Strandapósturinn - 01.06.2019, Page 116

115
Efsti hlutinn virtist vera nær þverhníptur og ekki mjög árennileg-
ur. Matti lét sig gossa fram af og sáum við hann þegar hann var
kominn niður miðja hlíðina, og var ferðin á honum rosaleg. Nú
var annað hvort að duga eða drepast og létum við allir okkur
gossa fram af brúninni. Allt gekk þetta slysalaust og var hraðinn
geysilegur og ekki stoppuðum við fyrr en niður við veg. Ekki lögð-
um við í aðra ferð og var nú keyrt upp í sæluhús þar sem hinir
biðu og var síðan haldið heim.
Eitthvað meira en extralong og gleðskapur við námslok
Eina helgina var skólanum boðið í heimsókn suður í Reykholts-
skóla í Borgarfirði. Var farið á tveim bílum; stórri rútu og vörubíl
með boddý en það var tréhús með trébekkjum sem sett var á vöru-
bílspallinn. Ekki var það beint þægilegur ferðamáti að hossast yfir
Holtavörðuheiði á vondum vegum og snjó, en allt gekk þetta vel
og var þetta hin skemmtilegasta ferð. Það voru þreyttir og rasssár-
ir strákar sem stigu út úr boddýinu þegar heim kom um nóttina.
Margt var til gamans gert t.d. var æft upp leikrit undir stjórn
Péturs bryta og í sambandi við sýningu þess var auglýst í nágrenni
skólans. Skemmtunin var vel sótt og endaði svo með dansleik um
kvöldið.
Alla, Lýður og Matta.