Morgunblaðið - 10.11.2021, Blaðsíða 1

M I Ð V I K U D A G U R 1 0. N Ó V E M B E R 2 0 2 1
.Stofnað 1913 . 264. tölublað . 109. árgangur .
VERÐTRYGGING
LEIKUR MINNA
HLUTVERK
BLIKAR
GERÐU
JAFNTEFLI
FYRSTA STÓRA
HÁTÍÐIN EFTIR
LANGT HLÉ
MEISTARADEILDIN 22 HEAD IN THE CLOUDS 24VIÐSKIPTI 12 SÍÐUR
Hjúkrunarfræðingar
» Á Landspítala voru 1.340
stöðugildi hjúkrunarfræðinga
árið 2020.
» Tæplega 1.600 hjúkrunar-
fræðingar gegndu þessum
stöðum.
Guðni Einarsson
gudni@mbl.is
„Hjá okkur er mikill skortur á
hjúkrunarfræðingum. Hann hefur
verið lengi og útlit fyrir að svo verði
áfram,“ segir Sigríður Gunnarsdótt-
ir, framkvæmdastjóri hjúkrunar á
Landspítalanum. Stytting vinnuvik-
unnar hefur ekki dregið úr skort-
inum. Hún segir að ef vel eigi að
vera þurfi Landspítalinn að fá um
200 hjúkrunarfræðinga til viðbótar
við þá sem fyrir eru. Skorturinn
veldur því að spítalinn getur ekki
fjölgað sjúkrarýmum í miðjum
veirufaraldri, sér í lagi á gjörgæsl-
unni.
„Við höfum bent á vöntun á hjúkr-
unarfræðingum í áratugi,“ segir
Guðbjörg Pálsdóttir, formaður Fé-
lags íslenskra hjúkrunarfræðinga
(FÍH). „Við náum ekki að mennta
nógu marga hjúkrunarfræðinga til
að starfa í íslenska heilbrigðiskerf-
inu né að halda hjúkrunarfræðing-
um í starfi í heilbrigðiskerfinu. Nú
hættir 4.-5. hver hjúkrunarfræðing-
ur störfum í hjúkrun innan fimm ára
frá útskrift. Einnig fáum við ekki
aftur til starfa þá sem hafa hætt.“
Vantar 200 til starfa á LSH
- Skortur á hjúkrunarfræðingum kemur í veg fyrir fjölgun sjúkrarýma á
Landspítalanum - Ekki næst að mennta nógu marga til að mæta brýnni þörf
MHjúkrunarfræðingar »4
Gestir og gangandi á Skólavörðustíg gátu loks-
ins í gærkvöldi fengið að líta ásjónu Hegning-
arhússins gamla, en endurbætur hafa staðið yfir
á því síðan í fyrra. Hefur þetta glæsilega stein-
hús á þeim tíma verið hulið á bak við girðingar,
stillansa og plast.
Húsið hefur í gegnum tíðina sett svip sinn á
miðbæ Reykjavíkur og gleðjast eflaust margir
að fá að líta aftur húsið eftir endurbæturnar.
Hegningarhúsið afhjúpað eftir „andlitslyftingu“
Morgunblaðið/Unnur Karen
_ „Þeir sem hafa verið hjá okkur
eru fyrst og fremst fólk sem veikt-
ist áður en það fékk bólusetningu
og það fólk veiktist illa. Núna eru
langflestir bólusettir og þeir veikj-
ast ekki eins mikið,“ segir Birna
Guðmundsdóttir, framkvæmda-
stjóri lækninga á Heilsustofnun
NLFÍ í Hveragerði.
Um 160 manns hafa nú lokið eða
eru að ljúka meðferð vegna lang-
vinnra einkenna af völdum kórónu-
veirunnar. Þar af eru um 100 á
Reykjalundi og 60 á Heilsustofn-
uninni í Hveragerði. Tólf eiga stað-
festa dvöl í Hveragerði fyrir jól og
31 er á biðlista eftir slíkri meðferð
á Reykjalundi. »9
Um 160 í meðferð
vegna Covid-einkenna
Útgjöld til heilbrigðismála jukust
verulega í aðildarlöndum OECD á
seinasta ári eftir að heimsfaraldur
kórónuveirunnar reið yfir. Sam-
kvæmt skýrslu OECD um ástand
heilbrigðismála í aðildarlöndunum
sem birt var í gær, jukustu út-
gjöldin á Íslandi úr 8,6% af vergri
landsframleiðslu á árinu 2019 í
9,8% í fyrra. Heilbrigðisútgjöldin
voru hærri en hér á landi sem hlut-
fall af landsframleiðslu í níu öðrum
aðildarlöndum OECD. Hæst í Bret-
landi 12,8%, Þýskalandi 12,5% og
Frakklandi 12,4%. »12
Útgjöldin
jukust mikið
_ Á þriðja þúsund manns hafa náð í
nýtt sjálfsafgreisluapp Húsasmiðj-
unnar og skráð sig þar inn. Lausnin
byggir á innskráningu með rafræn-
um skilríkjum en með þeim hætti
veit fyrirtækið hver notandinn er.
Hann getur þar af leiðandi nýtt sér
sín viðskipta- og afsláttarkjör.
„Stóri munurinn á þessu appi og
smáforritum þar sem þú verslar án
innskráningar með rafrænum skil-
ríkjum, er að þarna bæði nýturðu
þinna greiðslukjara en sérð auk
þess nettóverðið strax. Þá verða öll
tilboð samstundis sýnileg,“ segir
Árni Stefánsson forstjóri fyrir-
tækisins í samtali við Viðskipta-
Moggann.
Markmiðið með innleiðingunni er
að sögn Árna að bæta upplifun við-
skiptavina.
Morgunblaðið/Eggert
Sjálfsafgreiðsluapp Árni Stefánsson,
forstjóri Húsasmiðjunnar með appið.
Þúsundir geta
afgreitt sig sjálf
Gunnlaugur Snær Ólafsson
gso@mbl.is
Engin veiðigjöld hafa verið greidd af
loðnu á þessu ári en verð á loðnu-
afurðum var óvenju hátt fyrstu mán-
uði ársins og nam heildarútflutning-
ur 16,4 milljörðum króna fyrstu
fimm mánuðina þegar magnið var
aðeins 26 þúsund tonn. Nú er að
hefjast ein stærsta loðnuvertíð í tvo
áratugi þar sem íslensk skip fá að
veiða rúmlega 600 þúsund tonn en
engin veiðigjöld verða greidd af
þeim fiski sem landað er fyrir árslok.
Ástæðan er að gildandi stuðull til
útreikninga álagningar veiðigjalda
tekur mið af ári sem engin loðna var
veidd sökum loðnubrests. Þess
vegna verða ekki innheimt nein
veiðigjöld fyrir loðnu sem veidd hef-
ur verið frá og með 1 . janúar 2021 til
og með 31. desember 2021. Þetta
staðfestir Fiskistofa.
Til grundvallar álagningu veiði-
gjalds eru gerðir svokallaðir þorsk-
ígildisstuðlar í samræmi við lög um
stjórn fiskveiða. Lögin kveða á um
að reikna skuli þorskígildi fyrir 15.
júlí ár hvert fyrir hverja tegund sem
sætir ákvörðun um stjórn veiða og
taka mið af tólf mánaða tímabili sem
hefst 1. maí næstliðið ár og lýkur 30.
apríl.
Þorskígildin eru reiknuð sem
hlutfall verðmætis einstakra teg-
unda sem hlutfall af verðmæti
slægðs þorsks. Þar sem loðnubrest-
ur var tvö ár í röð er þorskígild-
isstuðull loðnu fyrir árið 2021 ein-
faldlega 0,00.
Aðra sögu er að segja af næsta
ári. Vegna þess að hæsta verð sem
fengist hefur fyrir loðnuafurðir
fékkst á árinu verður stuðullinn fyr-
ir næsta ár 0,36 sem er þrefalt hærri
þorskígildisstuðull en árin 2020,
2019 og 2018. Verða því innheimt
töluvert há veiðigjöld af loðnu sem
veidd er frá og með 1. janúar næst-
komandi til og með 31. desember
2022.
Engin veiðigjöld vegna loðnu
- Forsenda útreikninga núll vegna loðnubrests - Há gjöld á loðnu eftir áramót