Morgunblaðið - 09.12.2021, Qupperneq 4

4 FRÉTTIR
Innlent
MORGUNBLAÐIÐ FIMMTUDAGUR 9. DESEMBER 2021
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 INFO@UU.IS
JÓL OG ÁRAMÓT
Á TENERIFE EÐA ALICANTE
23. DESEMEBER - 07. JANÚAR
22. DESEMEBER - 05. JANÚAR
TENERIFE
ALICANTE
Tryggðu þér sæti út í sól um jólin
fyrir alla fjölskylduna. Slappaðu af
um hátíðarnar á hóteli fjarri öllu
jólaamstri.
Ágúst Ingi Jónsson
aij@mbl.is
Hátt á annan tug uppsjávarskipa var á loðnumiðunum í
landgrunnskantinum norður af Langanesi í gær. Nokkur
þeirra eru búin að landa einu sinni, en önnur eru langt
komin með að fylla í fyrsta túrnum. Afli var dræmur í
fyrrinótt, en „þetta er eitthvað byssulegra í dag,“ sagði
útgerðarmaður sem rætt var við um miðjan dag gær og
átti þá við að útlitið væri betra. Annar sagði að einkum
hefði verið um dagveiði að ræða og afli verið þokkalegur.
Eftir ætisgöngur einkum í Grænlandshafi kemur loðn-
an á þriðja ári upp að landgrunnskantinum við eða vestur
af Kolbeinsey í nóvember eða desember í hrygningar-
göngu sinni. Hún gengur síðan austur á bóginn og suður
með Austfjörðum og er þá oft á 30 metra dýpi niður í um
250 metra. Fremsta gangan er gjarnan þétt, en síðan
geta komið „seinni púlsar“ eins og Birkir Bárðarson,
fiskifræðingur á Hafrannsóknastofnun, orðar það.
Sóttu fróðleik í afladagbækur
„Í fyrrahaust kom loðnan að Kolbeinseyjarhrygg í
nóvember og það fannst okkur snemmt miðað við árin á
undan, en hafa verður í huga að þau ár var hún í
ákveðnum aðstæðum,“ segir Birkir. „Breytilegar að-
stæður í hafinu og stærð árganga getur haft áhrif og ef-
laust margt fleira.
Skoðun á framvindu hrygningargöngunnar út frá afla-
dagbókum sýndi okkur að á árum áður var loðnan fyrr á
ferðinni inn á landgrunnið heldur en síðustu ár. Síðasta
vetur varð breyting á og hún var fyrr á ferðinni. Miðað
við hvar flotinn hefur verið að veiðum síðustu daga virðist
gangan vera á svipuðum tíma og á síðustu vertíð.“
Alltaf á svipuðum tíma til hrygningar
Loðnan fylgir landgrunnsbrúninni og strandstraumur-
inn við landið og Austur-Íslandsstraumurinn létta henni
ferðalagið. Þegar loðnan kemur að hitaskilum fyrir Suð-
austurlandi dokar hún oft við áður en hún tekur strikið
vestur með Suðurlandi á hrygningarstöðvarnar.
„Þegar loðnan kemur að hitaskilunum verður hún oft
óútreiknanleg, stundum heldur hún kyrru fyrir á þessu
svokallað biðsvæði, stundum gengur hún mjög djúpt eða
þá grunnt og hratt með landinu. Hvort sem loðnan kem-
ur seint eða snemma upp að Norðurlandinu og hvernig
sem hún hagar göngunni þá virðist hún yfirleitt að lokum
koma á hrygningarstöðvarnar á svipuðum tíma.“
Hefðbundinn loðnuleiðangur eftir áramót
Aðspurður hvenær verði farið í hefðbundinn loðnuleið-
angur eftir áramót segir Birkir að það liggi ekki endan-
lega fyrir. Vel verði fylgst með gönguhraða loðnunnar og
veiðiskipunum og áhersla lögð á að ná góðri mælingu áð-
ur en loðnan komi í hlýja sjóinn fyrir sunnan land.
Loðnugangan á svipuð-
um tíma og á árum áður
- Loðnuskipin í landgrunnskantinum norður af Langanesi
Þórshöfn | Heimaey VE kom með fyrsta loðnufarminn
til Þórshafnar í fyrrakvöld, um 1.900 tonn af ágætri
loðnu sem fór í bræðslu. Fremur stutt sigling er af mið-
unum til Þórshafnar eða fimm til sex tímar.
Morgunblaðið/Líney Sigurðardóttir
Heimaey með fyrsta farminn
Skjáskot/Fishfacts
Veiðar Loðnuskip í röð við landgrunnskantinn norður
af Langanesi. Afli hefur verið þokkalegur síðustu daga.
Baldur Arnarson
baldura@mbl.is
Íbúum Hafnarfjarðar gæti fjölgað
um 1.500 til 2.000 að meðaltali á ári
næstu fjögur árin ef áform um upp-
byggingu ganga eftir. Með því gætu
allt að 38 þúsund
manns búið í bæn-
um í árslok 2025.
Þetta kom fram
í máli Rósu Guð-
bjartsdóttur, bæj-
arstjóra Hafn-
arfjarðar, á
bæjarstjórnar-
fundi. Þróun íbúa-
fjöldans, sam-
kvæmt þessum
forsendum, er hér sýnd á grafi en
tæplega 29.800 manns bjuggu í Hafn-
arfirði í byrjun þessa mánaðar.
Ný íbúðahverfi verða til
Meðal annars er fyrirhuguð upp-
bygging í Skarðshlíð og í nýju hverfi,
Hamranesi, þar við hlið og á þétting-
arreitum í bænum. Má þar nefna
áform um mikla uppbyggingu við
Hafnarfjarðarhöfn.
Að sögn Rósu gæti íbúum Hafnar-
fjarðar fjölgað um allt að fjórðung á
tímabilinu.
Ný fjárhagsáætlun vitni um að að-
hald og aðgerðir sveitarfélagsins
vegna kórónuveiru hafi skilað ár-
angri.
„Áhersla hefur verið lögð á að
verja hagsmuni íbúa án þess að
skuldsetja bæjarfélagið, en bæjar-
sjóður Hafnarfjarðar tók engin lán á
árinu 2021. Gert er ráð fyrir að
skuldaviðmið verði um 97,7% í árslok
2021 en hlutfallið var 112% í árslok
2019 áður en heimsfaraldurinn skall
á,“ segir Rósa og vísar til hlutfalls
heildarskulda af tekjum sveitar-
félagsins í faraldrinum.
Sala bæjarins á 15% hlut í HS
Orku hafi veitt svigrúm til að snúa
vörn í sókn á krefjandi tímum.
Boðar skattalækkanir
Áfram verði lögð áhersla á hófleg-
ar álögur á íbúa og þá verði komið til
móts við hækkun fasteignamats með
lækkun fasteignaskatta á íbúðar-
húsnæði. Þá lækki fasteignagjöld á
atvinnuhúsnæði milli ára með lægri
vatns- og fráveitugjöldum.
Líkt og hjá öðrum sveitarfélögum
hafi umtalsverð hækkun launa haft
mikil áhrif á reksturinn. Þá hafi út-
gjöld í ýmsa félagslega þjónustu verið
aukin án þess að ríkissjóður hafi kom-
ið til móts við auknar skyldur sveitar-
félagsins með fullnægjandi fjár-
framlögum, að sögn Rósu.
Spá um íbúafjölda í Hafnarfirði
2021 til 2025
40.000
35.000
30.000
25.000
Háspá
Lágspá
2021 2022 2023 2024 2025
Heimild: Skrá.is,
Hafnarfjarðarbær
29.756
31.256
31.756
32.756
33.756
34.256
35.756
35.756
37.756
1. des. 2021
Spá allt að fjórð-
ungsfjölgun íbúa
- Íbúar Hafnarfjarðar 38 þús. 2025?
Rósa
Guðbjartsdóttir
Unnur Freyja Víðisdóttir
unnurfreyja@mbl.is
Brim hf. hefur ákveðið að færa öll-
um leik- og grunnskólum á Íslandi
fyrstu sex titlana sem koma út í
bókaflokknum „Litla fólkið og
stóru draumarn-
ir“ sem hin
spænska Maria
Isabel Sanches
Vergara er höf-
undur að. Í bók-
unum er sagt frá
fólki sem hefur
látið drauma sína
rætast. „Við
sjáum það að
drengir eru að
verða undir í
lestri í samfélaginu og þess vegna
ákváðum við að kaupa þessar bæk-
ur og senda í alla skólana til þess að
hvetja börn til lesturs,“ segir Guð-
mundur Kristjánsson, forstjóri
Brims, í samtali við Morgunblaðið.
„Í mínum huga er íslenskan
undirstaða okkar samfélags og
menningararfs því að á henni bygg-
ist að við getum talað hvert við ann-
að og skilið hvert annað. Það er
ekki gott ef það er stór hópur sem
talar eða skilur ekki íslensku í okk-
ar samfélagi. Það eru nefnilega
miklar líkur á því að sá hópur verði
undir því íslenska er okkar mál.“
Bókagjöfin er gefin í samstarfi
við útgáfufélagið Stóra drauma
sem áætlar að fjölga titlunum enn
frekar á komandi misserum og
tryggja með því að sem flestir finni
þar frásagnir sem vekja athygli
þeirra og áhuga.
Brim hf. færir
börnum bækur
- Dreifa 3.000 bókaöskjum í alla skóla
Bækur Stórir draumar í öskjum.
Guðmundur
Kristjánsson