Strandapósturinn - 01.06.2019, Qupperneq 13

12
Jóna Ingibjörg Bjarnadóttir
Djúpavík
Strandapósturinn
2018
Kæri lesandi Strandapóstsins. Árið 2017 tók ég við stöðu fram-
kvæmdastjóra Strandapóstsins og er ég tíundi framkvæmdastjóri
ritsins og enn fremur fyrsta konan sem gegnir þessari stöðu.
Þegar Páll Sæmundsson, sonur minn tók við framkvæmdastjóra-
stöðunni árið 2013, var ég honum innan handar þegar hann
þurfti með t.d. hvað varðaði dreifingu póstsins og fleira og tók ég
svo við stöðunni af honum. Svo lengi lærir sem lifir stendur ein-
hvers staðar og margt hef ég lært á þessum stutta tíma og óneitan-
lega er gott að fara út fyrir þægindarammann. Mitt fyrsta verk
sem framkvæmdastjóri var að láta prenta fimm árganga sem ekki
höfðu verið til í allmörg ár. Nú er hægt að kaupa allt safnið og
nálgast það hjá mér, ef fólk hefur áhuga. Við eigum því láni að
fagna að hafa enn í dag góða greinarhöfunda sem um árabil hafa
skrifað greinar í Strandapóstinn og sex nýir bættust við á síðasta
ári sem er fagnaðarefni. Með nýjum höfundum tryggjum við að
Strandapósturinn komi út um ókomin ár.
Í dag eru áskrifendur tæplega 300 talsins og ánægjulegt að sjá
að ungir áskrifendur eru stöðugt að bætast í hópinn. Stærsti sölu-
staður okkar er í Kaupfélagið á Hólmavík, þar sem allir árgangar
eru til sölu. Auk Hólmavíkur má nálgast nýjustu árgangana á
Borðeyri, Norðurfirði og í Kaupfélagsútibúinu á Drangsnesi.
Á síðasta ári fögnuðum við hálfrar aldar afmæli Strandapósts-
ins. Ég held að það megi fullyrða að ekkert átthagafélag hafi stað-
ið fyrir útgáfu bóka í 50 ár eins og Átthagafélag Strandamanna
gerir enn með glæsibrag.