Heilsuvernd - 01.03.1959, Page 20

12
HEILSUVERND
rit er bezta bókin, sem hann hefir skrifað, og er hún yfir-
lit yfir rannsóknarstörf hans á hans löngu ævi.
Are Waerland telur hreyfingu í fersku lofti álíka mikils-
verða og viðurværið. Við þurfum á súrefni að halda til
allra lífsstarfa. Líf er bruni, og eldur iífsins logar því
aðeins skært að honum berist nóg súrefni dag og nótt.
Það þarf einnig að örva öndun húðarinnar, sem er mikil-
vægt öndunarlíffæri. Henni höldum við starfshæfri með
þvotti, köldum böðum, sól- og loftböðum og með því að
bursta hana daglega með þurrum bursta.
Þeir sem eru frískir mega ekki halda, að þeir eigi ein-
hvern einkarétt á heilbrigði og þurfi ekkert á sig að leggja
til að varðveita hana. Þvert á móti verða þeir að halda
henni við með því að flytja líkamanum fullnægjandi bygg-
ingarefni til að byggja að nýju upp þær frumur, sem eyð-
ast við dagleg störf líkamans.
Are Waerland hélt því sífellt fram, að heilsan væri háð
umhverfi okkar og að líffæri okkar störfuðu því aðeins
fullkomlega rétt, að þau væru alltaf í líffræðilega réttu
umhverfi, þannig að t. d. lungun fengju alltaf hreint loft,
meltingarfærin heilnæma fæðu o. s. frv.
Hér hefir verið rætt um marga ytri þætti í verndun
heilsunnar. En Waerlandskerfið byggist ekki á þeim ein-
um saman. Starfsemi allra innkirtla er mjög háð skap-
lyndi okkar. Vafalaust höfum við öll reynt, hvernig gleðin
rekur á flótta höfuðverk og þreytu, en að þunglyndi gerir
okkur þreytt og sinnulaus.
Þess vegna þurfum við að efla með okkur jákvæðar
hugsanir og lífsviðhorf gagnvart öllu því, sem verður á
vegi okkar. Og við þurfum að kappkosta að tryggja til-
veru okkar festu með því að tileinka okkur þá öryggis-
kennd, sem skapast af snertingu við andleg verðmæti.