Heilsuvernd - 01.03.1959, Síða 34

HEILSUVERND
Heilbrigði úr hafdjúpunum
Rétt fyrir jólin 1958 kom út í Reykjavík bókin „Heil-
brigði úr hafdjúpunum" eftir Baldur Johnsen, héraðslækni
í Vestmannaeyjum. Höfundur hefir lengi verið einn af hin-
um áhugasömustu íslenzkra lækna um manneldismál og
heilsuvernd, kynnti sér þau mál sérstaklega í Englandi
fyrir nokkrum árum og hefir hlotið viðurkenningu sem
sérfræðingur á því sviði.
Bók þessi fjallar aðallega um lýsið, eiginleika þess og
efnasamsetningu, hollustu þess, um ýmsa sjúkdóma, sem
stafa af skorti þeirra fjörefna, sem lýsið hefir að geyma
(A- og D-fjörefni), framleiðslu lýsis á ýmsum tímum og
helztu lýsistegundir. Bókin er mjög fróðleg og alþýðlega
rituð. Heilsuvernd tekur sér bessaleyfi til að birta smá-
kafla úr þessari bók, sem menn ættu að eignast og lesa
með athygli.
Höfundur segir í formála:
„Námsferð um Norðurlönd árið 1957 sannfærði mig um,
að læknar í Danmörku og Noregi taka yfirleitt lýsið fram
yfir gerfiefnin, nema í undantekningartilfellum. Og Norð-
menn eru alveg ákveðnir í því að hleypa ekki pillum eða
öðrum gerfiefnum eða lýsisþétti inn í skóla sina né heilsu-
verndarstöðvar. Þar er þorskalýsið eitt um hituna, en það
vann sér þann heiðurssess í síðasta stríði, þegar Norðmenn
áttu í miklum erfiðleikum, meðal annars með öflun
matvæla".
lengur. Slys eða sjúkdómar valda því að menn deyja fyrir
aldur fram. Langsamlega tíðasta orsök þess er æðakölkun.
H. Muller, lœknir.
(Lauslega þýtt úr „Vie et Santé“).