Strandapósturinn - 01.06.2019, Síða 14

13
Það voru stórhuga menn sem fundu sig knúna til að koma
Strandapóstinum á laggirnar fyrir hálfri öld og við getum sannar-
lega verið stolt af þessum heiðursmönnum.
Allt kapp var lagt á að hafa afmælisritið veglegt og koma því í
fallegan afmælisbúning sem tókst vel. Bókin fékk góðar viðtökur
og seldist vel. Henni fylgdi bókamerki með mynd og fróðleik um
hæsta fjall Strandasýslu, auk myndar af Ægishjálminum, sýslu-
merki Strandasýslu. Guðlaugur J. Bjarnason myndlistarmaður sá
um kápumynd sem er olíuverk. Við höfum ákveðið að hafa Guð-
laug með okkur í samstarfi næstu árin til að vinna með galdra-
stafina þar sem þeir tengjast Strandamönnum og Strandasýslu.
Þetta er skemmtileg nýbreytni en málverkin koma svo til með að
vera til sölu í Galdrasafninu á Hólmavík. Mig langar að þakka
Guðlaugi fyrir heimsóknina norður til mín á haustdögum 2017
og ánægjulegt samstarf að gerð kápumyndarinnar.
Mikil vinna og natni liggur að baki útgáfu Strandapóstsins og
er sú vinna öll unnin í sjálfboðavinnu. Ég vil þakka samstarfsfólki
mínu í ritnefnd fyrir gott og ánægjulegt samstarf.
Þegar við nú hefjumst handa við undirbúning á 51. árgangi
erum við sex konur sem ritstýrum Strandapóstinum og eru tvær
búsettar í Strandasýslu. Það er mat mitt að það gefi ritstjórninni
gott jafnvægi að hafa fólk í ritnefnd sem er búsett fyrir norðan og
í nálægð við fólk sem býr á Ströndum. Einhverjar breytingar kom-
um við til með að sjá á næstu árum, það er óhjákvæmilegt því
tímarnir breytast og mennirnir með.
Góðar stundir

Jóna Ingibjörg Bjarnadóttir
framkvæmdastjóri
Strandapóstsins