Strandapósturinn - 01.06.2019, Side 39

38
öfugt; að ekkert er í raun fréttnæmt, af því maður telur sig vita
allt. Engu að síður er spurt.
Að þessu sinni er spurningunni beint að Strandabyggð og ég
hef verið beðinn að svara fyrir hönd sveitarfélagsins.
Mannlíf á Ströndum
Það var alltaf talað um að fara „norður“; norður á Strandir. Samt
eru Strandir hluti af Vestfjörðum, og þá tölum við um að fara
vestur á firði.
Strandabyggð er eitt af níu sveitarfélögum á Vestfjörðum og
hefur, eins og mörg önnur sveitarfélög, glímt við langvarandi
fólksfækkun, sérstaklega hin síðari ár. Myndin sýnir þessa þróun
frá 2008-2018.
Hér má sjá að veruleg fólksfækkun hefur átt sér stað frá því sem
mest var á þessu tímabili, árið 2013 eða úr 518 í 451. Þetta er
fækkun um 67 einstaklinga og því miður eru börn og unglingar
talsverður hluti þessa hóps. Það er afar neikvæð þróun fyrir lítið
sveitarfélag að missa börn og foreldra þeirra, sem er það fólk sem
er á þeim aldri að geta taka á sig mikilvæg hlutverk í uppbyggingu
sveitarfélagsins. Þessari þróun ætlum við að snúa við.
Önnur staðreynd blasir við, þegar rýnt er í þessar íbúafjöldatöl-
ur og það er aldurssamsetningin. Vestfjarðastofa hefur unnið
greiningu á helstu hagtölum Strandabyggðar og má þar t.d. sjá að
fjölmennasta aldursbilið er 56-65 ára af báðum kynjum. Þar kem-
ur einnig fram, að aldurshóparnir 25-45 ára eru fámennir í
Strandabyggð.

490
506 501
515 517 518
506
473 467 468
451
400
420
440
460
480
500
520
540
2008 2009 2010 2011 2012 2013 2014 2015 2016 2017 2018
Íbúaþróun
Heimild: Vestfjarðastofa – http:vestfirdir.is/vestfirsk_sveitarfelog/strandabyggd/