Strandapósturinn - 01.06.2019, Qupperneq 64

63
hússins tók góðan tíma og var ekki hægt að ljúka við það verk fyrr
en daginn eftir. Á staðnum var margt fólk og þar á meðal forseti
Slysavarnarfélags Íslands, Einar Sigurðsson, Gylfi Sigurðsson, for-
maður Björgunarskýlanefndar og þá voru einnig nokkrir björg-
unarsveitarmenn frá Hafnarfirði.
Unnið var fram á kvöld og þá tóku menn á sig náðir. Nóttin
verður held ég öllum sem þarna voru ógleymanleg, 20 stiga hiti
og algjör blíða. Fólkið svaf út um alla móa undir berum himni og
þetta ótrúlega veður sem við fengum var til þess að sumir vildu
meina að veðurguðirnir hafi fengið boð um að hafa hægt um sig.
Eins og áður sagði lagði Ragnar Jónsson fram mikla vinnu við
að smíða húsið og var sonur hans Jón Jens honum til aðstoðar.
Þegar lokið var við að koma skýlinu upp og ganga frá afhenti
Ragnar svo Gylfa Sigurðssyni formanni Björgunarskýlanefndar
skýlið og gengu menn mjög ánægðir frá þessu verki. Síðan hefur
sjóðurinn fjármagnað kaup á ýmsum tækjum og hlutum sem
þurfa að vera í björgunarskýlum, t.d. kamínu. Björgunarsveitin á
Hólmavík hefur síðan séð um eftirlit með húsinu sem var nefnt
Hallvarðsbúð.
Björgunarskýlið sett upp.