Strandapósturinn - 01.06.2019, Síða 61

60
Ekki er vitað um að menn hafi leitað til Hallvarðs með áheitum
fyrr en það gerði Guðjón Kristjánsson sem var bóndi í Skjalda-
bjarnarvík frá 1905 til 1923 og aftur frá 1940-1947. Hann mun
hafa heitið á Hallvarð en ekki er vitað um hvaða vandamál það var
sem Guðjón átti við að glíma. En svo er sagt að það hafi dugað vel
að leita til Hallvarðs. Guðjón launaði honum greiðann með því
að laga til leiði hans, smíða utan um það og hugsa vel um það
meðan hann bjó í Skjaldabjarnarvík.
Það mun hafa verið upp úr miðri síðustu öld að farið var að
heita meira en áður á Hallvarð og hefur það síðan aukist með
árunum og ekki að sjá að sé neitt lát á því.
Gjarnan er heitið á hann í sambandi við veður og hét t.d. móð-
ursystir mín Ingigerður Guðjónsdóttir eitt sinn á hann þegar hún
var á ættingjamóti (1) á Staðarfelli á 7. áratugnum. Áætlað hafði
verið að sigla út í Flatey en ekki var hægt að fara sökum roks. Hét
hún þá á Hallvarð að hún myndi gefa pening í sjóð til að halda við
leiðinu hans og fljótlega fór að lægja og hægt var að sigla morgun-
inn eftir. Hún lék sama leikinn á næsta ættingjamóti en það var
haldið í Árneshreppi og var spáð rigningu og kulda alla helgina.
Guðrún Guðjónsdóttir, Guðmundur G. Jónsson og Sólveig S. Jónsdóttir
við leiði Hallvarðs.