Strandapósturinn - 01.06.1979, Qupperneq 105

Anna Guðrún Guðmundsdóttir
frá Hólmavík.
Minnisstæður
maður
Frá æskuárum mínum er mér minnisstæður maður er gekk á
milli húsa og þvoði þvotta fyrir Hólmvíkinga. Hann var hnýttur
í baki af áralöngu erfiði og sennilega verið með hryggskekkju sem
barn. Hann bar pokaskjatta á baki og var í hvítþvegnum stakk
stagbættum og gúmmístígvélum. Hann var mættur eldsnemma
á morgnana, en á mörgum heimilum, er flest voru mannmörg á
nútíma mælikvarða var mikið að þvo og stóð hann við að þvo
óhrein föt daglangt, stundum einn og stundum með húsmóður-
inni, oft var þvegið í eldhúsinu þar sem ekki var þvottahús fyrir
hendi, en það breyttist til batnaðar með árunum sem liðu.
Þessi maður hét Guðmundur Guðmundsson og var ættaður
frá Bjarnarnesi. Til Hólmavíkur mun hann hafa komið i kring-
um 1930. Hann var í Kaupfélaginu hjá Önnu Guðmundsdóttur
og Sigurjóni Sigurðssyni kaupfélagsstjóra þegar sá atburður
gerðist, að kaupfélagshúsin brunnu til kaldra kola. Guðmundi
mun hafa fallið þungt að sjá á eftir öllu því sem varð eldinum að
bráð þvi sagt var að hann hafi hent diskum og öðru leirtaui út
um gluggann í eldhúsinu til að reyna að bjarga einhverju, en allt
fór það forgörðum.
103