Fréttablaðið - 25.11.2021, Page 20

Þetta er fyrsta alþjóð-
lega herferðin sem
Íslandsstofa fer af stað
með til að leggja
áherslu á hugvit,
nýsköpun og tækni
sem útflutningsgrein.
Jarþrúður Ásmundsdóttir, fag­
stjóri hjá Íslandsstofu
FJÁRFESTING Í SJÓÐUM
ER GÓÐUR VALKOSTUR
TIL AÐ ÁVAXTA PENINGA TIL
SKEMMRI OG LENGRI TÍMA
Kynntu þér árangur og úrval
ÍV sjóða á WWW.IV.IS
Fagstjóri hugvits, nýsköpunar
og tækni hjá Íslandsstofu,
segir mikilvægt að Ísland fari
að leggja áherslu á hugvit sem
útflutningsgrein, því í því
felist mikil vaxtartækifæri.
magdalena@frettabladid.is
Hugvit, nýsköpun og tækni verða
burðarásar í verðmætasköpun
Íslendinga. Þetta er markmið
starfsins í Vísindaþorpinu í Vatns­
mýri eða Reykjavik Science City
sem kynnt var formlega í nýju hús­
næði Íslandsstofu í Grósku í gær.
Markmið Vísindaþorpsins er að
stuðla að því að Ísland verði eftir­
sóttur staður til rannsókna, þróun­
ar og fjárfestinga, auk þess að laða
erlend fyrirtæki og sérfræðinga til
landsins.
Við athöfnina héldu erindi þau
Jarþrúður Ásmundsdóttir, fag stjóri
hugvits, nýsköpunar og tækni hjá
Íslandsstofu, Guðmundur Haf­
steinsson, stofnandi og forstjóri
Fractal5 og Dagur B. Eggertsson,
borgarstjóri.
Jarþrúður Ásmundsdóttir segir
í samtali við Markaðinn að mikil­
vægt sé að Ísland fari að leggja
áherslu á hugvit sem útf lutnings­
grein.
„Reykjavík Science City er fyrsta
alþjóðlega herferðin sem Íslands­
stofa fer af stað með til að leggja
áherslu á hugvit, nýsköpun og
tækni sem útflutningsgrein,“ segir
Jarþrúður og bætir við að miklir
vaxtarmöguleikar felist í að leggja
áherslu á hugvit.
„Það liggja fyrir gögn sem sýna
það með óyggjandi hætti að þetta
er einn helsti vaxtarmöguleiki
íslensks hagkerfis og við bindum
því miklar vonir við þetta verkefni.
Við vonumst til þess að með þessu
framtaki getum við markað Ísland
sem land hugvits, nýsköpunar og
tækni.“
Guðmundur Hafsteinsson, stofn­
andi og forstjóri Fractal5, segir
í samtali við Markaðinn að um
þessar mundir séu að eiga sér stað
miklar breytingar.
„Ég bjó í Kísildalnum í 15 ár og
vann meðal annars hjá Google
og Apple. Að sjálfsögðu var mjög
gaman að upplifa það, en á sama
tíma fórnaði ég lífsgæðum á móti.
Maður eyddi til dæmis 3 tímum í
umferð á hverjum degi,“ segir Guð­
mundur og bætir við að maður
kunni ekki að meta Ísland fyrr en
maður hefur prófað að búa erlendis
og f lytur síðan heim.
„Það sem ég áttaði mig á þegar
ég f lutti aftur heim var hvað lífs­
gæðin á Íslandi eru svakalega góð.
Eftir að ég f lutti hingað batnaði líf
mitt heilmikið.
Um þessar mundir eru að eiga sér
stað miklar breytingar hvað varðar
það að fólk getur í raun unnið hvar í
heiminum sem er í gegnum heima­
vinnu. Þær breytingar hafa í för
með sér að það er liðin tíð að Kísil­
dalurinn, New York eða London
þurfi að vera miðjan. Því um þessar
mundir getur fólk einfaldlega leitað
þangað sem lífsgæðin eru mest og
þá er Reykjavík afar fýsilegur kost­
ur. Aukin heimavinna er klárlega
framtíðin.“ ■
Tækifæri felist í hugviti og nýsköpun
Störfum í hugverkaiðnaði
fjölgaði um 14 prósent í
miðjum heimsfaraldri
Markmið Reykjavík Science City
er að styðja við vöxt í greinum
tengdum hugviti, nýsköpun og
tækni. Samkvæmt rannsókn
Íslandsstofu á rekstrarumhverfi
slíkra fyrirtækja kom í ljós að
á árinu 2020 fjölgaði starfs­
gildum þar um 14% á sama tíma
og heimsfaraldur Covid­19 gekk
hér yfir, með tilheyrandi upp­
sögnum og atvinnuleysi.
„Segja má að Reykjavík sé
eitt stærsta vörumerki Íslands
og í kringum Vatnsmýrina hafa
byggst upp einstakir innviðir
í formi háskóla, rannsókna­
stofnana og þekkingarfyrir­
tækja. Við teljum okkur því eiga
fjölmörg tækifæri að sækja í
þessum efnum,“ segir Jarþrúður
Ásmundsdóttir, fagstjóri hug­
vits, nýsköpunar og tækni hjá
Íslandsstofu.
Í Vísindaþorpinu verði lögð
áhersla á uppbyggingu svokall­
aðrar grænnar og blárrar tækni
(e. Greentech og e. Bluetech) og
lífvísinda, en Íslendingar hafi
þegar aflað sér mikillar þekk­
ingar á þeim sviðum og eiga þar
inni öflug tækifæri.
Vísindaþorpið ein meginstoð borgarinnar
Í Vatnsmýrinni hefur skapast
frjór jarðvegur fyrir fyrirtæki
sem drifin eru áfram af hugviti
og segir Dagur B. Eggertsson
borgarstjóri Vísindaþorpið eina
meginstoð borgarinnar í atvinnu­
málum.
„Við þurfum fjölbreytt atvinnu­
líf og öflugt þekkingarsamfélag
er liður í samkeppnishæfni
borgarinnar. Öðrum megin í borg­
inni er að vaxa Þorp skapandi
greina í Gufunesi og hinum megin
erum við með Vatnsmýrina, sem
samanstendur af framúrskarandi
rannsóknum á sviði lækna­
vísinda við Landspítalann, að
Háskóla Íslands og Háskólanum í
Reykjavík. Nú þegar eru starfandi
framsækin og stöndug fyrirtæki
eins og CCP, Decode og Alvogen,
auk fjölda lítilla og meðalstórra
sprotafyrirtækja, á sviði tækni
og vísinda. Við erum staðráðin
í að fjölga stórum og öflugum
þekkingarfyrirtækjum á svæðinu
og auka enn á gróskuna hjá minni
fyrirtækjum og sprotum. Fram­
tíðin er því björt í Vatnsmýrinni
og hryggjarstykkið verður Vís­
indaþorpið sem við kynnum hér í
dag,“ segir Dagur.
Dagur B. Eggertsson borgarstjóri, Jarþrúður Ásmundsdóttir, fagstjóri hugvits, nýsköpunar og tækni hjá Íslandsstofu
og Guðmundur Hafsteinsson, stofnandi og forstjóri Fractal5. FRÉTTABLAÐIÐ/ERNIR
magdalena@frettabladid.is
Sigurður Hannesson, framkvæmda­
stjóri Samtaka iðnaðarins, segir að
nýsköpunarfyrirtæki hér á landi
hafi komið fram með ýmsar lausnir
í loftslagsmálum. „Loftslagsmálin
eru mjög stór samfélagsleg áskorun
sem allur heimurinn tekst á við og
það verður mikil áhersla lögð á þau
á komandi árum. Hér á landi er að
finna ýmsar lausnir sem taka á þess­
um vanda og má þar nefna lausnir á
sviði orkuskipta, kolefnisbindingar
og orkuþekkingar,“ segir Sigurður
og bætir við að hér hafi ýmis þekk­
ing byggst upp sem getur komið að
góðum notum á erlendri grundu.
„Ýmis verkefni hjá verkfræðistof­
unum sem snúa að grænum lausnum
hafa verið nýtt erlendis. Það sama á
við um fyrirtæki eins og Jarðboranir.
Nýlegt dæmi er svo fyrirtækið Carb­
fix sem er brautryðjandi á heimsvísu
í því að breyta koldíoxíði í stein. Það
er lausn sem er mjög áhugaverð og
getur nýst bæði okkur og öðrum
þjóðum í því að ná loftslagsmark­
miðum. Síðan má ekki gleyma því að
fram undan eru þriðju orkuskiptin,
en þau tengjast samgöngum. Við
þekkjum öll raf bílavæðinguna en
fram undan eru stærri breytingar
sem snúa að skipum, flugvélum og
stærri ökutækjum.“
Hann segir jafnframt að hjá Sam­
tökum iðnaðarins sé nýbúið að
stofna Samtök vetnis­ og rafelds­
neytisframleiðenda. „Þetta er hugsað
sem sérstakur faghópur fyrirtækja á
þessu sviði. Fyrir þá sem hyggja á
framleiðslu á vetni eða öðru rafelds­
neyti með það að markmiði að koma
á orkuskiptum hér á landi, en einnig
alþjóðlega.“
Aðspurður hvernig rekstrarum­
hverfi nýsköpunarfyrirtækja sem
leggja áherslu á umhverfismál sé,
segir Sigurður að á heildina litið sé
það mjög gott. „Það þarf með ein­
hverjum hætti að efla loftslagssjóð.
Þannig að hann fjárfesti meira í
nýsköpun og þróun, sem nýtist við
það verkefni að draga úr losun.“ ■
Ýmsar lausnir að finna hér á Íslandi
í loftslagsmálum og orkuskiptum
Sigurður
Hannesson,
framkvæmda­
stjóri Samtaka
iðnaðarins
helgivifill@frettabladid.is 
Stjórn fasteignafélagsins Eikar hefur
hækkað arðgreiðsluhlutfallið úr 35
prósentum í 50 prósent, af hand­
bæru fé frá rekstri. Að frádreginni
þeirri fjárhæð sem nýtt verður í
kaup á eigin bréfum fram að boðun
næsta aðalfundar.
„Við teljum rekstur félagsins
hafa gengið vel og eðlilegt að hlut­
hafar njóti góðs af því. Meðal annars
höfum við náð að lækka fjármagns­
kostnað félagsins á undanförnum
árum, sem eykur arðgreiðslugetu
félagsins,“ segir Garðar Hannes Frið­
jónsson, forstjóri Eikar, við Markað­
inn. Sá fyrirvari er þó sleginn í arð­
greiðslustefnunni, að við mótun
tillögu um arðgreiðslu skuli litið til
fjárhagsstöðu félagsins, fyrirætlana
um fjárfestingar og stöðu efnahags­
mála. ■
Auka arðgreiðslur
vegna góðs gengis
Garðar Hannes
Friðjónsson,
forstjóri Eikar.
helgivifill@frettabladid.is
Tempo, hlutdeildarfélag Origo,
keypti í gær  Roadmunk, sem er í
Ontario, Kanada. Roadmunk hefur
þróað hugbúnað sem hjálpar fyrir­
tækjum að byggja upp, hanna og
miðla stefnu fyrir hugbúnaðar­
vörur með sjónrænum hætti. Þetta
kemur fram í tilkynningu til Kaup­
hallarinnar.
Árlegar tekjur Roadmunk eru um
12,5 milljónir Bandaríkjadala, jafn­
virði um 1,6 milljarða króna, og er
félagið með jákvætt sjóðsstreymi.
Kaupin eru fjármögnuð af Tempo
og engin ný hlutabréf eru gefin út
vegna viðskiptanna.
Hlutabréfaverð Origo hækkaði í
gær um tæplega fimm prósent í 173
milljóna króna veltu.
Origo seldi 55 prósenta hlut í
Tempo til Diversis Capital, fjárfest­
ingafélags frá Los Angeles, sem sér­
hæfir sig í fjárfestingum í hugbún­
aðar­ og tæknifyrirtækjum, í lok árs
2018. Áður en salan gekk í gegn átti
Origo Tempo að fullu. ■
Tempo kaupir
kanadískt félag
20 Fréttir 25. nóvember 2021 FIMMTUDAGURFRÉTTABLAÐIÐMARKAÐURINN FRÉTTABLAÐIÐ 25. nóvember 2021 FIMMTUDAGUR