Fréttablaðið - 11.12.2021, Blaðsíða 4

Verkefnastjóri hjá Barna­
heillum segir óásættanlegt að
börnum sé mismunað eftir
stöðu foreldra sinna. Jólin
geti verið kvíðavaldandi fyrir
börn sem búi við fátækt. Tæp
þrettán prósent íslenskra
barna eiga á hættu að búa við
fátækt.
birnadrofn@frettabladid.is
SAMFÉLAG Margrét Júlía Rafnsdótt­
ir, verkefnastjóri hjá Barna heill­
um – Save the Children á Íslandi,
segir það algjörlega óásættanlegt
að börum á Íslandi sé mismunaði
eftir efnahagslegri eða félagslegri
stöðu foreldra þeirra.
„Tæp þrettán prósent barna á
Íslandi eiga á hættu að búa við
fátækt og félagslega einangrun og
þeim börnum er mismunað,“ segir
Margrét. Helst séu það barnafjöl­
skyldur með lágar tekjur, fjölskyld­
ur með fötluð börn, fjölskyldur á
f lótta, einstæðir foreldrar, foreldrar
á örorkubótum og barnafjölskyld­
ur, sem búa við erfiðar félagslegar
aðstæður og séu viðkvæmar fyrir
fátækt og félagslegri einangrun.
„Þess má geta að 90 prósent for­
eldra sem eru á örorkubótum á
Íslandi segja bæturnar ófullnægj­
andi, 80 prósent geta ekki mætt
óvæntum útgjöldum, 22 prósent
geta ekki greitt skólamat fyrir
börn sín og 19 prósent geta ekki
greitt fyrir frístund eða tómstundir
barna sinna,“ segir Margrét.
Nú þegar líður að jólum segir
Margrét vert að velta fyrir sér hvort
öll börn eigi gleðileg jól og hafi
jafna ástæðu til að hlakka til. „Því
miður er það ekki svo. Hjá sumum
þeirra vekur þessi tími kvíða og
vanlíðan,“ segir hún.
„Þau horfa á félaga sína njóta
vellystinga og risastórra skógjafa
og jólagjafa. Þau fá ekki tækifærin
sem félagarnir fá og finnst þau jafn­
vel ekki eiga þau skilið,“ segir Mar­
grét. „Þau hlífa fjölskyldu sinni við
vanmætti sínum og biðja ekki um
það sem aðrir telja nauðsynjar lífs­
ins. Sum draga sig jafnvel í hlé, geta
ekki, eða fá ekki, að taka þátt í sam­
félagi jafnaldra vegna stöðu sinnar.“
Spurð hvernig samfélagið geti
brugðist við segir Margrét til að
mynda góða byrjun að ræða við
börn um mikilvægi virðingar fyrir
margbreytileikanum.
„Við getum rætt um mikilvægi
þess að öll börn fái að tilheyra
hópnum burtséð frá stöðu þeirra.
Við getum lagt áherslu á að það að
eiga eitthvað eða geta eitthvað, á
aldrei að vera forsenda þess að fá
að tilheyra,“ segir Margrét.
„Við getum einnig skoðað eigin
neyslu í jólamánuðinum,“ segir
Margrét. „Með því að draga úr
neyslu erum við jafnframt að vinna
að umhverfisvernd, gegn loftslags­
breytingum og þar með að betri
framtíð fyrir börn heimsins. Verum
öll vakandi á aðventunni.“ n
Nýjasta tíska
Barnabarinn opnaði hárgreiðslustofu í Norræna húsinu í gær þar sem fullorðnir gátu nælt sér í jólaklippinguna hjá börnum. Barnabarinn er verkefni Krakka-
veldis, sem eru samtök barna sem vilja breyta heiminum. Söngkonan Magga Stína var meðal þeirra sem naut þjónustunnar. FRÉTTABLAÐIÐ/SIGTRYGGUR ARI
kristinnhaukur@frettabladid.is
LÖGREGLUMÁL Rannsókn á bana­
slysinu á gatnamótum Gnoðar­
vogs og Skeiðarvogs 25. nóvember
er langt komin. Kona á sjötugsaldri
lést er hún varð fyrir strætisvagni.
Samkvæmt Guðmundi Páli Jóns­
syni, lögreglufulltrúa á Stöð 1, hefur
málið verið rannsakað sem saka­
mál frá upphafi. Á hann von á því
að málið fari til ákærusviðs fyrir
áramót.
Tæknideild lögreglunnar og
Rannsóknarnefnd samgönguslysa
fara með rannsókn málsins og er
aðeins lítil vinna eftir hjá fyrr­
nefndu stofnuninni. Guðmundur
segir það síðan ákærusviðsins að
meta hvort ákæra verði gefin út.
„Þetta gæti heyrt undir mann­
dráp af gáleysi,“ segir Guðmundur.
Strætisvagnabílstjórinn sem ók á
konuna er í leyfi frá störfum. Sam­
kvæmt Jóhannesi Svavari Rúnars­
syni, framkvæmdastjóra Strætó,
var um starfsmann verktaka að
ræða. Strætó er með samninga við
tvö verktakafyrirtæki í strætis­
vagnaakstri.
„Það var ákvörðun verktakans
að hann myndi ekki keyra,“ segir
Jóhannes. Gerir hann ráð fyrir því
að svo verði þar til niðurstaða fæst
í þetta mál. n
Strætóslysið rannsakað sem sakamál
Blóm og kerti við gatnamótin þar
sem konan lést. FRÉTTABLAÐIÐ/GARÐAR
bth@frettabladid.is
VEÐUR „Það er auðvitað til gamans
gert að spá um jólaveðrið svo löngu
fyrir hátíðina, en ég hallast að því að
jólin verði víða rauð, ekki síst hér í
henni Reykjavík,“ segir Sigurður Þ.
Ragnarsson veðurfræðingur.
Einar Sveinbjörnsson veður­
fræðingur birti í gær á blika.is erlend
spágögn, þar sem flest bendir til að
hlýindi verði víða um land dagana
fyrir jól. Út frá samgöngum gæti
veðrið aftur á móti litið ágætlega út.
„Þegar loftmassinn yfir landinu
er metinn út frá lengstu reiknuðu
spám fram að jólum, hallast lík­
urnar að suðlægum áttum og að það
verði meira og minna frostlaust til
jóla. Úrkoman sem fellur verður því
mest í formi rigningar. En spárnar
geta auðvitað tekið breytingum eins
og fólk þekkir, en svona sýnist mér
þetta liggja í ár,“ segir Sigurður.
Norðanlands virðist svipuð staða.
„Þannig að ég læt mig hafa það
að spá rauðum jólum víðast hvar
þetta árið,“ segir Sigurður, eða Siggi
stormur eins og hann er kallaður. n
Allar líkur á
rauðum jólum
Sigurður Þ.
Ragnarsson,
veðurfræðingur
Þau horfa á félaga sína
njóta vellystinga og
risastórra skógjafa og
jólagjafa.
Margrét Júlía
Rafnsdóttir,
verkefnastjóri
hjá Barnaheill um
Ekki hafi öll börn ástæðu
til að hlakka til jólanna
Nánari umfjöllun í næstu viku á
Sum börn biðja ekki um það sem aðrir telja nauðsynjar. FRÉTTABLAÐIÐ/VALLI
2 Fréttir 11. desember 2021 LAUGARDAGURFRÉTTABLAÐIÐ