Strandapósturinn - 01.06.2019, Side 52

51
Jón Jónsson þjóðfræðingar
frá Kirkjubóli
Galdrameistari,
stórleikari og
gleðigjafi
Vinur minn Sigurður Atlason
Sumt fólk sem maður kynnist og verður samferða á lífsleiðinni er
einstakt og algjörlega ógleymanlegt. Svoleiðis náungi var vinur
minn Siggi Atla. Öll hans óteljandi uppátæki voru endalaus upp-
spretta kátínu og gleði hjá vinum hans og kunningjum, hann
hreinlega kepptist við að gleðja fólk. Siggi var sömuleiðis óhrædd-
ur við að miðla og deila á vefnum bæði ýmiskonar skemmtiefni og
líka einörðum skoðunum sínum á margvíslegum málum.
Við Siggi Atla höfum verið samferða allmörg viðburðarík ár.
Við kynntumst fyrst í starfi með Leikfélagi Hólmavíkur árið 1992,
þegar gamanleikurinn Glímuskjálfti var settur á svið og sýndur 14
sinnum, bæði á Ströndum og í gríðarlega eftirminnilegum leik-
ferðum á Snæfellsnes og um allt Norðurland. Þar var endapunkt-
urinn Raufarhöfn, vinabær Hólmavíkur síðan á 100 ára afmæl-
inu. Á síðustu öld unnum við líka saman að uppbyggingu
ferðaþjónustu á Ströndum í verkefninu Ferðaþjónusta & þjóðmenn-
ing, og komum á laggirnar Upplýsingamiðstöð ferðamála í félags-
heimilinu á Hólmavík sem hann stýrði fyrstu sumrin. Eins stóðum
við ásamt Ester Sigfúsdóttur og Arnari S. Jónssyni fyrir kaffileik-
húsi á Café Riis sem þá var nýopnaður stórglæsilegur veitingastað-
ur á Hólmavík.
Laust fyrir aldamótin unnum við síðan saman á skrifstofu Sögu-
smiðjunnar sem starfaði innan vébanda ReykjavíkurAkademí-
unnar í JL-húsinu í Reykjavík, en eitt af verkefnum hennar var að