Strandapósturinn - 01.06.2019, Qupperneq 94

93
Svanhildur Guðmundsdóttir
fyrum húsmóðir á Eyri
Kötturinn
sem hvarf
á Ströndum
- ótrúleg ævintýri
flökkukattarins Krúsílíusar
Svanhildur skrifar um hvarf kattarins Krúsílíusar og ótrúlega
endurkomu hans eftir þriggja ára dvöl norður í Árneshreppi árin
2002-2005. Kötturinn sem um ræðir er enn á lífi og verður tvítug-
ur í maí 2019. Að sögn Svanhildar er hann orðinn frekar gamall
og hægfara eins og gefur að skilja eftir viðburðaríka og langa
kattarævi.
Árið 1999 fékk dóttir mín og dótturdóttir kettling sem aug-
lýstur var í DV undir fyrirsögninni „Krúsilíusi vantar gott heimili.“
Kötturinn í heimilisleit átti heima hjá fólki í Birtingakvísl í
Reykjavík eða einhverri kvíslinni. Þegar mæðgurnar fengu Krús-
ilíus var hann mjög lítill, léttur og örmjór. Þetta var í byrjun júlí
árið 1999.
Þær komu síðan með hann til okkar hjóna í bústaðinn okkar í
Ingólfsfirði um verslunarmannahelgina. Þegar þær fóru til baka
þá varð hann eftir hjá mér í sveitinni.
Þá gerðist það einn góðviðrisdag að við skruppum í kaupfélag-
ið í sveitinni og skildi ég Krúsa einan eftir heima og hafði útidyrn-
ar hálf opnar.
Þegar við komum til baka sást Krúsilíus hvergi. Við leituðum
bæði úti og inni og fundum hann hvergi nokkurs staðar. Ég var
algjörlega miður mín yfir þessu. Ég var eiginlega lögst í rúmið yf-
irkomin af skelfingu yfir því að einhverjir ferðalangar hefðu jafn-
vel tekið litla krúttið með sér. Við keyrðum á næsta bæ til vina-