Strandapósturinn - 01.06.1977, Qupperneq 13

Tómas Jónsson Kollsá Jóakim Vigfússon
víkum sleppir, tekur við Mjóavík, hún gengur inn úr Auðuns-
kotsflóa sem er í raun aðeins breið vík sem ber þetta nafn. Innst í
víkinni rétt við land er nokkuð stór hólmi, sem heitir Auðuns-
kotshólmi. Hólminn er allur gróinn. Ekki er varp í honum og
stafar það sennilega af því að þegar lágsjávað er, má ganga
þangað þurrum fótum og leiðin því greið fyrir allan búpening. A
grundinni uppaf Mjóuvík eru greinilegar rústir sem heita
Auðnukot og hefir þar sennilega einhverntima verið búið, en
engar heimildir eru til um búsetu þar. Suður af Auðnukoti liggur
mýrarflói þvert i gegnum nesið og klýfur það. Flóinn nær alveg í
Selvík, en það er nafn á víkinni sunnan við nesið. Flói þessi er
ekki breiður en mjög blautur og stingur alveg í stúf við annað
land á nesinu sem er klettótt og þurrt.
Austan við Mjóuvík er klettótt hæð, á henni eru með stuttu
millibili þrjár klettaborgir mjög sérkennilegar að útliti og eins og
kastalar að lögun og bera þær nafnið Tjörnesborgir. Sunnar á
hæðinni eru þrír klettar eða borgir sem heita Svörtuloft og eru
svipuð að gerð og lögun og Tjörnesborgir en aðeins minni. Nyrsti
11