Strandapósturinn - 01.06.2019, Side 46

45
2018. Mikill er sá missir, en eftir stendur hnappur á heimskortinu,
sem tugþúsundir manna eru meðvitaðir um. Sigurður Atlason
kom Galdrasafninu á kortið og nú er það eftirmanna hans að
halda áfram því starfi sem hugur hans og hönd lagði grunninn
að. Galdrar, kukl, ónáttúra og furðulegheit munu áfram einkenna
Galdrasafnið á Hólmavík og gæti hæglega skapað Strandabyggð
einstaka sérstöðu meðal ferðamannastaða, umfram það sem
þegar er.
Það er athyglislegt þegar rýnt er í gögn um gestakomur á
Galdrasafnið, að Evrópubúar eru stærsti hópurinn, en á eftir
þeim koma Bandaríkjamenn. Saman standa þessi þjóðerni fyrir
yfir 90% allra gesta sem koma á Galdrasafnið.
Þrátt fyrir yfirburðastöðu, er Galdrasýningin samt ekki eina að-
dráttaraflið í ferðaþjónustu á Ströndum. Undanfarin ár hefur fyr-
irtækið Láki Tours frá Grundarfirði, gert út á hvalaskoðun frá
Hólmavík og verður að segjast að árangurinn er einstakur. Í 9 af
hverjum 10 ferðum sést til hvals og oftar en ekki eru hvalirnir inni
á firði talsvert margir. Sjónarspilið er einstakt og lygn Steingríms-
fjörðurinn fer vel með gesti sína um borð í hvalaskoðunarbátn-
um. Áframhald verður á þessari þjónustu og heyrst hefur af áhuga
fyrirtækisins á að bjóða einnig upp á kajak siglingar frá Hólmavík.

9114
5568
459 448 18
Þjóðerni gesta
Evrópa Ameríka Asía Eyjaálfa Afríka
Heimild: Galdrasýning á Ströndum, febrúar 2019.