Morgunblaðið - 28.10.2021, Qupperneq 54

54 MINNINGAR
MORGUNBLAÐIÐ FIMMTUDAGUR 28. OKTÓBER 2021
✝
Kristín Sigríð-
ur Guðjóns-
dóttir fæddist 25.
september 1930 í
Fremstuhúsum í
Dýrafirði. Hún lést
á Landspítalanum
við Hringbraut 18.
október 2021.
Kristín var dóttir
hjónanna Guðjóns
Finns Davíðssonar,
bónda og org-
anista, f. 28. júní 1891, dáinn
23. desember 1979 og Borgnýj-
ar Jónu Hermannsdóttur, f. 28.
febrúar 1897, dáin 29. janúar
1986.
Systkini Kristínar voru Vil-
borg, f. 4. desember 1917, dáin,
Laufey, f. 18. júní 1919, dáin,
Guðrún, f. 29. október 1920, dá-
in, Erla, f. 17. maí 1922, dáin,
drengur, f. 23. september 1923,
dáinn, Rannveig, f. 7. desember
1927 og Hermann Birgir, f. 19.
júní 1936. Rannveig og Her-
mann Birgir lifa systur sína.
Fyrri eiginmaður Kristínar
var Samúel Þórir Haraldsson,
f. 12. apríl 1932, d. 6. apríl
1969. Börn þeirra eru: 1) Har-
aldur Guðjón, f. 24. desember
1950. Kona hans er Ásta Bene-
diktsdóttir, f. 23. febrúar 1947.
Börn þeirra eru Magnús, Dag-
þeirra eru átta. 7) Samúel
Kristinn, f. 28. júlí 1961, d. 9.
mars 1963. 8) Gísli Sigurjón, f.
22. október 1962, kona hans
var Hulda Björk Gunnlaugs-
dóttir, f. 29. ágúst 1966. Þau
skildu. Börn þeirra eru Sig-
urgeir Sveinn, Lilja Kristín og
Guðmunda Líf. Barnabörnin
eru tvö. 9) Jónína Ingibjörg, f.
14. apríl 1964, maður hennar
var Þorsteinn Óla Þorbergsson,
f. 20. febrúar 1963, þau skildu.
Sonur þeirra er Drengur Óla
og eru barnabörnin tvö. 10)
Kristján Gaukur Kristjánsson,
f. 20. nóvember 1965, kona
hans er Maliwan
Phumipraman, f. 5. maí 1973.
Kristján Gaukur var ættleiddur
af systur Kristínar. Þeirra börn
eru Pathipan, Malín Agla,
Kristján Örn og Drengur Arn-
ar og eru barnabörnin þrjú.
Seinni eiginmaður Kristínar
var Kjartan Magnússon, f. 30.9.
1926. Þau skildu. Sonur Krist-
ínar og Kjartans var Jón Finn-
ur, f. 10. júní 1973, d. 11. júlí
1991.
Kristín vann utan heimilis
ýmis verkamannastörf, lengst
af á gæsluvöllum Reykjavík-
urborgar og í sundlaugunum í
Laugardal.
Kristín ólst upp við kærleik,
söng og sögur vestur í Dýra-
firði en bjó sín fullorðinsár í
Reykjavík.
Útför Kristínar fer fram frá
Fríkirkjunni í Reykjavík 28.
október 2021 klukkan 13.
Meira á www.mbl.is/andlat
mar, Guðjón Finn-
ur, dáinn, Hall-
fríður Þóra og
Borgný. Barna-
börnin eru sex. 2)
Óskírður drengur,
fæddur og dáinn
22. desember 1951.
3) Guðrún Ólafía, f.
26. ágúst 1953,
maður hennar er
Guðmundur Árna-
son, f. 4. ágúst
1953. Synir þeirra eru Árni og
Steinarr og eru barnabörnin
fjögur. 4) Borgný, f. 20. desem-
ber 1954, maður hennar er
Halldór Björgvin Gunn-
laugsson, f. 3. nóvember 1951.
Börn þeirra eru Íris Dröfn,
Þóra Kristín, Halldór Örn og
Guðrún Ýr. Barnabörnin eru
níu. 5) Arnlaugur Kristján, f.
12. desember 1957, kona hans
er Þuríður Jana Ágústsdóttir, f.
15. mars 1958. Börn þeirra eru
Ágúst Kristinn, Samúel Henrik,
dáinn, og Kristín Sigríður og
eru barnabörnin þrjú. 6)
Drengur Helgi, f. 21. febrúar
1960, d. 3. júní 2019, kona hans
var Sóley Ósk Stefánsdóttir, f.
25. desember 1959, d. 24. júní
2021. Synir þeirra eru Guðjón
Finnur, Stefán Aðalsteinn og
Samúel Þórir. Barnabörn
Blessunin hún móðir mín
mér er afar kær.
Barðist fyrir börnin sín
bæði nær og fjær.
Haraldur (Halli) Guðjón.
En sólin hún hnígur og sólin hún rís.
Og sjá þér við hlið er þín hamingjudís,
sem alltaf er skjól þitt, þinn skjöldur
og hlíf.
Það er íslenska konan, tákn trúar og
vonar,
sem ann þér og helgar sitt líf.
(Ómar Ragnarsson)
Ef ég hætti að reyna að gera
hlutina sjálf þá er þetta búið,
sagði mín kæra níræða tengda-
mamma Kristín Sigríður þegar
hún sárkvalin með brotinn
hryggjarlið og þróttlítið hjarta
staulaðist sjálf á klósettið á bráða-
móttöku LSH í september sl. Það
var ótrúlegt að sjá þennan bar-
áttujaxl halda sínum viljastyrk
allt til enda þegar skrokkskjóðan,
eins og hún kallaði hana oft, gaf
sig í hinsta sinn, 18. október sl.
Við kölluðum hana oft móður
náttúru. Hún fæddi ellefu börn og
skilur eftir sig ótal afkomendur.
Hún varð fyrir mörgum áföllum
en reis alltaf upp og hélt áfram að
gefa af sér. Hún var stolt af sínum
uppruna og uppvexti í Fremstu-
húsum í Dýrafirði og það var auð-
velt að hrífast með hennar frá-
sögnum þaðan. Ég varð fljótt
sannfærð um að aðalbláberin sem
þar vaxa væru best og fjallagrösin
stærst og ekki má gleyma að
nefna snoppufríðu kindurnar í
Fremstuhúsum sem voru öllum
kindum fegurri. Það fannst mér
nú fullmikið hól, en þetta er alveg
satt sagði hún og náði varla and-
anum fyrir hlátri.
Ég var sextán ára unglingur
ástfangin af syninum Adda. Stína
tengdamamma tók mér opnum
örmum þegar ég flutti inn á þeirra
stóra heimili í Granaskjólinu. Oft
var mikið fjör á heimilinu þar sem
sumir töluðu hærra en aðrir og við
matarborðið var stuð á laugar-
dögum þegar í matinn voru SS-
pulsur, kartöflumús og laukfeiti.
Upp komu margir gafflar á ógn-
arhraða og pulsurnar hurfu á
leifturhraða. Það hefur oft ein-
kennt þessa stóru samheldnu fjöl-
skyldu að fara af krafti í það sem
þarf að gera og ekkert helv. væl.
Áföllin voru mörg sem tengda-
mamma þurfti að takast á við; hún
missti Samma eiginmann sinn
ung frá þeirra stóra barnhópi,
missti fjögur börn og tvö barna-
börn, missti tvö heimili í bruna og
fékk alvarlegt heilablóðfall stuttu
eftir að hún hætti að vinna 67 ára.
Tvisvar var talið að hún væri að
kveðja en sterka móðirin kom til
baka sem var vön að basla áfram
þótt þreytt væri og með sínum
mikla viljastyrk náði hún ótrúleg-
um framförum.
Hún dvaldi á Hrafnistu eftir að
hún veiktist. Hún var virkur þátt-
takandi sem hafði áhuga á mörgu,
fór í sund, félagsvist, var í kór
eldri borgara, labbaði sinn hring
daglega, púttaði, gaf fuglunum,
samdi vísur og leysti vísnagátur
og svo prjónaði hún af miklum
móð með sínum stóru vinnulúnu
höndum og gjafmilda hjarta. Það
komu margar fallegar og hlýjar
gjafir upp úr kistlinum hennar og
enginn á hennar vakt þurfti að
ganga um með kaldar tær. Hún
hlustaði mikið á útvarp og hljóð-
bækur en ekkert var betra en að
hlusta á háværu systkinin lesa
bækur. Það var ljúfsár stundin
þegar hún kvaddi sína afkomend-
ur með faðmlagi og fallegum orð-
um. Við sungum fyrir hana og hún
notaði sinn lokaþrótt og söng með
og hlustaði með bros á vör á fólkið
sitt þar til svefninn langi tók við.
Við kveðjum þig með söknuð í
hjarta.
Þín tengdadóttir,
Jana.
Elsku amma Stína.
Ég sit hérna og horfi á lykla-
borðið og minningarnar streyma
eins og kvikmynd um hugann
minn. Minningarnar eru margar
og góðar. Allar ferðirnar í
Reykjavík til að heimsækja
ömmu, allar gistinæturnar, það
var alltaf pláss og stundum vorum
við 4 jafnvel 5 barnabörn að gista
á sama kvöldinu, amma breiddi út
svefnsófann og raðaði okkur á
hann og söng svo með okkur þeg-
ar við vorum að fara að sofa. Að
sitja við eldhúsborðið á Laugar-
nesveginum, spila og borða ný-
steiktar kleinur og mjólk. Allir
göngutúrarnir, sundferðirnar,
ferðalögin og samtölin.
Amma var mín hetja og fyrir-
mynd, hún kenndi mér svo ótal
margt og það var alltaf svo gott að
fara til ömmu í spjall. Amma
dæmdi aldrei, var opin fyrir öllu
og það var hægt að tala við hana
um allt. Amma var hreinskilin og
sagði hlutina eins og þeir voru.
Amma kenndi mér að vera þakk-
lát og glöð með það sem ég hef og
einblína á það góða og jákvæða.
Amma kenndi mér að vera sjálf-
stæð og sterk kona.
Amma átti ekki alltaf auðvelda
ævi en í gegnum allt hélt hún í
gleðina og jákvæðnina. Hún átti
stóran hóp afkomenda og fylgdist
vel með okkur öllum og því sem
við vorum að brasa í okkar dag-
lega lífi. Hún prjónaði mikið og al-
veg fram á það síðasta dró hún
fram vettlinga úr kistlinum sínum
og gaf afkomanda. Svo góðir voru
ömmu Stínu vettlingar að þegar
Halldóra Björg mín var á leik-
skóla vildi hún eingöngu nota
þannig vettlinga.
Söknuðurinn er mikill en ég er
full þakklætis yfir að hafa átt þig
að svona lengi. Takk amma fyrir
allar gistinæturnar, öll spilakvöld-
in á Laugarnesveginum, allar
kleinurnar, soðnu pulsurnar og
kartöflumúsina, öll hangikjöts-
boðin á þrettándanum, sundferð-
irnar, göngutúrana, að hafa beðið
mig að vera í upphlutnum frá
langömmu þegar ég varð stúdent,
en mest takk fyrir öll faðmlögin
og spjallið um lífið og tilveruna,
um allt og ekkert og fyrir að vera
alltaf til staðar fyrir ömmustelp-
una þína sem horfði upp til þín og
bar svo mikla virðingu fyrir þér.
Elska þig, elsku amma!
Þín
Þóra Kristín.
Við erum að kveðja yndislega
konu, hana Stínu ömmu, sem farin
er inn í sumarlandið. Hún var
sannkölluð ofurhetja sem mark-
aði djúp spor í hjörtu svo margra.
Við nutum þeirra forréttinda að
hafa hana alltaf nálægt okkur öll
þau ár sem við höfum lifað og er
vandfundin sú manneskja sem
gæti farið í hennar skó.
Stína amma var lífsglöð bar-
áttukona úr Dýrafirðinum sem
naut þess að lifa lífinu þó svo að
ekki væri lífið alltaf dans á rósum
hjá henni. Hún var mikil fjöl-
skyldumanneskja enda átti hún
stóra fjölskyldu, mörg börn,
fjöldann allan af barnabörnum og
slatta af barnabarnabörnum. Það
var hennar líf og yndi að fylgja
eftir og fylgjast með þessum stóra
afkomendahópi sínum vaxa og
dafna.
Þegar við hugsum til baka
koma fram ótalmargar yndislegar
minningar en það sem stendur
upp úr er fyrst og fremst hver hún
var og hvað hún skildi eftir hjá
okkur. Amma var mjög hjartahlý
kona sem tók öllum eins og þeir
eru og sá alltaf bestu hliðarnar á
öllum. Hún var vingjarnleg og átti
auðvelt með samskipti við annað
fólk og áttum við ófá samtölin við
hana um allt milli himins og jarð-
ar. Í þessum samtölum átti hún
það til að læða inn Dýrfirðingnum
sem hún var svo stolt af. Amma
hafði ríka réttlætiskennd og tók
alltaf þátt í kröfugöngu 1. maí,
henni var í mun að taka þátt í
stéttabaráttunni og láta ekki sitt
eftir liggja.
Hún var mikill húmoristi og var
alltaf stutt í brosið, eins var hún
mikill söngfugl og naut þess að
taka lagið í góðum hópi ásamt því
að vera leikari og sjónvarps-
stjarna. Hún var hagyrðingur og
komu oft frá henni skemmtilegar
og hnyttnar vísur. Hún naut þess
að ferðast, hvort sem það var inn-
anlands eða ferðir út fyrir land-
steinana. Amma einfaldlega naut
þess að lifa lífinu.
Gildin hennar ömmu Stínu sitja
svo sannarlega eftir hjá okkur
bræðrum og kenndi hún okkur
svo margt sem gerir okkur að
betri mönnum. Hvernig við
bregðumst við áföllum. Hvernig
við komum fram við náungann.
Hvernig við eigum ekki að gera
upp á milli fólks og leyfa hverjum
og einum að vera hann sjálfur án
þess að dæma hann. Hvernig við
eigum að einblína á það jákvæða í
staðinn fyrir það neikvæða.
Hvernig við eigum að njóta lífsins
með jákvæðni að leiðarljósi, því
það var það sem hún gerði.
Takk elsku besta amma fyrir
allt það dýrmæta sem þú hefur
gefið okkur.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum)
Árni og Steinarr.
Elsku besta amma mín! Þegar
ég hugsa til þín þá koma orðin
þakklæti, væntumþykja og virð-
ing fyrst upp.
Minningarnar eru svo ótrúlega
margar og ylja manni í söknuðin-
um.
Þú varst svo mögnuð persóna;
þrátt fyrir allt sem hafði gengið á í
lífinu hjá þér varstu samt svo
sterk, flott, sjálfstæð og frábær. Í
mínum augum varst þú íslenska
konan.
Þú varst líka svo mikil skvísa,
með varalitinn í varalitaboxinu,
oftar en ekki hangandi eyrna-
lokka, annað skart og vel tilhöfð.
Við áttum frábæra tíma saman
og ég er svo ótrúlega þakklát fyrir
allt sem þú hefur kennt mér og að
hafa átt þig sem fyrirmynd enda
gerast þær ekki mikið betri.
Þú varst líka einn mesti pepp-
ari sem ég hef kynnst og dæmi um
það er þegar ég bauð þér í mat til
mín á Akureyri og eldaði eina
réttinn sem ég kann og orðin þín
voru „mmm, þetta er líklega besti
matur sem ég hef smakkað“ og
allt var þetta sagt og gert með
mikilli einlægni.
Þú varst líka svo hrein og bein
en húmorinn var aldrei langt und-
an og gleymi ég ekki þegar ég fór
með þig fyrir nokkrum árum að
leiðinu hans afa á afmælisdaginn
hans og þú settir krossmark yfir
og sagðir svo: „Til hamingju með
Kristín Sigríður
Guðjónsdóttir
Sálm. 9.11
biblian.is
Þeir sem þekkja
nafn þitt treysta
þér því að þú,
Drottinn, bregst
ekki þeim sem til
þín leita.
Ástkær sambýlismaður minn, faðir okkar,
tengdafaðir, sonur, bróðir, mágur, stjúpfaðir
og afi,
GUÐBJÖRN SIGMUNDUR
JÓHANNESSON,
Einidal 2, Njarðvík,
lést á Landspítalanum í Fossvogi
mánudaginn 18. október. Útförin fer fram frá
Ytri-Njarðvíkurkirkju föstudaginn 29. október klukkan 12.
Steinunn Björk Árnadóttir
Tinna Björt Guðbjörnsd. Fisher, Elías Már Ómarsson
Leon Elí Elíasson, Gabríel Már Elíasson
Bryndís Inga Guðbjörnsd. Marinó Oddur Bjarnason
Aþena Embla Marinósdóttir Elmar Sölvi Marinósson
Guðrún Júlíana Jóhannsd.
Jóhannes K. Jóhannesson Þórey Ása Hilmarsdóttir
Steinar, Birna, Björk,
Ástrós Emma og Rebekka Lillý
Innilegar þakkir til allra sem sýndu okkur
samúð og hlýhug við andlát og útför okkar
ástkæru eiginkonu, móður, tengdamóður,
ömmu og langömmu,
SVANHILDAR GESTSDÓTTUR,
Sléttuvegi 15, Reykjavík.
Sérstakar þakkir færum við öllu starfsfólki Dvalarheimilisins
Grundar við Hringbraut.
Þórarinn Elmar Jensen
Gestur Már Þórarinsson Elín Dóra Baldvinsdóttir
Þórarinn Einar Þórarinsson Phaithoon Inkaew
Elín Dóra Þórarinsdóttir Vilhjálmur Kjartansson
Svanhildur Þórarinsdóttir Björn Karlsson
Markús Örn Þórarinsson Guðlaug Katrín Þórðardóttir
og fjölskyldur
Elskulegur faðir okkar, tengdafaðir, afi
og langafi,
JÓHANN INGI EINARSSON
frá Götu
í Vestmannaeyjum,
lést í faðmi fjölskyldunnar á Hraunbúðum
sunnudaginn 17. október. Jarðarförin fer fram frá Landakirkju
í Vestmannaeyjum föstudaginn 29. október klukkan 15.
Athöfninni verður streymt á vef Landakirkju: landakirkja.is
Fjölskyldan þakkar starfsfólki Hraunbúða fyrir einstaka
umönnun og væntumþykju.
Alda Jóhanna Jóhannsdóttir Óskar Ólafsson
Erna Sigríður Jóhannsdóttir Eggert Gottskálksson
barnabörn og barnabarnabörn
Við þökkum öllum þeim sem sýndu okkur
samúð og hlýhug við andlát og útför okkar
ástkæru
HELGU BERGRÓSAR BIZOUERNE.
Sérstakar þakkir viljum við færa starfsfólki
líknardeildar Landspítalans í Kópavogi fyrir
einstaka umönnun og umhyggju.
Fyrir hönd fjölskyldunnar,
Louis Kotze
Bergrós Ásgeirsdóttir
Patrick Bizouerne
Jóhannes Ásgeir Bizouerne
Hanna Dorothéa Bizouerne
Elskuleg móðir okkar og tengdamóðir,
GUÐLAUG STEINGRÍMSDÓTTIR,
lést á Hjúkrunarheimilinu Seltjörn
miðvikudaginn 13. október.
Útför fer fram frá Neskirkju föstudaginn
29. október klukkan 13.
Blóm afþökkuð, látið líknarstofnanir njóta. Streymt verður
frá athöfninni á slóðinni: https://www.skjaskot.is/gudlaug
Jóhannes Long Ása Finnsdóttir
Guðlaugur Long Anna Jónsdóttir
Steingrímur Long Hrefna Sigurðardóttir
Ásta Long Örlygur Ásgeirsson
Árni Long Sigurveig Ólafsdóttir
og fjölskyldur