Strandapósturinn - 01.06.2019, Page 106

105
yfir nóttina og var stundum kominn þar þykkur klaki að morgni.
Það sem bjargaði okkur í þessum kulda var að það sváfu tveir í
hverju rúmi og öll vorum við í ullarnærfötum bæði dag og nótt.
Ekki tók betra við þegar maður þurfti að fara á kamarinn. Í bylj-
um skóf snjó inn í kamarinn og var þá heldur kuldalegt að setjast
á snjóuga setuna. Setan var þannig útbúin að það var trébekkur
með gati í miðjunni og þar undir var fata til að taka við gumsinu.
Þegar allt var þakið snjó var eina ráðið að standa upp á bekknum
og setjast á hækjur sínar og miða á gatið. Þrátt fyrir þetta leið okk-
ur vel í skólanum, við fengum hollan og góðan íslenskan mat og
Sigurður kennari gerði sitt besta við að kenna öllum í einu án
árekstra og gekk það bara vel.
Við vorum í hálfan mánuð í skólanum án þess að fara heim og
allan þann tíma vorum við yfirleitt í sömu fötunum. Ekki var hægt
að fara í bað því eina vatnslögnin í skólanum var einn krani við
eldhúsvaskinn.
Á skíðum undir fullu tungli
Helsta tómstundagaman okkar var að fara í ýmiss konar leiki úti
t.d. útilegumannaleik og boltaleik sem kallaður var yfir og var
stundaður við hjallinn á Heydalsá. Einnig stunduðu strákarnir all-
Lýður 10 ára.