Strandapósturinn - 01.06.2019, Qupperneq 58

57
Siggi Atla stýrði stórmagnaðri galdrahátíð í Bjarnarfirði árið
2001 – Galdrastefi á Ströndum. Það var ógleymanleg skemmtun
fyrir alla sem viðstaddir voru. Og þegar rafmagnið fór um kvöldið
þegar allir höfðu safnast saman við sviðið, þá brá Siggi á leik eins
og oft áður og hélt athygli allra með sagnamennsku á heimsmæli-
kvarða. Einn veturinn þegar kalt var í veðri eyddi hann löngum
stundum við að útbúa skautasvell á bílaplaninu við Galdrasafnið.
Hann hélt líka um tíma bíó fyrir börnin á Hólmavík á galdraloft-
inu og stóð fyrir sagnaleikhúsi þar.
Siggi var lengi virkur i félagsmálum, hann var í mörg ár for-
maður Ferðamálasamtaka Vestfjarða og stóð fyrir mikilli
stefnumótun samtakanna þar sem áhersla var lögð á náttúru-
vernd og umhverfisvottun. Hann var leiðandi í ferðaþjónustu á
Ströndum, stóð m.a. fyrir gæðaþróunarverkefninu Arnkötlu 2008
og atvinnu- og mannlífssýningunni Stefnumót á Ströndum með
vinum sínum. Siggi fékk hvatningarverðlaun vestfirskrar ferða-
þjónustu árið 2011 og Strandagaldur fékk líka ýmis verðlaun og
viðurkenningar undir stjórn hans, t.d. viðurkenningu í tengslum
við verðlaun Jónasar Hallgrímssonar á Degi íslenskrar tungu og
Eyrarrósina árið 2007 fyrir framúrskarandi menningararverkefni
á landsbyggðinni.
Vinur minn Siggi í kokkafötunum. Ljósmynd: Jón Jónsson.