Morgunblaðið - 10.11.2021, Blaðsíða 11

FRÉTTIR 11Erlent
MORGUNBLAÐIÐ MIÐVIKUDAGUR 10. NÓVEMBER 2021
Lögreglunni í Ósló í Noregi barst
fjöldi tilkynninga klukkan níu í gær-
morgun að skandinavískum tíma um
fáklæddan mann með stóran hníf,
sem léti mjög ófriðlega á Thereses
gate í Bislet-hverfinu, hlypi þar
öskrandi á eftir vegfarendum með
hnífinn á lofti og væri lítt við alþýðu-
skap.
Sendi lögregla fjölda bifreiða á
staðinn og sáu fyrstu lögregluþjónar
á vettvang ekki annað tækt en að
reyna að aka manninn niður til að
bjarga lífi og limum annarra, en fólk
hafði er þarna var komið sögu séð sitt
óvænna og meðal annars læst sig inni
í versluninni Normal þar sem það
beið þess er verða vildi.
Árásarmanninum svall móður við
aðkomu lögreglu, réðst að lögreglu-
bifreið og reyndi að komast inn í hana
með hnífinn á lofti. Lauk þeim við-
skiptum með því að lögregluþjón-
arnir gripu til skotvopna og skutu
manninn sex skotum með þeim afleið-
ingum að hann lést skömmu eftir að
komið var með hann á Ullevål-
sjúkrahúsið.
Á blaðamannafundi lögreglu í kjöl-
far atburðarins greindi Egil Jørgen
Brekke yfirlögregluþjónn frá því, að
lögregla teldi ekki ástæðu til að ætla
annað en að um einangraðan atburð
væri að ræða. Sögðu norskir fjöl-
miðlar frá því, er leið á gærdaginn, að
árásarmaðurinn, Rússi á fertugs-
aldri, hefði tvívegis hlotið dóma áður,
í síðara skiptið fyrir tilraun til mann-
dráps árið 2019 er hann stakk mann í
bakið og reyndi að stinga fleiri. Var
honum þá gert að sæta nauðungar-
vist á geðdeild, en árið 2018 hafði
honum verið gerð 90 daga samfélags-
þjónusta fyrir líkamsárás í miðbæ
Óslóar árið áður. atlisteinn@mbl.is
AFP
Á vettvangi Lögregla og sjúkralið
við störf á Thereses gate í gær.
Ný atlaga dæmds
ofbeldismanns
- Skotinn til bana í Ósló í gærmorgun
Stjórnvöld indversku höfuðborg-
arinnar Nýju-Delí boðuðu í gær stór-
hertar aðgerðir til að draga úr
menguninni, sem byrgir íbúum þar
sýn dags daglega, þar á meðal vatns-
úðun á götum úti til að binda ryk og
bann við brennslu sorps utandyra.
Ástandið í borginni er sérstaklega
slæmt í október og nóvember ár
hvert, þegar útblástur ökutækja og
reykjarmökkurinn frá logandi eld-
um festist undir loki hitahvarfa í
kólnandi veðri og ekki bæta flug-
eldar á ljósahátíð hindúa úr skák.
Er ástandið í borginni nú orðið
þannig, að ef marka má nýlega
könnun meðal borgarbúa þjást um
80 prósent þeirra af þrálátum höf-
uðverk og öndunarerfiðleikum,
enda svifryk í borginni sexfalt það
sem stjórnvöld hafa ákvarðað sem
heilsuverndarmörk.
Umhverfisráðherra borgarinnar
lofaði hátíðlega að hefja eigi síðar en
á morgun, fimmtudag, herferð gegn
sorpbrennum á víðavangi, sem efna-
minna fólk meðal borgarbúa stund-
ar mjög, einfaldlega vegna þess að
það losnar ekki við sorpið öðruvísi,
auk þess að herða vatnsúðun á götur
og draga eftir föngum úr brennslu
kola og notkun díselknúinna rafala.
INDLAND
Mengun í Nýju-Delí
sexföld heilsumörk
Guðmundur Magnússon
gudmundur@mbl.is
Óttast er að til blóðugra átaka geti
komið á landamærum Póllands og
Hvíta-Rússlands (Belarus) þar sem
mörg hundruð flóttamenn frá Mið-
Austurlöndum og Afganistan, þar á
meðal stór hópur barna, freista þess
að komast til Póllands og þaðan til
annarra landa Evrópusambandsins
(ESB). Fólkið er að flýja fátækt og
stríð í heimalöndum sínum. Stjórn-
völd í Minsk í Hvíta-Rússlandi hafa
greitt fyrir ferðum þess að landa-
mærunum og jafnvel flutt það með
flugvélum áleiðis. Er talið að þetta sé
hefndarráðstöfun runnin undan rifj-
um Alexanders Lúkasjenkós, forseta
Hvíta-Rússlands, til að svara fyrir
efnahagslegar refsiaðgerðir ESB-
ríkja gegn einræðisstjórn hans.
Lúkasjenkó er mjög einangraður
meðal leiðtoga Evrópu en nýtur þó
stuðnings Pútíns, forseta Rússlands.
Mikil fjölgun flóttafólks
Nokkrir mánuðir eru síðan flótta-
fólk frá Mið-Austurlöndum hóf að
safnast saman við landamæri Pól-
lands í Hvíta-Rússlandi. Því hefur
síðan fjölgað mikið og spennan magn-
aðist þegar Hvítrússar fluttu um eitt
þúsund flóttamenn að landamærun-
um í byrjun þessarar viku. Vitað er
um átta flóttamenn sem látist hafa
vegna vosbúðar og annarra aðstæðna
við landamærin. Á hljóðupptökum frá
landamærunum hafa skothvellir
heyrst en ekki er vitað hvort ein-
hverjir hafa særst. Þá hafa borist
fregnir um að pólskir landamæra-
verðir beiti táragasi á flóttafólkið til
að hrekja það á brott og varna því
inngöngu í landið.
Pólverjar hafa lengi fylgt harðri
stefnu gagnvart flóttafólki sem þar
hefur leitað hælis. Hefur ósveigjan-
leg stefna þeirra sætt gagnrýni ann-
arra ríkja ESB. En talið að Hvítrúss-
ar séu nú að spila á þessu spennu.
Pólverjar hafa reist gaddavírsgirð-
ingar til að hindra för flóttamann-
anna sem Hvítrússar hafa flutt að
landamærunum. Fólkið hefur beitt
klippum á gaddavírinn en landa-
mæraverðir og hermenn hafa hindr-
að það í að komast áfram. Það hefst
við í tjöldum í skóglendi á milli land-
anna, aðallega í Kuznica norðarlega
við landamærin, og eru aðstæður
þess mjög erfiðar, kalt er í veðri og
matur af skornum skammti. Fólkið
getur ekki snúið til baka því hermenn
Hvítrússa varna þeim brottfarar.
Nokkur þúsund flóttamanna hafa
komist inn í Pólland um Hvíta-Rúss-
land á undanförnum mánuðum og
margir þeirra haldið til Þýskalands
og leitað hælis þar. Segja þýsk stjórn-
völd um sex þúsund flóttamenn hafi
komið þangað eftir að hafa farið um
Hvíta-Rússland. Kúrdísk kona frá
Írak sagði breska blaðinu Guardian
frá því að hún hefði komið til Minsk
fyrir milligöngu ferðaskrifstofu sem
síðan útvegaði far að landamærum
Póllands. Krafist væri allt að þriggja
milljóna króna fyrir milligönguna.
Pólverjar segja að um sé að ræða
árás á landið og vilja að Evrópusam-
bandið (ESB) og Atlantshafsbanda-
lagið (NATO) skerist í leikinn. Þeir
segja að nokkur þúsund flóttamanna
til viðbótar séu á leið að landamær-
unum. Haft er eftir Mateusz Mora-
wiecki, forsætisráðherra Póllands, að
flóttamennirnir ógni öryggi allra
ríkja Evrópusambandsins. Innanrík-
isráðherra Þýskalands hefur tekið
undir þetta og hvatt ESB til að koma
Pólverjum til aðstoðar við að verja
landamærin.
Stjórn Lúkasjenkós hafnar því
með öllu að hún standi á bak við komu
flóttafólksins, þótt órækar sannanir
séu fyrir því. Forystumenn ESB og
NATO hafa skorað á stjórnvöld í
Minsk að hætta þessum aðgerðum.
Fullyrtu þeir að Hvítrússar notuðu
flóttafólkið sem peð í tafli sínu við lýð-
ræðisríkin í Evrópu. Ursula von der
Leyen, formaður framkvæmda-
stjórnar ESB, segir nauðsynlegt að
herða refsiaðgerðir gegn Hvíta-
Rússlandi.
Fyrir sex árum, árið 2015, komu
nær 800 þúsund flóttamenn til Evr-
ópu frá stríðshrjáðum og fátækum
löndum við Miðjarðarhafið. Koma
þeirra olli gífurlegum usla í álfunni og
pólitískri ólgu. Óttast margir að sag-
an endurtaki sig ef aðgerðir Hvít-
rússa verði ekki stöðvaðar.
Óttast blóðug átök við
landamæri Póllands
- Hvítrússar ögra Pólverjum, ESB og NATO með flutningi þúsunda flóttamanna
AFP
Stál í stál Flóttafólk hitar sér mat á hlóðum á landamærum Póllands og Hvíta-Rússlands. Að baki má sjá gaddavírs-
girðingar og vopnaða landamæraverði. Pólverjar hleypa því ekki inn í landið og það getur ekki snúið til baka.
Álfheimum 74, 104 Rvk, sími 568 5170
Verið velkomin
Nýjar
haustvörur
Vesti • Peysur • Kjólar • Blússur
Bolir • Túnikur • Pils • Silkislæður
Vinsælu
velúrgallarnir
komnir í nýjum litum
stærðir S-4XL
HVERS VEGNA
VIÐVILJUM SVÖR
SAMTÖKIN FRELSI OG ÁBYRGÐ
-ERU MÓTEFNAMÆLINGAR
EKKI GERÐAR ÁÐUR
EN FÓLK ER SPRAUTAÐ?
-VORUÞUNGAÐARKONUR
HVATTAR Í SPRAUTUSTRAX
5.MAÍ ÞEGAR EKKIVAR
KOMINREYNSLAÁ EFNIN?
-VORU KEYPTIR
1.4 MILLJÓN SKAMMTAR
ÍVIÐBÓT FYRIR 360 ÞÚSUND
MANNA ÞJÓÐ?