Strandapósturinn - 01.06.2019, Side 59

58
Fjölbreyttir hæfileikar Sigga komu fólki stundum á óvart. Hann
var hugmyndaríkur handverksmaður og gerði á tímabili merki-
legar galdraskræður úr rekavið, selskinni og roði. Einnig þæfði
hann ull og gerði húfur og slaufur. Og þegar harðnaði á dalnum
í rekstri Galdrasýningarinnar eftir hrunið 2008 stofnaði Siggi
veitingastað á Galdrasýningunni og reyndist vera snilldar kokkur.
Siggi var einstakt náttúrubarn og hafði gaman af útivist, fjall-
göngum og ferðalögum. Hann stundaði hjólreiðar af kappi um
tíma og átti fjallahjól sem hann hjólaði á um fjöll og firnindi. Ekki
má heldur gleyma frækinni hjólreiðaferð um Danmörku sem
Siggi fór í. Þá birti hann gamansama ferðasögu jafnóðum á vefn-
um, þetta var rétt eftir að Internetið hafði verið fundið upp. Síð-
ari árin réri Siggi á kajak á firðinum, heilsaði upp á hvalina og
naut útivistar. Hann ferðaðist talsvert til útlanda yfir vetrartímann
síðustu árin og hafði sérstakt á dálæti á Suður-Evrópu, Ítalíu og
Frakklandi. Þar átti hann margar góðar stundir. Heima biðu þá
vinir hans, kettirnir E-mail, Enter og galdrakötturinn Hippó. Á
þeim hafði hann mikið dálæti og þeir á honum.
Vinir Sigga Atla eiga óþrjótandi sjóð af minningum um góðan
vin, gleðistundir og spennandi uppátæki. Fyrir slíka samfylgd er
ástæða til að þakka.
Jón Jónsson
Kirkjubóli