þig eins og þér fannst svo
gott að fá, sakna þess að fá ekki
að halda í höndina á þér, sakna
þess að sjá ekki fallega og
skemmtilega brosið þitt, heyra
ekki hlátur þinn og fá ekki að
heyra þig segja aftur Svanhildur
mín. Það sem ég á eftir að sakna
allra skemmtilegu stundanna
okkar saman, prakkarastrikanna
sem þú gerðir og fékkst okkur til
að hlæja að. Þú varst alltaf til í
prakkarastrik með okkur. Ég á
eftir að sakna allra skemmtilegu
ferðanna sem við fórum í saman
og brölluðum ýmislegt. Þér þótti
svo gaman að ferðast og þá sér-
staklega með fólkinu þínu.
Þú varst mér svo góður og
kenndir mér svo margt og varst
mér mikil fyrirmynd. Þú varst
alltaf til staðar og hvattir mig
þegar ég þurfti á að halda.
Þú varst börnunum mínum svo
góður afi og barnabörnunum
mínum svo góður langafi og þau
elskuðu þig og dýrkuðu og sótt-
ust eftir nærveru þinni. Þú elsk-
aðir þau skilyrðislaust og sýndir
þeim vináttu. Við eigum svo
margar og góðar minningar um
þig sem við getum yljað okkur
við.
Þér þótti svo vænt um Gumma
minn og honum um þig. Þið vor-
uð svo miklir vinir og gátuð enda-
laust fíflast hvor í öðrum og gert
að gamni ykkar. Þú einfaldlega
treystir honum fyrir öllu.
Elsku pabbi, þú varst ljúf-
menni mikið og vildir öllum vel,
hjálpsamur og þolinmóður. Þú
varst skemmtilegur að umgang-
ast og við gátum endalaust hlegið
saman. Þú varst svo fyndinn að
við lágum oft í kasti þegar þú
byrjaðir að segja brandara og
leika. Þú varst einfaldlega góð
manneskja með skemmtilegan
húmor.
Þú og mamma áttuð einstak-
lega fallegt samband og það var
gaman að sjá hversu vel þú hugs-
aðir um hana. Þið máttuð varla
hvort af öðru sjá og voruð bestu
vinir. Það var svo fallegt að sjá
þegar þú vildir alltaf leiða
mömmu þegar þið voruð saman.
Þú vildir alltaf passa hana og nú
er komin röðin að mér að passa
hana fyrir þig. Þú hafðir alltaf
svo miklar áhyggjur af mömmu
þegar þú færir og baðst mig oft
að lofa að passa hana. Það loforð
mun ég efna. Ég skal passa hana
fyrir þig og ég skal líka passa
Jónu systur fyrir þig sem var þér
svo góð.
Sorgin er yfirgengileg en í þín-
um anda þá ætla ég að einbeita
mér að góðu skemmtilegu stund-
unum okkar saman, minnast
brandaranna þinna og hlæja með
þér. Elsku besti fallegi og góði
pabbi minn, ég veit ekki hvenær
ég get hætt að gráta en ég veit að
með tímanum þá hjálpar þú mér
með það.
Megir þú hvíla í friði og ró. Ég
elska þig til tunglsins og aftur
heim.
Þín dóttir,
Svanhildur Ósk.
Ég sit hér og reyni að skilja af
hverju þetta fór svona, elsku
pabbi minn, ég veit ekki hvað ég
get sagt, þetta átti ekki að fara
svona við áttum eftir að gera svo
margt skemmtilegt saman. Ræða
svo margt, spila svo mörg spil,
púsla, hlusta á alla tónlistina,
fara í alla ísrúntana, löngu rúnt-
ana á nýja bílnum sem við vorum
að fá okkur.
Við eigum svo margar góðar
og fallegar minningar saman og
mun ég geyma þær í hjarta mínu
og taka fram þegar mér líður illa,
en ég mun líka læra að gleðjast
aftur fyrir þig, því ég veit að þú
stendur mér við hlið og styrkir
mig til að hjálpa mömmu að
hlæja á ný.
Þú máttir aldrei neitt aumt sjá
enda sá allra mesti öðlingur sem
hefur fæðst hér á jörðu, varst
hrókur alls fagnaðar hvar sem þú
komst. Fallegur að utan sem inn-
an, besta sál.
Þú varst fjölskyldumaður mik-
ill og varst svo stoltur af okkur
öllum og sýndir okkur það með
kærleik og umhyggju.
Síðasta 1½ árið var þér ekki
auðvelt, sjúkdómurinn sem þú
greindist með fyrir 16 árum var
farinn að herja ansi illa á þig og
tók ég ákvörðun um að flytja til
ykkar mömmu til að létta þér líf-
ið og sé ég ekki eftir þeirri
ákvörðun, við tengdumst enn
meira en við vorum tengd fyrir,
ég veit ekki hvernig ég á að geta
lifað áfram án þín; kletturinn
minn, hetjan mín og stærsta fyr-
irmyndin mín er farin í sumar-
landið. En ég veit að þú munt að-
stoða mig í gegnum þetta og ég
mun koma sterkari út, því þú ert
mér við hlið.
Elsku pabbi minn, góða ferð í
sumarlandið, við munum hittast
þar þegar minn tími kemur og ég
veit að þú verður búinn að slá
upp veislu þegar það verður.
Elska þig að eilífu, pabbi minn.
Þín litla stelpa,
Jóna.
Það er söknuður í hjarta mínu.
Tengdafaðir minn og vinur,
Garðar Ingvar Sigurgeirsson,
Gæi, er fallinn frá. Þessi góði
drengur hefur verið hluti af lífi
mínu síðustu 40 árin og ég var
svo lánsamur að hann treysti mér
fyrir dóttur sinni, Svanhildi Ósk,
en bæði hafa þau auðgað líf mitt
þann tíma sem við höfum átt
saman.
Þau 10 ár sem við Svanhildur
bjuggum í Svíþjóð voru Gæi og
Birna dugleg að heimsækja okk-
ur og eyða fríum með okkur og
tóku alltaf vel á móti okkur þegar
við komum í heimsókn til þeirra í
okkar fríum. Þegar við svo flutt-
um heim, þótti það sjálfsagt mál
að við, þá orðin fimm manna fjöl-
skylda, flyttum inn á þau á Mið-
vanginum á meðan verið var að
finna húsnæði fyrir okkur.
Á endanum keyptum við sam-
an hús á Hraunbrún í Hafnarfirði
og bjuggum þar saman í 15 ár
þegar þau hjónin keyptu íbúð í
húsinu við hliðina á okkur, því
ekki vildu þau fara of langt frá
okkur.
Sambúðin á Hraunbrúninni
var yndisleg og nutu börnin okk-
ar góðs af henni því það var alltaf
hægt að kíkja upp til ömmu og
afa og fá eitthvað gott í svanginn
eða spjalla, spila og leika við
ömmu og afa.
Börnin okkar unnu svo sann-
arlega í ömmu- og afa-lottóinu
því betri afa er ekki hægt að eiga.
Hann var alltaf tilbúinn að leika,
horfa á teiknimyndir, vera hest-
urinn eða fara í bíltúr. Hann var
alltaf glaður og brosið breikkaði
alltaf þegar krílin komu í heim-
sókn.
Ég hef ekki tölu á öllum ferða-
lögunum sem við fórum í bæði
innan- og utanlands og öllum bíl-
túrunum um fallega landið okk-
ar. Það var „skroppið“ í Reyn-
isfjörur einn daginn og keyrt vítt
og breitt um Norður- og Austur-
land í næstu ferð.
Honum þótti alltaf gaman að
koma í sumarbústaðinn í Tungu-
dal, sérstaklega þegar tekið var
að líða á sumar og útlit fyrir að
hægt væri að tína ber. Eftir að
okkur Svanhildi tókst að plata
hann með okkur í golf á sjötugs-
aldri var líka hægt að kíkja á
golfvöllinn í Tungudal og taka
hring með okkur.
Hann eignaðist líka góða fé-
laga í Setbergsklúbbnum og fór
morgunhringi með þeim og hafði
gaman af.
Þó að parkinsons-sjúkdómur-
inn væri farinn að herja meira á
hann síðustu árin og gera honum
lífið erfiðara vorum við samt enn
að skreppa í bíltúra. Við fórum í
síðasta ísbíltúrinn 19. júní og
aldrei þessu vant átti hann í erf-
iðleikum með að klára ísinn, sem
var reyndar í stærra lagi.
Þín verður sárt saknað, elsku
Gæi, en þú skilur eftir endalaust
af ljúfum minningum sem við
getum yljað okkur við. Blessuð
sé minning þín.
Guðmundur Annas
Kristjánsson.
Hjartkær tengdafaðir minn er
látinn. Margs er að minnast. Við
kynntumst þegar ég og elsti son-
ur hans Geir Viðar fórum að
draga okkur saman á Ísafirði.
Mér var vel tekið á Urðarveg-
inum. Þau hjón voru afar sam-
rýnd. Hann vann langa vinnu-
daga í Steiniðjunni og kom oftast
heim í hádegismat. Þá var Birna
búin að elda. Síðar þegar barna-
börnin komu til sögunnar þá kom
enn og aftur í ljós hvílíkur gæða-
maður hann var. Börnin gátu
alltaf leitað til afa og hann tilbú-
inn í leiki og skutl á íþróttaæfing-
ar. Hann var mikill brandarakarl
og kunni vel að meta allskyns
rímur og afabrandara. Síðustu
árin voru orðin honum erfið.
Parkinsons-sjúkdómurinn herj-
aði á hann æ meir með öllu sem
því fylgdi. Alltaf var hann samt
ljúfur og þægilegur. Einstakt að
horfa á samband hans og Birnu
sem aðstoðaði hann heima til
dauðadags. Ekki má gleyma
Jónu yngstu dóttur hans sem
einnig var hans stoð og stytta.
Takk fyrir samfylgdina og allt
sem þú gerðir fyrir okkur.
Þín tengdadóttir,
Stefanía.
Það er sárt að kveðja þig elsku
afi en það yljar okkur um hjarta-
rætur að rifja upp allar þær
minningar sem við eigum með
þér. Við komum alltaf til með að
muna eftir þér sem hressa og
glaða afa okkar sem gerði allt
fyrir okkur. Sama hvað það var,
þá varst þú alltaf til staðar fyrir
okkur.
Það var alltaf stutt í grínið hjá
þér og okkur fannst alltaf jafn
fyndið þegar þið amma bjugguð
við hliðina á okkur á Hraunbrún-
inni og þú sagðir okkur að fara
beinustu leið heim í hvert einasta
skipti sem við vorum að fara
heim. Það var þér alltaf efst í
huga að vernda okkur og passa
upp á að ekkert kæmi fyrir okkur
og þú sýndir okkur svo sannar-
lega hvað það var þér ofarlega í
huga að við værum alltaf örugg-
ar.
Þú hættir aldrei að rækta
barnið í þér og við gátum alltaf
platað þig í allskonar vitleysu
eins og að byggja snjóhús í garð-
inum, klæða þig í föt af ömmu og
leyfa okkur að fikta í hárinu á
þér. Við elskuðum líka að hlusta
á tónlist með þér og hvort sem
það var Riddari götunnar, Bláu
augun þín eða Ein ég sit og
sauma, þá var alltaf sungið há-
stöfum með og dansað.
Þegar við vorum svangar viss-
um við að auðveldasta leiðin til
þess að sefa hungrið var að koma
í heimsókn til ykkar ömmu. Allt-
af varst þú búinn að fara út í búð
og kaupa eitthvað gott að borða
fyrir okkur því það var ekki inni í
myndinni að við færum svangar
heim eftir heimsókn til ykkar
ömmu. Afabollurnar verða alltaf
okkar uppáhalds og að sjálfsögðu
ís í eftirrétt.
Þú varst mesta gæðablóðið,
vildir öllum vel og kenndir okkur
hvað alvöru góðmennska felur í
sér. Þú hugsaðir svo vel um okk-
ur og verður alltaf fyrirmyndin
okkar. Þú verður alltaf besti afi í
heimi, við elskum þig og við mun-
um passa upp á ömmu fyrir þig.
Þínar afastelpur,
Gerður, Elísabet og Kristín.
Garðar Ingvar
Sigurgeirsson
Minn kæri fyrrverandi eiginmaður og
ástsæll faðir okkar, tengdafaðir, afi og
langafi,
HRAFN ÓSKARSSON,
Norðurgötu 31, Akureyri,
lést 27. júní á Sjúkrahúsinu á Akureyri
umvafinn dætrum sínum. Jarðarförin fer fram í dag, föstudaginn
9. júlí, klukkan 13 í Akureyrarkirkju.
Sérstakar þakklætiskveðjur til starfsfólks Lyflækningadeildar
SAK frá okkur aðstandendum. Blóm og kransar eru afþakkaðir.
Elspa
Guðrún Ósk, Lára Soffía, Hrafnhildur, tengdasynir,
barnabörn og barnabarnabörn
Ástkær eiginmaður minn, faðir okkar,
tengdafaðir, afi og langafi,
SÖLVI VÍKINGUR AÐALBJARNARSON
lést á hjúkrunarheimilinu Dyngju
sunnudaginn 4. júlí. Útförin fer fram frá
Egilsstaðakirkju mánudaginn 12. júlí
klukkan 13. Blóm og kransar eru vinsamlegast afþakkaðir en
þeim sem vilja minnast hans er bent á Hollvinasamtök
heilbrigðisþjónustu á Fljótsdalshéraði.
Sigurborg Sigurbjörnsdóttir
Sigurþór Steinarsson
Una Sölvadóttir
Heiðar Víkingur Sölvason
tengdabörn, barnabörn og barnabarnabörn