Strandapósturinn - 01.06.1979, Page 43

Ingi Guðmundsson
frá Kolbeinsvík:
Minningar
frá frosta-
vetrinum
1918
Mér verður lengi minnisstæður vetrarmorguninn 6. janúar
1918. Þann morgun eins og svo oft áður var ég snemma á fótum,
ég hafði þann starfa á heimili föður míns að hirða kýrnar og
draga heim rekavið og saga hann til eldiviðar.
Daginn áður var indælt veður sunnan hægviðri og frostlaust,
jörð mátti heita alauð aðeins snjór í lægðum. Ég minnist þess enn
hvað mér þóttu kindurnar fallegar á lagðinn er við strákarnir
rákum þær heim í fjárhúsin um kvöldið. Þetta kvöld höfðum við
bræður orð á því við fullorðna fólkið að okkur sýndist birtan
eitthvað óvanaleg. Allt væri svo blátt bæði úti og inni, það hafði
líka veitt þessu athygli en ekki var neinum getum að því leitt af
hverju þetta myndi stafa, helsta umræðuefnið var góða veðrið,
þetta óvanalega blíðviðri á þessum tíma árs.
Morguninn 6. janúar var ég að venju snemma á fótum á leið
til fjósverka, þá tók ég eftir því að glugginn var hvítur af hélu,
þegar ég opnaði bæjardyrnar lagði á móti mér helkaldur norðan
stormur og er ég leit út á sjóinn var að sjá eins og hvíta rönd yfir
Húnaflóann ásamt miklum sorta.
41