Strandapósturinn - 01.06.1979, Qupperneq 107

Jóhannes frá Asparvík.
Síðasta
vinnukonan
á Ströndum
Þegar litið er til baka yfir langt árabil kemur margt í hugann,
sumt ferskt og lifandi, annað máð og hálfgleymt. Eitt af þvi sem
oftast mun staðnæmst við eru samferðamennirnir gegnum árin.
Margt af þessu fólki er fallið í valinn og freistingin að rifja upp og
festa á blað þó ekki væri nema örlítið brot af sögu þess verður
áleitnari með hverju ári sem líður, en þrátt fyrir góðan vilja til að
þetta fólk gleymist ekki með öllu þá er það nú svo að við lifum á
þeim tímum annríkis og óðagots að enginn tími virðist til að gera
þessum málum einhver skil. En erfiðara er þó að ætla sér að skrá
þó ekki sé nema lítið brot af sögu þess fólks er maður aldrei sá eða
heyrði talað um fyrr en löngu eftir fráfall þess.
I Strandapóstinum hefur verið minnst síðasta vinnumannsins
á Ströndum, en síðasta vinnukonan sem fullkomlega á það
starfsheiti hefur legið óbætt hjá garði og nú er svo komið að hún
er að mestu gleymd nema því fólki er hún dvaldi lengst hjá og
minnist hennar fyrir framúrskarandi fórnfýsi og umhyggjusemi.
105