Morgunblaðið - 19.08.2021, Page 48

Ragnheiður Birgisdóttir
ragnheidurb@mbl.is
„Þó að við værum kannski með
ákveðna staðsetningu í huga leyfðum
við okkur að vera opin fyrir því í upp-
hafi að verkin myndu þróast áfram
fram að sýningu og staðsetningarnar
með,“ segir Sunna Ástþórsdóttir sýn-
ingarstjóri um útilistaverkin sem
blasa við gang-
andi vegfarend-
um og hjólreiða-
fólki sem eiga leið
um Laugardalinn.
Saman mynda
verkin sýningu
sem ber titilinn
Teygja og er
fjórða sumarsýn-
ingin af fimm sem
settar eru upp í
aðdraganda
fimmtíu ára afmælis Myndhöggvara-
félagsins í Reykjavík árið 2022. Verk-
efnið í heild ber titilinn Hjólið og
hverfist um sýningar sem settar eru
upp undir berum himni. Verkin eru
sett upp við hjóla- og göngustíga
borgarinnar, í nýju hverfi á hverju
sumri. Sýningin Teygja var opnuð
um miðjan júní og stendur til 9. sept-
ember. Listamennirnir sex sem eiga
verk á sýningunni í ár eru þau Ólöf
Bóadóttir, Sigrún Gyða Sveinsdóttir,
Claudia Hausfeld, Ólafur Sveinn
Gíslason, Rúnar Örn Jóhönnu Mar-
inósson og Anna Líndal.
„Ég kallaði eftir tillögum að verk-
um með þetta svæði í huga. Síðan
barst fjöldi hugmynda og þetta eru
verkin sem urðu fyrir valinu. Við
lögðum samt sérstaka áherslu á að
leyfa verkunum að gerjast,“ segir
Sunna. Það hafi því ekki verið þannig
að verkin eða staðsetningarnar væru
endilega kirfilega fastmótuð í upp-
hafi. „Við unnum með inntak verk-
anna og fundum staðsetningu eftir
því. Verkin eru því tengd og í ríku
samtali við umhverfið. Verkið hennar
Ólafar Bóadóttur er einmitt mjög
samtvinnað svæðinu, landfyllingunni
á Laugarnestanga. Með því skoðar
hún hugmyndir um innistæðu, nátt-
úru og svæði í biðstöðu.“
Listin lýsir upp veruleikann
Í kvöld, fimmtudagskvöldið 19.
ágúst kl. 19, verður listamannaspjall
með Ólöfu við verk hennar á Laugar-
nestanga auk þess sem Sunna mun
leiða gesti að verki Sigrúnar Gyðu við
Skarfakletta og Claudiu við Sæ-
garða.
Verkin segir sýningarstjórinn að
tengist innbyrðis á þann hátt að þau
„ávarpi öll manngert umhverfi eða
kerfi“. „Þau skoða það umhverfi sem
við höfum búið okkur og eru valin og
unnin með það að leiðarstefi að listin
geti lýst upp ákveðinn hluta veru-
leikans sem við gefum kannski ekki
gaum dagsdaglega. Verkin gera það
öll. Þess vegna heitir sýningin Teygja
eða Within Reach á ensku.“ Hún tek-
ur dæmi af verki Ólafs Sveins Gísla-
sonar sem fjallar um mörk persónu-
legs rýmis og hvernig það breytist
þegar við stígum inn í foreldra-
hlutverkið. Hún nefnir einnig verk
Claudiu Hausfeld við Sægarða, sem
brúar bilið á milli þess sem gerðist í
fortíðinni og þess sem á eftir að ger-
ast. Þótt verkin tengist öll þeim veru-
leika sem við mannfólkið höfum útbú-
ið okkur eru þau að sögn Sunnu að
mörgu leyti mjög ólík. „Mér fannst
það mikilvægt á sýningu sem þessari,
sem teygir sig yfir risastórt svæði.
Verkin eiga í samtali sín á milli en
þau hafa líka áhrif á umhverfið, þá
ferla sem eiga sér stað inn á milli og
svæðið sem heild. Ef maður ætlar að
sjá eitt verk og ganga eða hjóla að því
næsta þá er svo margt sem ber fyrir
augu á leiðinni sem hefur líka áhrif á
upplifunina. Þannig fannst mér mik-
ilvægt að verkin höfðuðu til mismun-
andi hópa og ögruðu á einhvern hátt
sjónarhorni okkar á borgarlands-
lagið.“
Sunna segir Laugardalinn hafa
verið skemmtilegt hverfi að vinna
með. Þegar maður fari að skoða
hverfamörkin komi í ljós að svæðið er
stærra en virðist í fyrstu. „Þetta er
rosalega stórt svæði, þarna eru bæði
rótgróin íbúðarhverfi og mikil upp-
bygging. Svo er Sundahöfnin og gríð-
arstórt iðnaðarhverfi. Þarna eru
íþróttir og heilsa áberandi, stutt í
náttúruna og fjölbreytt mannlíf,“
segir hún.
„Þannig spratt upp hugmyndin
„innan seilingar“. Hvernig getur
listaverk laumað sér inn á milli alls
þess sem á sér stað á svæðinu og brú-
að bilið milli tíma, milli íbúðarhverfis
og iðnaðar og milli mismunandi að-
stæðna?“
Í liði með listinni
Sunna segir að það sé að mörgu að
huga þegar verkin eigi að standa úti.
„Það er munur á að búa til úti-
listaverk eða verk sem eiga að standa
innan dyra. Þau þurfa að halda í alls
konar veðri, fá leyfi landeigenda, í
sumum tilvikum þarf að tryggja að-
gang að rafmagni eða tímastilla hljóð
svo það valdi ekki truflun. Svo lenda
verkin á mismunandi svæðum sem
eru í eigu mismunandi aðila.“
Hún segir frá því að ýmiss konar
samstarf hafi orðið til í kringum sýn-
inguna. „Eitt sem mér fannst stór-
kostlegt að upplifa í ferlinu er hvað
flestir eru í liði með listinni og til í að
leggja sitt af mörkum til að hún fái
sinn farveg. Það var virkilega
skemmtilegt í aðdraganda sýning-
arinnar að upplifa velvilja og einlæg-
an áhuga.
Við erum að kanna hvar mörk
opinbers rýmis liggja. Til dæmis er
Sigrún Gyða með skúlptúra sem
tengjast við netið. Þar er hægt að
hlusta á hljóðmynd frá verkinu. Net-
ið er alveg jafn mikið almannarými
og göturnar.“
Auk netsins hafa verkin teygt sig
yfir í prentmiðla. „Við höfum líka ver-
ið í samstarfi við Hús og hillbilly.
Þær eru með gallerí á prenti þar sem
listamennirnir hafa fengið að sýna,“
segir Sunna og á þá við að verk eftir
listamennina hafi verið til sýnis í
prentútgáfu Stundarinnar. Allar
upplýsingar um verkin á sýningunni,
staðsetningar þeirra, listamenn og
viðburði er hægt að nálgast inni á
heimasíðu sýningarinnar, hjolid.is.
Ögra sýninni á borgarlandslagið
- Sýningin Teygja þræðir sig eftir hjóla- og göngustígum í Laugardalnum - Útilistaverk sex
listamanna - Röð fimm sumarsýninga sem bera yfirheitið Hjólið - Ávarpa manngert umhverfi
Ljósmynd/Pétur Thomsen
Skúlptúr „Draumur kóðans“ eftir Sigrúnu Gyðu Sveinsdóttur, við World
Class í Laugum. QR-kóðann má skanna til þess að hlýða á hljóðverkið.
Ljósmynd/Pétur Thomsen
Samtal Verk Önnu Líndal, „Annars konar tími“, samanstendur af byggingarkrana í lausagangi og appelsínugulum iðnaðarstrappa, en verkið byggist ekki
síður á því umhverfi sem umlykur það. Borðinn sem hangir í krananum dansar í vindinum. Byggingarkrani Önnu á í samtali við aðra krana á svæðinu.
Sunna
Ástþórsdóttir
48 MENNING
MORGUNBLAÐIÐ FIMMTUDAGUR 19. ÁGÚST 2021
OKKUR VANTAR ALLAR
GERÐIR BÍLA Á SKRÁ!Sími 567 4949 | Bíldshöfða 5, 110 Rvk. | bilahollin.is
HYUNDAI - TUCSON – RN. 331498.
Nýskráður 12/2017, ekinn 37 þ.km., bensín,
rauður, sjálfskipting, nálægðarskynjarar, dráttar-
krókur, leiðsögukerfi, hiti í stýri, bluetooth.
Verð 3.950.000 kr.
MERCEDES-BENZ - C 300 DE PLUG IN HYBRID
RN. 331495. Nýskr. 11/2019, ekinn 30 þ.km.,
bensín/rafmagn, svartur, ssk., akreinavari,
blindsvæðisvörn, 360° myndavél, skynvæddur
hraðastillir, leiðsögukerfi. Verð 6.990.000 kr.
VOLVO - XC90 T8 TWIN ENGINE INSCRIPTION
RN. 153738. Nýskr. 8/2020 (2021), ekinn 0 km.,
bensín/rafmagn, hvítur, sjálfskiptur, dráttarkrókur,
sjónlínuskjár, GPS, bluetooth, litað gler, o.fl.
Verð 12.490.000 kr.
PEUGEOT - 3008 ACTIVE – RN. 331401.
Nýskráður 3/2017, ekinn 84 þ.km., bensín,
dökkgrænn, beinskiptur, fjarlægðarskynjarar,
regnskynjari, litað gler, bluetooth.
Verð 2.690.000 kr.