Fréttablaðið - 22.12.2021, Blaðsíða 22

Margir vita ekkert hvað
þeir eiga að gera við sig
þegar þeir lenda í sóttkví
eða þurfa að vinna heima
og það hentar sumum mjög
illa. Hér er nokkur ráð til að
halda líkamlegu og andlegu
heilsunni við.
oddur@frettabladid.is
Ráðin koma frá Alþjóðaheil-
brigðismálastofnuninni og eiga
við fyrir fólk sem er einkennalaust
en þarf að vera heima. Þau koma
að engu leyti í stað læknisað-
stoðar og fólk sem finnur fyrir
einkennum ætti að fylgja fyrir-
mælum lækna.
Nú er Covid komið á f lug á ný og
mikið af fólki þarf að fara í sóttkví
eða vinna heima til að koma í veg
fyrir frekari smit. Þetta getur verið
erfitt fyrir suma, sérstaklega fólk
sem er vant því að vera mjög virkt.
Langvarandi kyrrseta er heldur
ekki holl fyrir neinn og hefur
slæm áhrif á bæði líkamlega og
andlega líðan. Vesen í kringum
sóttkví og óvissa, ekki síst rétt
fyrir jól, getur líka haft slæm áhrif
á andlega heilsu.
Þess vegna getur hreyfing og
slökunartækni komið að miklu
gagni við að hjálpa fólki í gegnum
þennan tíma. Þegar maður hefur
aukinn frítíma heima fyrir er líka
ekkert því til fyrirstöðu að nýta
hann til að byggja sig upp svo
hægt sé að koma heilbrigðari úr
sóttkví.
Landlæknir ráðleggur full-
orðnum að stunda miðlungserfiða
hreyfingu í minnst 30 mínútur
Svona kemstu í gegnum sóttkví
Það eru ýmsar
leiðir til að
gera sóttkví
bærilegri. Dans
er til dæmis
góð leið til að
fá hreyfingu
heima fyrir.
FRÉTTABLAÐIÐ/
GETTY
daglega, en heildartímanum má
skipta í nokkur styttri tímabil yfir
daginn.
Með því að hreyfa sig lengur eða
með meiri ákefð er mögulegt að
bæta heilsuna enn frekar og því
er æskilegt að fullorðnir stundi
erfiða hreyfingu að minnsta kosti
tvisvar í viku í 20-30 mínútur í
senn.
Hér eru nokkur góð ráð til að
draga úr kyrrsetu í sóttkví og
bæta þannig heilsuna.
Takið reglulega hlé
Takið stutt hlé yfir daginn. Með
því að vera virk í stutta stund í einu
safnast upp í ráðlagðan dagskammt
af hreyfingu. Það er hægt að nota
æfingar en það er líka hægt að
dansa, leika við börnin eða taka
til hendinni heima. Allt eru þetta
dæmi um leiðir til vera virk heima
fyrir.
Standið upp
Það er mikilvægt að draga úr kyrr-
setu með því að standa reglulega
upp og það er gott að miða við að
standa upp á 30 mínútna fresti.
Það má líka íhuga að setja upp
standandi skrifborð með því að
nota hátt borð eða stafla einhverju
undir tölvuna svo maður standi við
vinnuna. Í afslöppun ætti líka að
reyna að stunda eitthvað sem örvar
hugann, lesa bók, spila eða púsla.
Notið æfingar á netinu
Önnur mjög góð leið til að fá sína
nauðsynlegu hreyfingu er að nýta
sér eitthvað af því mikla magni af
æfingaáætlunum og æfingatímum
sem er hægt að finna á netinu. Á
YouTube er auðvelt að finna alls
kyns æfingar sem henta mismun-
andi þörfum án endurgjalds, en
óvanir ættu að fara varlega af stað
til að forðast meiðsli.
Gangið um
Þó að það sé gengið um lítið svæði,
jafnvel bara á staðnum, getur ganga
gagnast við að halda fólki virku. Ef
þú ert í símanum er gott að ganga
um á meðan og það er líka gott að
fara út í göngutúr, en þá þarf auð-
vitað að passa að fylgja sóttvarna-
reglum.
Slakið á
Hugleiðsla og djúpur andardráttur
getur hjálpað fólki að halda ró
sinni. Það eru góðar leiðbeiningar
fyrir hugleiðslu á YouTube en það
er líka bara gott að staldra við og
einbeita sér að því að fylgjast með
önduninni. Það þarf ekki endilega
að breyta henni neitt eða anda
sérlega djúpt, það eitt að setja alla
athygli hugans inn á við og fylgjast
með önduninni eiga sér stað getur
haft róandi áhrif á hugann.
Borðið hollt
Að sjálfsögðu er líka mikilvægt að
borða hollt og drekka nóg af vökva
í sóttkví. Það er best að halda sig
að mestu við vatn og takmarka
sykraða og áfenga drykki. Margir
freistast til að nasla á óhollustu
í kyrrsetunni en það er gott að
halda rútínu á máltíðum sínum og
skynsamlegt að nýta aukinn tíma
heima til að leggja meiri metnað í
eldamennskuna. n
Gunni Þórðar – Lífssaga
Gunnar Þórðarson er einn fremsti tónlistarmaður
Íslendinga og í þessari bók rekur Ómar Valdimarsson
lífshlaup hans, allt frá æskuárum á Hólmavík og í
Keflavík til dagsins í dag.
Bókin veitir einstaka innsýn í sögu dægurmenningar
á Íslandi síðastliðin 60 ár.
Hljómatíminn, Trúbrot, Lonlí Blú bojs,
Guitar Islancio, klassíkin, og ekki síst einkalífið,
allt er á sínum stað og ekkert dregið undan.
Frábærlega vel skrifuð og skemmtileg ævisaga
um ævintýralegan lífsferil.
SKRUDDA
skrudda.is
skrudda@skrudda.is★ ★ ★ ★
SBS - Mbl. 12. des. 20121
Komin í hljóðbók!
4 kynningarblað A L LT 22. desember 2021 MIÐVIKUDAGUR