Strandapósturinn - 01.06.1979, Síða 40

Sigurgeir Magnússon:
Jón
í Þorpum
Á fyrstu tugum þessarar aldar bjó í Þorpum við Steingríms-
fjörð Jón Guðmundsson sem margir eldri menn kannast við. Jón
var góður og gildur bóndi mjög vel gefinn og hagmæltur vel,
kímnigáfu hafði hann í ríkum mæli.
Að sjálfsögðu hefði mátt skrifa mikið um Jón, en trúlega er
það að mestu glatað og er það mikill skaði.
Hinu er ekki að leyna að kringum svona humorista eins og
hann var myndast æfinlega sögur og kímni sem vel er þess vert
að falli ekki niður í gleymsku. Það sem hér fer á eftir heyrði ég
sagt frá þegar ég var unglingur.
Margt heimilisfólk var áður fyrr í Þorpum eins og víðar gerð-
ist, þar var stór baðstofa og eldhús niðri, ein ákveðin vinnukona
hafði það verk á hendi að bera upp matinn þegar húsmóðirin var
búin að skammta. Hún hafði þann sið að setja matinn upp á
skörina og sagði alltaf taktu við, þessi eða hinn. í tilefni af þessu
kom þessi vísa frá Jóni, sem felur í sér gælunöfn allra þeirra sem
við matnum tóku og þar rekur Jón lestina. Vísan er svona.
38