Fréttablaðið - 09.12.2021, Síða 12

magdalena@frettabladid.is
Stafræna auglýsingastofan Sahara
hyggst opna útibú í Orlando í Banda-
ríkjunum snemma á næsta ári. Davíð
Lúther Sigurðarson, stofnandi og
meðeigandi Sahara, segir að með
opnun útibúsins vilji fyrirtækið vera
í nálægð við sína helstu viðskiptavini
og auglýsingafyrirtæki. Þetta sagði
hann í sjónvarpsþættinum Markað-
inum sem sýndur var á Hringbraut í
gærkvöldi.
„Við þurfum að þjónusta okkar
viðskiptavini og vera á sama stað
og önnur stór auglýsingafyrirtæki
erlendis. Fyrirtæki eins og Facebook,
Instagram og öll þessi stóru fyrirtæki
eru í Bandaríkjunum,“ segir Davíð og
bætir við að með staðsetningunni
fylgi aðgangur að hinum ýmsu miðl-
um sem ekki er unnt að fá á Íslandi.
„Við höfum fundið fyrir því síð-
ustu fimm eða sex ár að við erum
eftirbátur þegar kemur að aðgangi
að auglýsingaplatformum. Þannig að
við þurfum að fara nær þessum fyrir-
tækjum til dæmis bara með því að fá
aðgang að miðlum á borð við Pint-
rest, TikTok og Spotify, en við höfum
ekki aðgang að þessum miðlum hér
á landi.“
Hann segir jafnframt að á undan-
förnum misserum hafi erlendum
viðskiptavinum fyrirtækisins fjölgað
og því þurfi að nýta þau tækifæri
sem felast í opnun útibúsins. „Við
Íslendingar þekkjum Orlando vel því
margir hafa ferðast þangað. Þarna úti
eru mörg frábær fyrirtæki og einnig
góðir starfsmenn með mikla reynslu.
Við verðum að nýta þetta tækifæri til
að þjónusta okkar viðskiptavini enn
betur, hvort sem það er á Íslandi eða
erlendis.
Aðspurður hvort erfitt hafi verið
að fá rekstrarleyfi í Bandaríkjunum
segir hann að ferlið hafi verið langt
og strangt. „Þetta reyndist frekar
erfitt og kom mér svolítið á óvart en
þetta er allt upp á tíu núna og gengur
vel.“ n
Við þurfum að þjón-
usta okkar viðskipta-
vini og vera á sama
stað og önnur stór
auglýsingafyrirtæki
erlendis.
Davíð Lúther
Sigurðarson,
framkvæmda-
stjóri og með-
eigandi Sahara
Stjórnarmaður í Samtökum
íslenskra auglýsingastofa
segir að æskilegt væri að þriðji
aðili kæmi að mælingum á
áhorfi á auglýsingar í sjón-
varpi. Síminn og Sýn hafa
dregið sig út úr Gallup-mæl-
ingunum og segja fyrirtækin
þær mælingar vera gallaðar.
magdalena@frettabladid.is
Samtök íslenskra auglýsingastofa
(SÍA) kalla eftir auknu samræmi í
mælingum á áhorfi á auglýsingar
í sjónvarpi, en samtökin segja að
erfitt geti reynst að bera saman
upplýsingar úr mörgum áttum.
„Í mjög langan tíma fengum við
virkilega góðar upplýsingar frá
Gallup. Nú er hins vegar staðan sú
að Síminn og Sýn hafa dregið sig
út úr því samstarfi og hafa byrjað
að safna eigin gögnum. Það hefur
valdið því að erfitt getur reynst
fyrir okkur auglýsingastofur fyrir
hönd auglýsenda að finna sam-
ræmi í þessum upplýsingum,“
segir Anna Kristín Kristjánsdóttir,
stjórnarmaður í SÍA og starfandi
stjórnarformaður Hvíta hússins.
Mag nú s Rag narsson, f ram-
kvæmdastjóri sölu hjá Símanum,
segir að ákveðinn galli hafi verið á
mælingunum hjá Gallup.
„Ástæðan fyrir því að við fórum
út í að mæla þetta á okkar vegum
og drógum okkur út úr Gallup-
samstarfinu er sú að þessar mæl-
ingar Gallup eru bæði gallaðar og
stóru miðlunum í hag. Eftir því sem
við höfum rannsakað þá fær Ríkis-
útvarpið alltaf betri niðurstöðu en
það á skilið, meðan allir hinir litlu
miðlarnir koma verr út úr mæling-
unum,“ segir Magnús og bætir við
að mælingarnar sem Síminn standi
fyrir nái til margfalt breiðari hóps.
„Síðan 2004 hefur Gallup fram-
kvæmt svokallaðar PPM-mælingar
sem stendur fyrir Portable People
Meter. Í því felst að ákveðinn hópur
fólks gengur með nokkurs konar
símboða í beltinu. Það eru aðeins
nokkur hundruð mælar á landinu
og ekki margir á til dæmis Austur-
landi, meðan við erum að mæla í
gegnum 65.000 myndlykla. Okkar
mælingar gefa einfaldlega betri
mynd af stöðunni. Við náum líka
með þessu móti að mæla ólínu-
lega áhorfið betur, en þar er mikill
vöxtur í sjónvarpstekjum.“
Freyr Tómasson, deildarstjóri
viðskiptaþróunar hjá Sýn, segir
ástæðuna fyrir því að fyrirtækið
hafi ákveðið að fara í sínar eigin
mælingar hafi í grunninn verið sú
að þeir hafi viljað fá betri yfirsýn
yfir áhorf á sjónvarpsefni hjá Sýn og
gefa betri endurgjöf til auglýsenda.
„Við vitum að f leiri þúsund
manns horfa á sjónvarpsefni Sýnar á
hverjum degi í gegnum myndlykla,
vefsjónvarp, app og vef og sáum
tækifæri til að nýta þau gögn enn
betur til að meta betur hverjir eru
að horfa,“ segir Freyr og bætir við að
mælingar þeirra séu nákvæmari en
PPM-mælingar Gallup.
„Það sem að við höfum fram yfir
PPM er að við sjáum inni á hvaða
heimili fólk er að horfa á sjónvarps-
efni og með því að tengja okkar
gagnaþýði við þjóðskrá getum við
einnig séð hvaða aðrir einstaklingar
á heimilinu hafa mögulega horft á
sjónvarpsefnið. Þetta gefur okkur
mikla innsýn í lýðfræði áhorfs, að
við teljum með meiri vissu.“
Hann bætir við að Sýn sé með
30.000 myndlykla sem taka niður
gögn á hverju degi.
„Það sem gerist einnig þegar þú
ert með minna þýði eins og Gal-
lup hefur verið að vinna með, þá
eykur það líkur á skekkju, sérstak-
lega þegar áhorf er minna eins og
til dæmis fyrir hádegi, en þá hafa
PPM-mælarnir stundum ekki náð
að greina áhorf á meðan við sjáum
í gögnum okkar að fólk er vissulega
að horfa.“
Anna Kristín bætir við að hún
skilji á vissan hátt gagnrýni miðl-
anna og að mælingar Gallup séu á
vissan hátt barn síns tíma.
„Gallup hefur í gegnum tíðina
notast við svokallaðar PPM-mæling-
ar þar sem fólk gengur með tæki sem
mælir áhorf. Með breyttu áhorfi á
sjónvarp er eðlilegt að skoða nýjar
leiðir til mælinga þar sem neyslu-
hegðun hefur breyst mjög mikið.
Það má heldur ekki gleyma að Gal-
lup gerir f leira, eins og að standa
fyrir neyslukönnunum, og það eru
fleiri markaðsrannsóknafyrirtæki
á markaðnum. Gagnrýni miðlanna
er þó ekki óréttmæt og það er rétt að
þessar mælingar ná ekki að endur-
spegla allt áhorf, en greiningarnar
sem Síminn og Sýn standa í endur-
spegla aðeins ákveðið mengi og það
þarf líka að taka tillit til þess,“ segir
Anna og bætir við að það sé ekki
gott fyrir neinn þegar allir vinna
hver í sínu horninu.
„Það er áhugavert að fylgjast með
hvernig Sýn í samstarfi við Data-
Lab hefur þróað gervigreindar-
tækni sem hjálpar til við að greina
áhorf og nýtt sér tækni til að læra
jafnóðum. Þetta er allt mjög spenn-
andi, en óskandi fyrir auglýsendur
að aðilar væru að vinna þetta í ein-
hvers konar samstarfi.
Í mörg ár var miðlægur grunnur
þar sem þú fékkst allar neytenda-
kannanir og slíkt. Þú gast líka treyst
því að markaðsrannsóknafyritæki
væri óháður aðili.“
Hún segir jafnframt að æskilegt
væri að þriðji aðili kæmi að öflun
þessara gagna. „Það sem við köllum
eftir er samstarf. Það væri æskilegt
að þriðji aðili kæmi að þessari upp-
lýsingaöf lun og það þarf að vera
hlutlaus aðili sem kemur að þessu,“
segir hún og bætir við að þessi
óreiða í upplýsingamálum ýti undir
að auglýsendur eigi erfiðara með að
taka ákvörðum um hvar sé rétt að
birta miðað við þann markhóp sem
horft er til hverju sinni. n
Auglýsingastofur kalla eftir
auknu samræmi í mælingum
Mikil aukning í auglýsingum á samfélagsmiðlum
„Það hefur verið mikil aukning í auglýsingum á samfélagsmiðlum
undanfarið,“ segir Anna Kristín og bætir við að það sé það sem ger-
ist þegar auglýsingastofurnar fái svo ósamrýmanlegar upplýsingar.
„Þá vilja auglýsendur fara leið sem sýnir sem bestar mælingar.
Það hefur verið aukning hjá innlendu netmiðlunum sem og rafrænu
útimiðlunum (útiskiltum), en aukningin er líka gífurlega mikil í
erlendu miðlunum. Það er mikilvægt að tryggja að þessar birtinga-
tekjur fari ekki allar úr landi og því þarf aukið samræmi í þessum
efnum til að auglýsendur treysti innlendum gögnum sem snúa að
innlendum neytendum.“
Anna Kristín
segir að það
hafi verið
mikil aukning
í auglýsingum
á rafrænu úti-
miðlunum eða
útiskiltum.
FRÉTTABLAÐIÐ/
ERNIR
Magnús
Ragnarsson,
framkvæmda-
stjóri sölu hjá
Símanum
Anna Kristín
Kristjánsdóttir,
stjórnarmaður í
SÍA og starfandi
stjórnarfor-
maður Hvíta
hússins
FJÁRFESTING Í SJÓÐUM
ER GÓÐUR VALKOSTUR
TIL AÐ ÁVAXTA PENINGA TIL
SKEMMRI OG LENGRI TÍMA
Kynntu þér árangur og úrval
ÍV sjóða á WWW.IV.IS
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
Vilja aukna nálægð
við viðskiptavini sína
12 Fréttir 9. desember 2021 FIMMTUDAGURFRÉTTABLAÐIÐMARKAÐURINN FRÉTTABLAÐIÐ 9. desember 2021 FIMMTUDAGUR