Strandapósturinn - 01.06.2019, Síða 11

10
dóttur á öðrum stað í ritinu. Þessar ferðir sem Ferðaskrifstofa
Guðmundar Jónassonar sér um undir styrkri fararstjórn Emils
Arnar Kristjánssonar hafa heppnast einstaklega vel, skipulag allt
til fyrirmyndar og ferðafélagarnir mjög meðfærilegir og engin
vandamál hafa komið upp. Þetta er til þess fallið að auka vinsæld-
ir þessara ferða enn frekar.
Fljótlega hófst undirbúningur að kaffideginum sem haldinn
var þann 6. maí í Haukahúsinu í Hafnarfirði en erfiðlega hefur
gengið að fá nógu stóran sal fyrir þessa vinsælu samkomu þar sem
aðsóknin er mikil en það er tilgangurinn því kaffidagurinn er til
þess hugsaður að maður sé manns gaman, fólk hittist og spjalli
saman eins og um einskonar ættarmót sé að ræða. Á kaffidegin-
um var sérstök kynning á kápu Strandapóstsins en hana prýðir
málverk af Lambatindi málað af Guðlaugi Jóni Bjarnasyni. Hann
sagði frá myndinni og fór yfir hvernig hún varð til. Jóna Ingibjörg
Bjarnadóttirframkvæmdastjóri ritnefndar Strandapóstsins flutti
ávarp. Þá las Kristín Einarsdóttir sem situr í ritnefnd ávarp eftir
Þorstein Matthíasson úr fyrsta riti Strandapóstsins og taldi Kristín
það enn vera í fullu gildi. Kór Átthagafélagsins söng nokkur lög
að vanda. Einnig kom Jens Magnússon með nikkuna sína og lék
fáein lög. Við þökkum öllum sem lögðu hönd á plóg, en félagar
koma með allt bakkelsið og var ekkert aðkeypt. Þá var Stranda-
pósturinn til sölu bæði nýjasta bókin sem er 50. árgangur og eldri
blöð og söfn. Strandapósturinn hefur að geyma mikinn fróðleik
sem annars hefði tapast og er það von félagsins að hann verði
gefinn út af myndarskap og haldi þannig áfram að varðveita
söguna.
Aðalfundur félagsins var haldinn í lok kaffidagsins og er það
gert til að reyna að fá fleiri til að sækja fundinn, þar voru venjuleg
aðalfundarstörf og kosningar í stjórn og skemmtinefnd. Ný rit-
nefnd Strandapóstsins var kynnt til sögunnar en þar hafa orðið
nokkrar breytingar. Þorkell Örn Ólason og Heiðrún Sverrisdóttir
létu af störfum eftir að hafa starfað í ritnefndinni til fjölda ára og
voru þeim færðar þakkir fyrir þau miklu störf sem þau hafa sinnt
fyrir félagið. Hlíf Ingibjörnsdóttir hætti líka eftir styttri dvöl með
stjórninni og er henni þakkað það góða starf sem hún innti af
höndum. Sem betur fer finnast duglegir einstaklingar sem taka
við keflinu þegar aðrir skila því eins og gengur og nokkrir nýir