Strandapósturinn - 01.06.1979, Side 17

hægðum sínum ofan hlíðina og kom rakleitt til okkar. Ég er
sannfærður um það, að hesturinn fylgdist með okkur allan tím-
ann, en þegar hann sá að við vorum að fara hefur honum fundist
að ekki væri ástæða til að vera í felum lengur og vildi þá verða
okkur samferða.
Ég reiddist oft við Neista og hann sjálfsagt einnig við mig, en
einhvern veginn er það þannig, að ég met Neista einna mest af
öllum hestum sem ég hef átt, og eru þeir þó margir, þar á meðal
nokkrir góðir reiðhestar. En enginn af þeim hafði vitsmuni hálft
á við Neista.