Morgunblaðið - 31.12.2021, Blaðsíða 54

54 MORGUNBLAÐIÐ TÍMAMÓT 31.12. 2021
„Félagi 2020“ er skúlptúr sem ég hef verið að
hugsa um í þó nokkur ár. Ég bjó persónuna
fyrst til árið 1999 og ímyndaði mér aldrei að
hún ætti mikla framtíð fyrir sér; hún var fyrst
og fremst afsökun til að búa til mitt fyrsta
upplagsverk.
En næstu tvo áratugi breyttist félaginn í
eitthvað sem líktist systkini og hefur öðlast
sitt eigið líf. Þessi persónuleiki í sínum ýmsu
myndum hefur einnig orðið leið fyrir mig til að
koma hugsunum mínum og athugasemdum á
framfæri. Undir lok ársins 2019 langaði mig til
að búa til verk, sem myndi heiðra 20 ára sam-
fylgd mína með Félaganum. Ég komst að nið-
urstöðu um það hvernig „Félaginn 2020“ ætti
að líta út á fystu dögum faraldursins 2020 og
stellingin höfðaði til mín. Persónan liggur á
grúfu á jörðinni og ofan á henni hvílir þungi
alls þess sem hvílir á huga mér. Ég vona að
áhorfendur geti líka sleppt takinu á hugsunum
sínum, kvíða og tilfinningum inn í þetta rými.
Að sama skapi og styttan ber þessa byrði
stendur hún einnig fyrir hlé, sem er mikil þörf
fyrir – augnablik til þess að safna kröftum á
ný áður en staðið er á fætur og lífið heldur
áfram.
Tilvera „Félagans 2020“ er á mörkum þess,
sem gerst hefur á undanförnum 20 árum og
þess sem koma skal. Ég held að það sé í lagi að
viðurkenna að stundum féllum við kylliflöt á
andlitið – og gætum haldið áfram að gera það
– þegar við tókumst á við erfiðleikana, sem
munu smitast yfir í árið 2021. En ég sæki
bjartsýni í þá hugmynd að stutt hlé geti líkt og
hjá Félaganum verið leið til þess að byggja
upp þrautseigju áður en áfram er haldið.
© 2021 KAWS
KAWS, Félagi 2020,
2020, brons og málning,
45,6 x 240,0 x 121,6 cm,
upplag þrjú eintök.
©KAWS/Ljósmynd Jonty Wilde
Þessi skúlptúr veitir margþráð tækifæri til að safna krafti
á ný – og endurnýja sig – þegar við búum okkur undir að
takast á við það sem er í vændum á árinu fram undan.
KAWS,
einnig þekktur sem Brian Donnelly, er listamaður
búsettur í New York.
En ég sæki bjartsýni í þá hugmynd að
stutt hlé geti líkt og hjá Félaganum
verið leið til þess að byggja upp
þrautseigju áður en áfram er haldið.
HORFUR Í HEIMI: ÁRIÐ Í GEGNUM LINSU LISTAMANNSINS
’’
Félagi til
að bera
byrðar okkar
Listamaðurinn Brian Donnelly, þekktur sem KAWS, í vinnustofu sinni í Brooklyn.
Yael Malka/The New York Times