Morgunblaðið - 14.10.2021, Side 6

6 FRÉTTIR
Innlent
MORGUNBLAÐIÐ FIMMTUDAGUR 14. OKTÓBER 2021
NET
LAGERSALA
ALLT AÐ
80%
AFSLÁTTUR
www.lindesign.is
Lúxushótelið við Hörpu, The Reykjavík Edition, tók á móti
fyrstu gestunum í fyrradag. Edition-hótelin eru rekin í sam-
starfi við hótelrisann Marriott.
Ninna Hafliðadóttir, markaðs- og upplýsingafulltrúi hótels-
ins, segir 106 af 253 herbergjum hafa verið tekin í notkun í
fyrsta áfanga. Þessi herbergi séu á 2. og 3. hæð hússins. Síðar
verði tekin í notkun herbergi á 4., 5. og 6. hæð hótelsins. Þá hafi
veitingahús á jarðhæð hótelsins verið tekið í notkun. Hins veg-
ar eigi eftir að taka næturklúbb og aðra þjónustu í notkun.
Ekki leyfi fyrir myndatöku
Hvorki var veitt heimild til að skoða nýja hótelið að innan né
heldur var ljósmyndara heimilað að taka myndir.
Ástæðan er sú, að sögn Ninnu, að eigendur hótelsins vilja
velja rétta tímann til að bjóða fjölmiðla velkomna og þá með
leiðsögn í næstu viku. Þá í því skyni að umfjöllunin muni endur-
spegla sem best upplifun hótelgesta. baldura@mbl.is
Morgunblaðið/Baldur
Móttakan Gengið inn að móttökunni sem er við inngarð, milli hótelsins og Austurhafnar.
Lúxushótelið tekur á móti fyrstu gestunum
- Hæðir 2 og 3 voru teknar í
notkun í fyrsta áfanga hótelsins
Morgunblaðið/Árni Sæberg
Við höfnina Fyrst um sinn verður hægt að panta gistingu á
hæðum 2 og 3 á nýja hótelinu sem er við Hörpu.
Morgunblaðið/Eggert
Metnaður Nýja lúxushótelinu er ætlað að setja ný viðmið í gæðum í hótelgistingu á Íslandi.
Teikning/Onemileatatime.com
Hlýlegt Drög að setustofu á nýja hótelinu við Hörpu. Þar
verður meðal annars veitingahús og næturklúbbur í kjallara.
Sigurður Bogi Sævarsson
sbs@mbl.is
Góður gangur er í framkvæmdum
við gerð nýs Vestfjarðavegar úr
Vatnsfirði upp á Dynjandisheiði.
Alls er vegurinn nýi um 10 kílómetr-
ar og nær frá láglendi upp í 480
metra hæð. Í brekkunum á þessum
kafla, þar sem heitir Penningsdalur,
er nýtt vegstæði í klifi sem sprengt
var utan í fjallshlíðina. Nýi vegurinn
nær að brúnni yfir Þverdalsá, sem er
á háheiðinni.
Framhald jarðganga
Íslenskir aðalverktakar hafa
vegagerð þessa með höndum og 20
manna vinnuflokkur fyrirtækisins er
á svæðinu. Stór floti af gröfum, bor-
vögnum, jarðýtum og búkollum er til
notaður til verksins. Einnig búnaður
til sprenginga, sem hafa verið stór
hluti af verkinu.
„Okkur miðar vel áfram. Hér ætl-
um við að þreyja dagana og vera við
störf inn í haustið uns snjór og
vetrarríki taka fyrir slíkt,“ sagði
Bjarki Laxdal staðarverkstjóri þeg-
ar Morgunblaðið hitti hann á staðn-
um nú í vikunni.
Neðst í Penningsdal er vegurinn
nýi tilbúinn og slitlag verður sett
einhvern tíma á næstu vikum. „Ef
slitlag fer nú í haust á 2,5 kílómetra
kafla held ég að allir verði mjög sátt-
ir. Við höldum svo áfram að byggja
upp aðra hluta vegarins eins og að-
stæður leyfa,“ segir Bjarki.
Með tilkomu Dýrafjarðarganga,
sem opnuð voru á síðasta ári, lögðust
af vegur og umferð yfir Hrafnseyr-
arheiði. Sú var farartálmi og veg-
urinn aðeins sumarfær, rétt eins og
Dynjandisheiðin. Með fram-
kvæmdum þar nú verður til góður
og greiður vegur sem haldið verður
opnum árið um kring. Framhaldið á
Dynjandisheiði er svo uppbygging á
12 kílómetra löngum kafla, 2-3 ára
verkefni sem gæti hafist á næsta ári.
Síðasti áfanginn á heiðinni er svo 7
km langur, en hann er á áætlun 2023
og 1-2 ára verk.
Verði aðalleiðin
Milli Dýrafjarðarganga og Vatns-
fjarðar eru 36 kílómetra. Raunar
hefur verið nefnt að í framtíðinni
gæti aðalleiðin milli Ísafjarðarsvæð-
isins og Reykjavíkur orðið þessi, í
stað þess að farið sé um Djúp eins og
nú tíðkast. Þar hangir á spýtunni að
nú er verið að leggja nýjan veg fyrir
botni Arnarfjarðar. Þá eru þverun
Þorskafjarðar og vegagerð í Gufu-
dalssveit að komast af stað – sem
skapar nýjar leiðir og möguleika.
Morgunblaðið/Sigurður Bogi
Vegavinna Mokað á búkollu úr grjótnámu. Nýr vegur yfir Dynjandisheiði
er stórverkefni og mun breyta miklu í samgöngumálum Vestfirðinga.
Vinna inn í vetrarríkið
- Vegagerð á Dynjandisheiði - 10 km spotti og farið í 480
metra hæð - ÍAV er í Penningsdal - 20 menn í vinnuflokki
Verkstjórinn Okkur miðar vel áfram, segir Bjarki Laxdal hjá ÍAV.
Freyr Bjarnason
freyr@mbl.is
Verið er að meta hvernig brugðist
verður við dómi Héraðsdóms
Reykjavíkur þar sem fallist var á
aðalkröfur fjögurra yfirlögreglu-
þjóna hjá embætti ríkislögreglu-
stjóra um að greiða þeim laun í sam-
ræmi við samkomulag sem fyrr-
verandi ríkislögreglustjóri gerði við
þá árið 2019. Þetta segir Helgi Val-
berg Jensson, yfirlögfræðingur hjá
ríkislögreglustjóra, og bætir við að
ekki hafi verið tekin ákvörðun um að
áfrýja málinu.
„Málarekstur þar sem starfsfólk
og samstarfsmenn eiga í hlut er ávallt
þungbær en ljóst er að niðurstaða
málsins var ekki í
samræmi við
lagatúlkun og
kröfugerð ís-
lenska ríkisins í
málinu.“
Nú er verið að
fara yfir niður-
stöðu dómsins í
samráði við fjár-
málaráðuneytið
sem einnig var
stefnt í málinu, sem og embætti rík-
islögmanns sem rak málið af hálfu
ríkisins. Fjármálaráðuneytið fer með
fyrirsvar ríkisins hvað varðar túlkun
kjarasamninga og starfsmannamál
opinberra starfsmanna en málið
snerist um endurröðun í launaflokka.
Ekki tekin ákvörðun
um að áfrýja málinu
- Fallist á kröfur yfirlögregluþjónanna
Sigríður Björk
Guðjónsdóttir