Strandapósturinn - 01.06.2019, Qupperneq 51

50
jöfnu haldin í febrúar/mars. Þá koma gjarnan á annað hundrað
einstaklingar norður á Strandir til að keppa í skíðagöngu.
Strandabyggð býður mann velkominn, á hvaða árstíma sem er.
Veður er aldrei hindrun, heldur bara staðreynd sem íbúar og aðr-
ir laga sig að. Steingrímsfjörður er þekktur fyrir mikið logn og
þau eru ófá kvöldin þar sem sjórinn er spegilsléttur og hreyfingar-
laus, nema stöku hvalablástur og uppitökur fiska hér og þar. Á
slíkum kvöldum verður vélarhljóð trillubáta nánast sem ljóð, sem
suðar í kyrrðinni. Steingrímsfjörður á mörg slík kvöld að baki sem
og ókomin. Það eru þessi lífsgæði sem skipta mestu máli þegar
öllu er á botninn hvolft.
Þetta er nú svona eitthvað af því sem er að frétta, og þó. Kannski
gleymist eitthvað, en það kemur þá bara seinna. Strandabyggð
býður þig alltaf velkominn aftur, hvort sem er í huga þínum, eða
ef þú ert ferðalangur eða þú ert íbúi sem vill ekki fara. Þannig er
Strandabyggð.
Þorgeir Pálsson
sveitarstjóri
Seiður eftir Einar Hákonarson. Ljósmynd: Jón Jónsson