Heilsuvernd - 01.03.1959, Qupperneq 15

HEILSUVERND
7
birtust greinar með stórum fyrirsögnum: „Berklar eru
algengari hjá jurtaætum en kjötætum og krabbamein a.
m. k. eins algengt".
Þegar er dr. Poulsen hafði varið ritgerð sína í Kaup-
mannahöfn sendi Are Waerland, sem dvaldi þá á ftalíu,
honum símskeyti og skoraði hann á hólm, fyrir milli-
göngu „Politiken", í opinbera kappræðu um „jurtaneyzlu
og krabbamein“ í stærsta samkomusal Kaupmannahafnar,
„Oddfellow Palace“.
Are Waerland veittist ekki erfitt að hnekkja ályktunum
dr. Poulsens. Um hálfrar aldar skeið hafði Waerland
komið við og við til Skodsborg og kynnt sér fæðið þar
ítarlega. Honum var það vel kunnugt að adventistar lifa
á mauksoðnu jurtafæði, og taka ekki tillit til þýðingar
næringarefna fyrir heilsuna við meðferð matvælanna,
fremur en flestir aðrir jurtaneytendur. Þeir neita sér held-
ur yfirleitt ekki um gómsæta rétti og nautnalyf, svo sem
kaffi og te, súkkulaði og niðursuðuvörur, tóbak og inn-
bakaða feiti, sem á þátt í myndun krabbameins, né ýmis-
konar skaðlegt krydd. Þetta stafar af því, að jurtaneyzla
þeirra er byggð á siðferðilegum grundvelli einvörðungu.
Fyrir utan þessa gamaldags jurtaneytendur eru nú aðrir
flokkar manna, sem lifa aðallega á hráfæði. Auk waer-
landsfæðisins eru önnur kerfi, sem ekki eru líkleg til að
ná almennri útbreiðslu. Sumir vilja t. d. helzt ekkert borða
nema ávexti og hnetur, en forðast kornmat, kartöflur
og mjólk. Slíkt fæði er dýrt og óaðgengilegt. Það þola ekki
aðrir en þeir sem hafa sterk meltingarfæri, og eins og
sýnt mun verða, leiðir af því skort lífnauðsynlegra nær-
ingarefna.
Nú hafa samtök vísindamanna frá 42 löndum mælt með
waerlandskerfinu. Þessi samtök voru stofnuð fyrir fáum
árum með 150 prófessora í fararbroddi. Albert Schweitzer
er verndari þeirra, og forsetar eru prófessorarnir
Schweigart í Hannover og Halden í Graz.
Markmið þessara samtaka er að rannsaka, hvaða nær-