Strandapósturinn - 01.06.2019, Qupperneq 91

90
Krákufoss.
Vatnaálög
Fleiri tegundir sagna þar sem álög koma við sögu eru þekktar. Þó
nokkrar sögur eru til um vatnaálög á Ströndum og eru þær allar
því sem næst eins að uppbyggingu. Aðdragandinn er svipaður og
niðurstaðan; að þau álög eru lögð á vatn, á eða fjörð, að þar muni
enginn drukkna framar og heldur ekki veiðast neitt. Sambæri-
legar sögur eru þekktar víða um land, alþekkt þjóðsagnaminni
eru á ferðinni.
Ein slík saga af Ströndum segir frá kerlingunni Kráku sem
bjó í Krákutúni við Veiðileysufjörð og átti tvo syni sem stun-
duðu sjóróðra. Einhverju sinni þegar veiði var treg og vöntun
á beitu, skáru strákarnir bita úr lærinu á kerlingu sem var
niðursetningur á bænum til að nota á öngulinn. Fiskaðist þá
afbragðs vel, en áður en sjóferðinni lauk hafði niðursetnin-
gurinn náð fram hefndum og magnað upp ofsaveður svo að
báturinn fórst og bræðurnir drukknuðu báðir í lendingunni.
Kráka móðir þeirra lagði þá þau álög á Veiðileysufjörð að þar
myndi aldrei framar fást bein úr sjó, en heldur ekki neinn
drukkna þar í lendingu. Kráka hljóp svo upp með bæjaránni
að fossi rétt fyrir ofan bæinn og steypti sér þar fram af klett-