Morgunblaðið - 07.10.2021, Blaðsíða 12

12 DAGLEGT LÍF
MORGUNBLAÐIÐ FIMMTUDAGUR 7. OKTÓBER 2021
Kristín Heiða Kristinsdóttir
khk@mbl.is
V
ið erum rétt svo að jafna
okkur eftir mikla frægð-
arför til Kaupmannahafn-
ar sem við fórum í ágúst,“
segja þær Ragnhildur Sverrisdóttir
og Hildur Heimisdóttir, tvær af
Ukulellunum, hljómsveit sem ein-
vörðungu er skipuð hinsegin konum,
eins og nafnið gefur til kynna. Flest-
ar spila á hljóðfærið ukulele en ein
spilar á bassa og önnur á slagverk.
„Ukulellur voru hvorki meira
né minna en ráðnar til að spila á
World Pride í Köben, hátíð jafn-
réttis og fjölbreytileika. Hildur setti
sig í samband við forseta Pride í
Köben, Lars nokkurn, og upplýsti
hann um tilvist Ukulella og hvort
þær ættu ekki að koma fram. Hann
sagði að þetta væri besta hugmynd
sem hann hefði heyrt lengi og réð
okkur til verksins. Engar aðrar en
Ukulellur frá Íslandi spiluðu á stóru
sviði og á besta tíma á laugardeg-
inum á Fluid-festivali sem var á
Gammel Strand, en þar var útihátíð
alla vikuna. Ekki nóg með það, held-
ur vorum við Ukulellur handvaldar
af Lars til að vera eina tónlistar-
atriðið í móttöku fyrir Maríu krón-
prinsessu í Ráðhúsinu,“ segir Ragn-
hildur og Hildur bætir við að þær
hafi séð á myndbandi hvernig María
hallar sér að Lars og segir á dönsku
að Ukulellur séu æðislegar.
„María skemmti sér vel og þeg-
ar hún byrjaði að klappa fyrir okkur
þá klappaði öll hirðin. Um leið og
María lyftir augabrún þá hrynja
heimsveldi,“ segja þær og bæta við
að Ukulellur hafi í framhaldinu einn-
ig spilað á Ráðhústorginu.
„Þar var dagskráin rýmd fyrir
okkur, af því að konur sem spila fyr-
ir sjálfa krónprinsessuna, þær verða
að fá pláss. Það hafði frést hversu
skemmtilegt var í Ráðhúsinu hjá
Maríu og enginn vildi fyrir vikið
missa af að sjá okkur og heyra. Til
að speki okkar kæmist til skila snör-
uðum við okkar eigin textum og
sungum á ensku, vorum með eitt lag
á dönsku og tókum einstaka lag á ís-
lensku. Fjölmargir komu til okkar
og spurðu hvort við gætum spilað á
Pride-hátíðum hér og þar um heim-
inn, við fengum boð til Þýskalands
og Slóvakíu meðal annars.“
Regla að tala sig aldrei niður
Ukulellur ætla að fara beint frá
krónprinsessu niður í kjallara, því
þær ætla að halda tvenna tónleika í
Þjóðleikhúskjallaranum 15. og 16.
október.
„Þar ætlum við að fagna þriggja
ára afmæli og við ætlum að hafa tón-
leikana á happy-hour-tíma, því allar
stundir með Ukulellum eru ham-
ingjustundir. Það seldist hratt upp á
laugardagstónleikana svo við bætt-
um öðrum við á föstudeginum, við
getum ekki brugðist aðdáendum
okkar,“ segja þær og bæta við að
sértilboð verði á barnum af
drykkjum með beina tengingu við
Ukulellur og að leynigestir muni
stíga á svið með þeim.
„Við nýttum tímann í covid-tíð
til að semja nýja texta og við æfðum
vel á zoom-fundum á netinu og héld-
um líka skottæfingar, en þá hittumst
þá í bílastæðahúsum á kvöldin, lögð-
um bílunum okkar í stóran hring
með tveggja metra millibili, þar sem
hver sat í sínu bílskotti, og spiluðum
þannig saman. Við héldum líka
skottæfingu á bílaplani kirkjugarðs;
okkur fannst það viðeigandi, þar
sem við gátum ekki spilað fyrir lif-
andi, að leita til framliðinna,“ segja
þær og taka fram að Ukulellur séu
fyrst og fremst gleðisveit.
„Við vinnum eftir reglum og ein
þeirra er að Ukulellur tala sig ekki
niður, svo það má segja að við séum
valdeflandi hljómsveit. Komandi
helgi förum við í æfingabúðir og
verðum með heilt gistiheimili fyrir
okkur uppi í sveit. Þar verðum við
allar kerlingarnar alla helgina að
spila af okkur puttana og ná upp
góðum hita fyrir tónleikana. Við
fáum saumaklúbbinn með hástöfum
í æðra veldi út úr þessum Ukulell-
um, með öllum ferðalögum, æfinga-
búðum og öðrum skemmtilegheit-
um.“
Vatnshelt ukulele
fyrir heita potta
Þær segja að ást hljómsveitar-
meðlima á hljóðfærinu ukulele hafi
óneitanlega vaxið á þeim þremur ár-
um sem gleðisveitin hefur starfað.
„Ég hafði til dæmis aðeins séð
þetta hljóðfæri í fjarska þegar ég
gekk til liðs við hljómsveitina,“ segir
Ragnhildur og bætir við að Hildur
og Gunna konan hennar, sem báðar
eru í Ukulellum, séu með ukulele-
dellu. „Heima hjá þeim eru veggir
þaktir ukulelehljóðfærum og þær
eru alltaf að panta eitthvað nýtt.“
Hildur bætir við að Gunna hafi sjálf
smíðað eitt ukulele, enda lærður
húsgagnasmiður. „Við keyptum líka
ukulele úr plasti til að geta spilað á
það í heita pottinum, en það er mjög
gott að æfa þvergrip í heitu vatni. Þá
kemur sér vel að eiga vatnshelt uku-
lele,“ segir Hildur.
Grúpp-píur fylgja þeim
Þær segja að gleðin í bandinu
sé slík að margar konur hafi sóst eft-
ir að fá að ganga til liðs við hljóm-
sveitina.
„Þá bendum við á að það gildir
um ýmsar hljómsveitir í gegnum tíð-
ina að þó svo að margir hafi til dæm-
is kunnað að spila á gítar í Bretlandi
á sínum tíma þá hafi þeir ekki fengið
að ganga til liðs við Bítlana. Ukulell-
ur eru hljómsveit en ekki félaga-
samtök sem hægt er að ganga í.
Margar konur hafa boðið fram
krafta sína í ólík verkefni og við er-
um til dæmis með rótara og grúpp-
píur, heita aðdáendur sem fóru með
okkur til Köben á World Pride.“
Þegar þær eru spurðar hvað
hafi breyst á þeim þremur árum sem
Ukulellur hafa starfað segja þær að
fyrst beri að nefna að þær hafi farið
úr þremur gripum í fjöldamörg.
„Við erum líka orðnar þéttari,
komnar með fjölbreyttara hljóð-
færaúrval og við skiptumst meira á í
söngnum og í framsetningunni. Við
erum flestar komnar með betri
hljóðfæri en í byrjun og einnig geta
fleiri gripið í sóló, útsetningar hjá
okkur eru því fjölbreyttari. Við
náum okkur í ólíkustu lög til að
semja texta við og eigum orðið yfir
þrjátíu frumsamda texta, en sumir
textar eru einnota, sem hafa verið
samdir fyrir ákveðin tilefni sem ekki
koma aftur, til dæmis afmæli eða
brúðkaup. Ukulellur gefa sig út fyrir
að spila í einkasamkvæmum, við er-
um klárar í árshátíðir, þorrablót og
hvað sem er, eins og líf og tími leyfir,
en við komumst kannski ekki alltaf
allar þrettán.“ Miðar fást á Tix.is
Spiluðu fyrir krónprinsessuna
Gleðisveitin Ukulellur er nýkomin frá kóngsins Kaup-
mannahöfn þar sem hún gerði garðinn frægan. Nú
blása þær til tónleika og hafa æft vel í covid-tíð, m.a.
með því að sitja hver í sínu bílskotti á bílaplönum.
Gaman Hér spila þær og syngja í Ráðhúsinu fyrir Maríu krónprinsessu sem er í rauðum kjól lengst til hægri.
Ukulellur Alsælar í Köben í merktum bolum, aftari röð f.v.: Margrét Ágústa
Þorvaldsdóttir, Þóra Björk Smith, Elísabet Thoroddsen, Helga Margrét
Marzellíusardóttir, Guðrún Jarþrúður Baldvinsdóttir, Hugrún Ósk Bjarna-
dóttir, Ragnhildur Sverrisdóttir, Eva Lind Weywadt Oliversdóttir, Anna Jó-
hannsdóttir og Herdís Eiríksdóttir. Fyrir framan: Hildur Heimisdóttir og
Hanna María Karlsdóttir. Á mynd vantar Margréti Grétarsdóttur.
Sýningareldhús - Draghálsi 4 - 110 Reykjavík - Sími: 535 1300 - verslun@verslun.is T
a
k
ti
k
5
7
3
4
#
Allt fyrir veitingahús- atvinnueldhús og kaffihús
K rælar & frystar Húsgögn
Stál vinnuborð Kæliborð
Ofnar
Uppþvottavélar
Handvagnar StólarGastro
MINNUMÁ 20%AFSLÁTT ÁÖLLUM VÖRUM Í NETVERSLUN