Strandapósturinn - 01.06.1979, Qupperneq 36

Höskuldur Bjarnason
Drangsnesi:
Eftirminnileg
sjóferð
14. des. 1936
Árið 1936 var ég lausamaður sem kallað var, en til þess að geta
verið lausamaður varð maður að kaupa sér svokallað lausa-
mennskubréf, en það keypti ég hjá þáverandi sýslumanni Hall-
dóri Júlíussyni á Borðeyri.
Ég átti heimili og hélt til hjá Einari Sigvaldasyni mági mínum
sem þá var búsettur í Hamarsbæli. Einar var formaður og átti
bát sem hét Hrefna 5-6 tonna trillubátur og hafði ég róið hjá
honum um sumarið og haustið.
Tveir aðrir formenn voru þá búsettir í Hamarsbæli, þeir voru
Jón Atli Guðmundsson og Halldór Magnússon.
Oftast var lítið um fisk eftir að komið var fram yfir veturnætur
en stöku sinnum var samt farið á sjó ef veður leyfði til að fá sér í
soðið svo var það einnig þennan dag. 13. desember kom Jón Atli
til okkar Einars til að vita hvort við værum ekki til í að koma með
sér á sjó daginn eftir til að fá okkur í soðið og var það ákveðið,
beittum við nokkrar lóðir um kvöldið, ekki man ég hve margar,
sennilega um 30, tæpast fleiri. Jón Atli átti trillubát sem hét
34