Strandapósturinn - 01.06.2019, Page 53

52
undirbúa opnun Galdrasýningar á Ströndum. Þegar hún var opn-
uð á Hólmavík árið 2000 varð Siggi framkvæmdastjóri Stranda-
galdurs sem er menningarstofnunin sem stendur á bak við
Galdrasýninguna og fleiri verkefni. Þá flutti hann aftur til
Hólmavíkur, fyrst yfir sumartímann, en fljótlega alfarið. Hann var
síðan framkvæmdastjóri Strandagaldurs í 18 ár, allt þar til hann
féll frá seint á síðasta ári, langt fyrir aldur fram. Þeir sem unnu
með Sigga á þessum vettvangi eiga um það samstarf margar góðar
minningar og geta sagt endalausar sögur af þeirri baráttu allri
saman. Það er samdóma álit aðstandenda Galdrasýningarinnar
og allra sem starfsemi hennar þekkja, að það sé ekkert minna en
kraftaverk að sýningin hafi lifað af allar þrengingar á þessum
árum og sé enn starfandi. Sú staðreynd sé Sigga að þakka, hans
endalausri atorku, hugmyndaauðgi og dugnaði.
Áður en ég kynntist Sigga starfaði hann við smíðar á Hólmavík
og víðar um land og raunar líka á Grænlandi og í Færeyjum.
Hann átti líka um tíma fyrirtæki sem steypti gangstéttarhellur á
Hólmavík, með mági sínum, það hét Sigberg. Siggi kom á ung-
lingsárum norður á Strandir, settist að á Hólmavík og átti þar
heima lengst af eftir það. Hann var fráskilinn þegar ég kynntist
Sigurður Atlason og Jón Jónsson. Ljósmynd: Ester Sigfúsdóttir