Morgunblaðið - 19.08.2021, Qupperneq 14

14 FRÉTTIR
Innlent
MORGUNBLAÐIÐ FIMMTUDAGUR 19. ÁGÚST 2021
Ef þú hefur ekki heimsótt Færeyjar nýlega skaltu láta verða að því.
Þangað er heillandi að koma, stórbrotið landslag, gott vegakerfi,
góður matur og rómuð gestrisni eyjaskeggja.
Glæsileg ferð eldri borgara til Færeyja og hringferð um Ísland dagana 29.9.-5.10.
Íslensk fararstjórn. Siglt er með nýuppgerðri Norrænu og gist á Hótel Brandan 4*
í Þórshöfn sem opnaði nýlega.
Mjög vönduð dagskrá sem hægt er að kynna sér nánar á www.ferdaskrifstofaeldriborgara.is
Innifalið í verði ferðarinnar er morgunverður alla daga, kvöldverður á leið til Færeyja og á
Hotel Brandan og veitingar á leið til Seyðisfjarðar. Íslensk fararstjórn og allur rútuakstur.
Nánari upplýsingar eru veittar hjá Ferðaskrifstofu eldri
borgara í símum 783-9300 og 783-9301, einnig með
tölvupósti í gegnum netfangið hotel@hotelbokanir.is
og á www.ferdaskrifstofaeldriborgara.is
Niko ehf | Austurvegi 6 | 800 Selfoss | kt. 590110-1750
FÆREYJAR
Sérferð fyrir eldri borgara með nýrri Norrænu
29. september – 5. október 2021
Verð: 194.500 kr. á mann (m.v. einbýli eða tvíbýli)
Foreldrar barna í leikskólum
borgarinnar eru almennt ánægðir
með leikskóla barna sinna eða
94% samkvæmt nýjum nið-
urstöðum viðhorfskönnunar og er
það sama niðurstaða og úr sam-
bærilegri könnun sem gerð var á
árinu 2019. Þá eru 92% foreldra
almennt ánægð með þjónustu frí-
stundaheimila barna sinna og telja
að börnunum þeirra líði vel og þau
séu örugg. Hefur það hlutfall
hækkað frá sambærilegum niður-
stöðum kannana 2019 og 2017.
Þetta kemur fram í umfjöllun
borgarinnar á vefsíðu hennar um
viðhorfskannanirnar sem gerðar
voru í febrúar og mars sl. meðal
foreldra barna í leikskólum, frí-
stundaheimilum og sértækum fé-
lagsmiðstöðvum borgarinnar.
Fleiri telja nú að barni þeirra
líði vel en í könnun árið 2019
Almennt virðast foreldrar
ánægðir með bæði leikskóla og frí-
stundaheimili borgarinnar en tæp
97% foreldra leikskólabarna eru
mjög eða frekar sammála þeirri
fullyrðingu að barninu þeirra líði
vel í leikskólanum, sem er hækkun
um eitt prósentustig frá síðustu
könnun sem gerð var þar á undan
2019 og ríflega 94% foreldra barna
í frístundaheimilum eru mjög eða
frekar sammála þeirri fullyrðingu
að barninu þeirra líði vel í frí-
stundaheimilinu.
Í könnuninni á viðhorfum for-
eldra barna á frístundaheimilum
kemur aftur á móti fram að hlut-
fall foreldra sem telja að barnið
þeirra hafi orðið fyrir einelti hefur
hækkað úr 8,4% á árinu 2019 í
9,3% í könnuninni sem gerð var á
þessu ári. „Flestum börnum sem
foreldrar segja að hafi orðið fyrir
einelti virðist þó líða vel í frí-
stundaheimilinu (80% sammála,
11% hvorki né og 8% ósammála),“
segir á minnisblaði skóla- og frí-
stundasviðs.
Í könnuninni um frístundaheim-
ilin kemur einnig fram að mikill
meirihluti foreldra telja miklu
máli skipta að heimilin séu opið á
foreldra- og starfsdögum í grunn-
skólum.
Nokkru færri eða um 45% eru
þeirrar skoðunar að miklu máli
skipti að frístundaheimili séu opin
í jóla- og páskafríum.
Bent er á á minnisblaði skóla-
og frístundasviðs, að þeir þættir
sem foreldrar voru síst sammála
tengist óhjákvæmilega þeim sótt-
varnaaðgerðum sem leikskólarnir
urðu að viðhafa vegna faraldursins
og óvenjulegum og á stundum
færri foreldrafundum.
„Mesta breytingin var í fullyrð-
ingunni Leikskólinn hvetur for-
eldra til þátttöku í leikskólastarf-
inu en aðeins tæp 60% voru
sammála þeirri fullyrðingu miðað
við 78% árið 2019. Þá voru færri
sammála því að þeir hefðu tekið
þátt í að meta framfarir barnsins
(60%) og að leikskólinn haldi þeim
upplýstum um framfarir barnsins
(rúm 68%) frá því í fyrri könnun,
en hlutfall þessara þátta lækkaði
um u.þ.b. 7 prósentustig á milli
kannana,“ segir þar. omfr@mbl.is
Ánægð með leikskóla
og frístundaheimili
- Yfirgnæfandi meirihluti foreldra segir að börnunum líði
vel - 9,3% telja að börn þeirra hafi orðið fyrir einelti
Morgunblaðið/Eggert
Á leikskóla 95,5% foreldra segja að
þar ríki notalegt andrúmsloft.
Kappaksturs- og hönnunarlið Há-
skóla Íslands, er nefnist Team
Spark, afhjúpaði fyrr í vikunni
rafknúinn kappakstursbíl sem liðið
hefur unnið að undanfarin tvö ár í
krefjandi aðstæðum kórónuveiru-
faraldursins. Bíllinn ber heitið TS21
– Katla og verður grundvöllur
keppnisbíls sem liðið vonast til þess
að geta farið út með á alþjóðleg
kappakstursmót stúdenta á næsta
ári, segir í tilkynningu frá Háskóla
Íslands.
Bíllinn var afhjúpaður á Há-
skólatorgi sl. mánudag að við-
stöddum liðsmönnum, bakhjörlum
og ýmsum fulltrúum Háskólans. Um
60 nemendur unnu að bílnum en liðs-
menn komu flestir úr verkfræði-
greinum skólans en einnig úr raun-
vísindum og viðskiptafræði.
Tíu ár eru síðan hönnunar- og
kappaksturslið var stofnað við Há-
skóla Íslands en það hefur tekið þátt
í alþjóðlegum hönnunar- og kapp-
akstursmótum háskólanema undir
hatti Formula Student víða um Evr-
ópu, m.a. á keppnisbrautum í Form-
úlu 1, og m.a. vakið athygli fyrir
framúrskarandi hönnun á vængjum.
Síðustu tvö sumur hafa slík mót nán-
ast legið niðri vegna kórónuveiru-
faraldursins.
Liðið hefur frá upphafi lagt
áherslu á að þróa rafknúinn bíl en
hönnun slíks bíls er mun flóknari en
þróun bensínsbíls þar sem mun
meiri kröfur eru gerðar til raf-
magnsbíla en bensínbíla í Formula
Student-keppnum. Til stendur að
þróa bílinn enn frekar í vetur og
prófa aksturseiginleika hans.
Ljósmynd/Kristinn Ingvarsson
Hátækni Team Spark-bíllinn hjá nemendum Háskóla Íslands.
Afhjúpuðu rafknú-
inn kappakstursbíl