Fréttablaðið - 25.11.2021, Síða 48

Fátt er öruggt í jólabóka-
flóðinu en þó er víst að Yrsa
Sigurðardóttir og Ragnar
Jónasson verða í hópi met-
söluhöfunda. Hún með bók
sína Lok, lok og læs og hann
með Úti.
Yrsa er þegar búin að lesa bók Ragn-
ars, Úti. „Ég ætlaði að bíða með að
lesa hana en svo gat ég það ekki. Ég
er mjög ánægð með þá bók,“ segir
Yrsa. Ragnar er byrjaður á bók Yrsu.
„Það sem ég er búinn að lesa er frá-
bært. Ég er mjög spenntur, byrjunin
er óskaplega óhugguleg.“
Enginn rígur
Þau eru góðir vinir og stofnuðu í
sameiningu glæpasagnaverðlaunin
Svartfuglinn. Bæði gefa svo bók á
ári. Er ekki smá samkeppni á milli
þeirra um sæti ofarlega á metsölu-
listum?
„Metsölulistar segja manni að
margir séu að lesa bókina sem er
gaman en það skiptir mig engu
máli hvort ég er fyrir ofan eða
neðan Yrsu,“ segir Ragnar.
„Maður skrifar bókina, hún fer í
prent og svo getur maður ekki gert
neitt meir. Maður ræður engu um
það í hvaða sæti maður lendir á
metsölulista. Það eina sem maður
getur gert er að vanda sig og skrifa
skemmtilega bók,“ segir Yrsa og
bætir við: „Ég hef ekki orði vör við
ríg á milli glæpasagnahöfunda,
okkur er öllum vel til vina og
maður vill að vinum manns gangi
vel. Við glæpasagnahöfundarnir
vorum dálítið á jarðrinum, þóttum
ekki alveg nógu fín en núna ber
minna á slíku viðhorfi en áður.“
„Glæpasögur hafa átt stóran
þátt í að halda uppi merki Íslands
erlendis. Ég held að menn hafi
áttað sig á því að það er ekki hægt
að setja þær til hliðar,“ segir Ragnar.
„Ef ekki væri fyrir glæpasögurnar
væru mun færri að lesa íslenskar
bækur úti í hinum stóra heimi. Við
glæpasagnahöfundarnir erum svo
alltaf að reyna að ýta undir það
að glæpasögunni sé gert jafn hátt
undir höfði og öðrum tegundum
bókmennta. Af hverju er til dæmis
ekki f lokkur innan Íslensku bók-
menntaverðlaunanna fyrir glæpa-
sögur eins og fyrir barnabækur?“
Algjörlega frábært
Þau fagna því að Arnaldur Indriða-
son hafi hlotið Verðlaun Jónasar
Hallgrímssonar á degi íslenskrar
tungu. „Það er algjörlega frábært.
Skrýtið að það hafi ekki gerst fyrr.
Arnaldur hefur gert svo mikið
fyrir lestur á Íslandi,“ segir Yrsa og
Ragnar tekur undir.
Bækur Yrsu og Ragnars hafa verið
þýddar á fjórða tug tungumála.
Þau segja mikinn tíma fara í upp-
lestra og kynningar erlendis. „Þetta
kostar gríðarlega mikinn tíma. Ég
þyrfti að fara á námskeið til að læra
að segja nei,“ segir Yrsa. „Nú er ég
orðinn duglegri við að segja nei og
velja þau lönd sem skipta mestu
máli eða lönd sem mig langar til að
heimsækja, því þetta þarf að vera
gaman,“ segir Ragnar.
Bækur í vinnslu
Nú þegar nýjustu bækur þeirra eru
komnar í verslanir og munu væntan-
lega seljast eins og heitar lummur,
eru þau þá farin að leggja drög að
næstu bókum?
„Mér finnst mjög gaman að skrifa
og er með margar hugmyndir. Við
Katrín Jakobsdóttir erum að vinna
í bók. Svo er ég að skrifa framhald af
Hvíta dauða, ég fékk skemmtilega
hugmynd sem ég er að vinna úr. Svo
er ég með enn aðra bók sem verður
væntanlega í samstarfi við annan
höfund,“ segir Ragnar.
„Ég er afskaplega óöguð í þessu,
en eins og Ragnar skrifa ég af því
mér finnst það skemmtilegt. Ef
maður er ekki áhugasamur um það
sem maður er að skrifa þá er gefið
að bókin verður ekki skemmtileg,“
segir Yrsa.
Hún hefur skrifað barnabækur en
Ragnar hefur haldið sig alfarið við að
senda frá sér glæpasögur, þótt hann
skrifi fleira en þær. „Ég yrki stundum
og skrifa smásögur, ætla að skrifa
eina núna um jólin,“ segir hann. n
Af hverju er til dæmis
ekki flokkur innan
Íslensku bókmennta-
verðlaunanna fyrir
glæpasögur eins og
fyrir barnabækur?
Ragnar Jónasson
Yrsa og Ragnar geta verið örugg um að bækur þeirra verði á toppnum. FRÉTTABLAÐIÐ/VALLI
Kolbrún
Bergþórsdóttir
kolbrunb
@frettabladid.is
Ekki hægt að hunsa glæpasögur
BÆKUR
Drekar, drama og meira
í þeim dúr
Rut Guðnadóttir
Útgefandi: Vaka-Helgafell
Fjöldi síðna: 301 bls.
Brynhildur Björnsdóttir
Drekar, drama og meira í þeim dúr
er sjálfstætt framhald bókarinnar
Vampírur, vesen og annað tilfall-
andi sem hlaut Íslensku barna-
bókaverðlaunin í fyrra. Í þessari
bók eru söguhetjurnar þrjár rétt
að jafna sig á átökum við skæða
vampíru sem saug lífskraftinn
úr nemendum skólans þeirra og
dáleiddi stærðfræðikennarann
til liðs við sig. Þær eru enn góðar
vinkonur þótt samband þeirra sé
töluvert flóknara en áður enda þær
sumrinu bæði eldri og reyndari.
Eins og í fyrri bókinni verður yfir-
náttúruleg vera á vegi þeirra, nánar
tiltekið dreki í Smáralindinni, og
mitt í öllum hversdeginum með
sínum flóknu úrlausnar- og tilfinn-
ingamálum er hann það síðasta
sem þær þurfa á að halda. En þetta
eru ekki stúlkur sem yfirgefa dreka
í neyð sem setur þær í stöðu þar
sem þær þurfa að taka á henni
stóru sinni til að komast af.
Þær mjúkharði gothtöffarinn
Rakel, ljúfsnarpa bardagaíþrótta-
stelpan Lilja og taugaveiklaði mál-
fræðinördinn Milla eiga vel saman í
sögu, af því það hvað þær eru ólíkar
gefur færi á margvíslegum flækjum
og úrlausnarefnum. Sagan er sögð
frá sjónarhorni stelpnanna þriggja
til skiptis sem er mjög skemmtileg
aðferð við persónusköpun, þar sem
lesendur fá þá bæði innsýn í þeirra
hugarheim og sjá síðan hvernig þær
koma öðrum fyrir sjónir sem síðan
eykur skilning á því hvernig sam-
skipti þeirra, og í víðara samhengi
samskipti almennt, geta orðið svo
flókin sem raun ber vitni.
Þetta er afbragðs unglingabók og
nóg um drama. Flókin ástamál og
spurningar og efasemdir um kyn-
hneigð eru sett fram á áhugaverðan
hátt, tæpt er á einelti og þeim
áhrifum sem það getur haft og þá
eru vangaveltur um sjálfsmynd í
sambandi við útlit og hegðun líka
til umfjöllunar. Allt gerist þetta
inni í þrælskemmtilegum, léttum
og spennandi söguþræði og ekki
má gleyma því að bókin er með
eindæmum fyndin.
Drekar, drama og meira í þeim
dúr er að mörgu leyti enn heild-
stæðari og betur skrifuð en Vamp-
írur, vesen og annað tilfallandi,
bæði er plottið betur útfært og svo
er persónusköpunin þéttari. Enda
gefur bókaflokkur höfundi mögu-
leika á því að kynnast persónum
sínum betur, svo sem margir
höfundar, einkum glæpasagnahöf-
undar hafa nýtt sér. Fyrir mitt leyti
þá hlakka ég til að kynnast þeim
stöllum og skrímslaveiðikonum
Rakel, Millu og Lilju nánar og þeim
óvættum sem á vegi þeirra verða. n
NIÐURSTAÐA: Fyndin og vel
skrifuð saga um dreka en þó um-
fram allt unglingadrama þar sem
allt fer vel að lokum.
Unglingar, undur
og vandamál
40 Menning 25. nóvember 2021 FIMMTUDAGURFRÉTTABLAÐIÐMENNING FRÉTTABLAÐIÐ 25. nóvember 2021 FIMMTUDAGUR