Strandapósturinn - 01.06.2019, Qupperneq 30

29
um klettavegg er undarlegt að nokkrum skyldi detta í hug. Þetta
er svokölluð tilbeiðslukirkja sem er svolítið annað en venjuleg
sóknarkirkja. Messa var yfirstandandi í kapellu í kjallaranum er
okkur bar að. Margir ferðamenn koma þarna ýmist til að skoða
eða af trúarlegum ástæðum. Kirkjan kallast Madonna della
Corona og er í hlíðum Monte Baldo. Frá kirkjunni var haldið á
hótel Poiano í bænum Garda sem er að austanverðu við vatnið og
var það um hálftíma akstur. Það var betra fyrir þá sem lentu í efstu
byggðum hótelklasans að vera í góðu formi því töluverður bratti
var þangað upp, sem var misjöfn ánægja með. Borðað var saman
á hótelinu um kvöldið.
Upp var runninn fimmtudagurinn 14. júní og þeir sem vildu
söfnuðust saman í anddyri hótelsins en þaðan ætlaði hersingin að
ganga niður í bæinn sem stendur á bakka Gardavatns. Gardabær,
með sínar þröngu steinlögðu götur, á sér langa sögu en þarna
fóru fram mikil viðskipti og kaupmennska manna sem ýmist
komu siglandi eða landveg. Eftir smá rölt var stigið um borð í
ferju og haldið til bæjarins Lazise og eftir stutta viðdvöl þar var
haldið til Sirmione. Sá bær stendur á örmjóum tanga við suðvest-
urhluta vatnsins.
Tilbeiðslukirkjan Madonna della Corona í hlíðum Monte Baldo.