Strandapósturinn - 01.06.2019, Qupperneq 96

95
Bærinn Eyri við Ingólfsfjörð og Elvar Óli ömmustrákur.
Ófeigsfjörð með kattamat og harðfisk, en án árangurs. Ég sendi
smá grein í Morgunblaðið og bað fólk á Ströndum og þar um
kring að láta mig vita ef sést hefði grár köttur. Ekkert kom út úr
því, en kona ein á Hvammstanga hringdi og benti mér á konu
sem væri símamiðill, hún hefði nokkrum sinnum hjálpað sér og
sínum að finna týnda ketti og týnda hluti. Ég hringdi til hennar
og þá var komið að mánaðarmótum október nóvember 2002.
Símamiðillinn fann það út að Krúsilíus minn væri örugglega dá-
inn. Mér hálf létti við þær fréttir þó þær væru dapurlegar. En
aldrei gat ég hætt að hugsa til hans, mér fannst alltaf eins og hann
væri einhvers staðar á lífi.
Síðan fréttist það að sést hefði til óþekkts kattar í agni sem var
sett til að laða að refi á Reykjanesi sem er eyðijörð þarna í Árnes-
hreppi. Þetta var árið 2003. Síðan gerist það í maí árið 2005 að
piltur sem var að kíkja eftir mink þarna og gekk um vík sem heitir
Hellisvík og er í Finnbogastaðalandi að hann sér allt í einu eitt-
hvað sem líktist mink, en reyndist þegar betur var að gáð vera
köttur með hálsband. Hringdi þá vinur okkar hjóna Guðmundur
í Stóru-Ávík í mig og spurði hvort þetta gæti virkilega verið köttur-
inn okkar. Ég get varla lýst því hvað ég varð glöð að heyra þessar